الموضوع: فكرت فى يوم من الأيام تشترى عربيات الجيش القديمه !؟

المشاركة الأصلية كتبت بواسطة elewey

انا سمعت ان المرور منع خالص استخراج تراخيص للعربيات اللى هى مخلفات الجيش دى و السبب ان الناس اللى كانت بتشترى العربيات دى زى الرنجلر كانت بتسقطلها مواتير بيجو 504 او 132 مش موتورها الاصلى و وبيحطلها عفشه مش بتاعتها طبعآ فبتطلع عربيه شكلها حلو بس مش امان بسبب انها ملعوب فيها كتير

والله موتور البيجو 504 أو الـ132 أرحم من حاجات كتيرة زيرو كمان
بس من أمتى المرور بيخاف على الشعب تلاقيها كانت مصلحه زمان و كسبوا منها كام مليون كدة و أتلغى الموضوع دة
لكن الموضوع مالوش علاقة بالأمان نهائيـــا الموضوع له علاقة بالمصلحه و خلصت زى المنطقة الحره و سيارات المعوقين

المشاركة الأصلية كتبت بواسطة Akram

انا والدي كان اشتري عربية جيب رانجلر من الجيش و شدها من أول و جديد و بقيت حاجة جامدة جداً ,
و باعها بعد فترة ....

الموضوع ده من حوالي 20 سنة ,
لكن معرفش هل ما زال متاح أم لا ....

إن شاء الله هحاول أعرف كدة و حاولوا معايا يا جماعة يمكن نوصل لحل معين

المشاركة الأصلية كتبت بواسطة elassar2010

+9999
الحاجات اللقطة بتطلع من تحت التربيزة

و لو يعرفوا يطلعوها من تحت السيراميك هيطلعوها منه

المشاركة الأصلية كتبت بواسطة great_eagle

انا نفسي اعمل ده

و مين سمعك

المشاركة الأصلية كتبت بواسطة النوبي

لما كنت في الجيش سمعت عن عقيد بيظبط الدنيا العربيات بتيجي ويمضيلها امر تكهين وبيبيعها برخص التراب
لو قلتلك حفيت علشان اجيب نمرته ومعرفتش وكلمت ناس كتير عليه وبرضه مفيش نتيجه كان عامل زي الشبح كل الناس بتتكلم عليه ومحدش عارف يجيب نمرته
لو لقيت فرصه لاغيني لاني في دماغي العربيه M الصغيره اللي عامله زي الجيب

والله لو فيه حاجة جديدة عرفتها أو كلمت حد طلع فاهم فى الموضوع دة هقولكم كلكم و هقولكم الانواع
بس عايزين ناس كمان تسأل معانا فى الحوار دة