يا جدعان واحد واحدة...
الفلتر بيفرق فى السحب... المهم يركب صح... يعنى مش يبقى بيسحب طن هوا سخن و نقول العربية اتكتمت
الفلتر تاثيرة بيبان عند RPM عالى... مينفعش واحد بينقل على 2500 ولا 3000 و يقول الفلتر مش فارق معايا... انت اساسا مدخلتش فى المنطقة اللى فرق الفلتر بيبان فيها
قصة استهلاك البنزين دى مش صح خالص... اللى بيركب فلتر بيحرق بالعربية وبالتالى استهلاكة بيزيد... لو مشى عادى الاستهلاك حيبقى عادى
قصة الموتور يترمى دى هجسة من اكبر هجسات عالم السيارات... انا مركب فلتر من 40 الف كيلو و الحمد لله مفيش اى مشاكل و قبل كدة كان راكب فى عربية الوالد و الحمد لله العربية لسة زى الفل... و بعدين انا عايز اقولكم خاجة... اللى بيهمل فى تغيير زيت او بوجيهات بيضر الموتور اكتر بكتير من اللى ركب فلتر سبور
الخلاصة: اللى عايز فلتر سبور... يركبة صح و يستعملة صح... اى حاجة غير كدة هى مضيعة فلوس
MMamdouh