ربنا يخليك يا باشا انا اتشرف بمعرفة حضرتك
انا بنزل الغردقه كتير فأكيد ان شاء الله نتقابل
عرض للطباعة
من باب تجربة سيارة زميل في رحلة طويلة
هي عربية ممتازة بشكل عام للاستخدام العائلي
بمعني صالون و مساحة تخزين و زجاج ملون للخصوصية و موتور 1600 للتوفير و عالية نسبيا و لكنها طويلة ايضا نسبيا فالنتيجة متوسطة علي المطبات (أقل من توقعي للشكل الخارجي)
و في نفس الوقت تختلف عن السيدان و لا يجوز أن نقارنها بها فهي ليست للشد و الغرز
و لكن من باب المقارنة فهي أقل من الماتريكس في إمكانيات المناورة و الشد
و العفشة كالسيارات الكوري أنشف من الياباني و لكن معقولة
و استهلاك البنزين طبيعي
و صوت الموتور عالي نسبيا
بناء على التجارب اللي اتعرضت علينا هنا نقدر نقول عربية رشيقة ؟ متوسطة الرشاقة ؟ تميل للتقل في سرعة الحركة و الحركات المفاجأة ؟
سؤال مهم جدا التكييف عامل ايه مع الناس اللي راكبة وراك و اللي في الكنبة التالتة ؟
رشيقه و تميل للتقل فى سرعة الحركه و الحركات المفاجئه من الثبات
لكن من الحركه مناورتها ممتازه بس خلى بالك من ابعاد العربيه و انت بتاخد غرز علشان :khd:
بص يا خالد أنا اشتغلت فترة في رأس غارب و بالأدق كنت الدكتور في وحدة الأسعاف بين غارب و الزعفرانة.. فأنا الحمد لله عندي خبرة كويسة في الطريق ده و يمكن هي دي كانت الميزة الوحيدة في الشغل هناك...
بالنسبة لطريق السخنة فالهوا فيه جامد و معظم الوقت جانبي يعني بيزق عربيتط من الجنب سواء رايح السخنة أو راجع القاهرة، أما لو خلصت طريق السخنة و كملت بعد الزعفرانة على الغردقة هيبقى الهوا بيزق العربية و السحب هيبقي تمام.. أما و انت راجع من الغردقة للقاهرة حاول متجرييييش الله يكرمك لأن الهوا بشع جداً و بيعوم العربية و بيتسبب في حوادث كتير جداً لا قدر الله.
أنا طبعاً مش محتاج أقولك ان الهوا أشد بكتير باليل عن الصبح و أشد بمراحل في الشتا عن الصيف.
مثال بسيط: :معظم عربيات الاسعاف الباب اللي جنب السواق مفسوخ علشان اللي بيفتح الباب سواء المسعف أو الدكتور مش بياخد باله إن الهوا في ظهره فالهوا بيفسخ الباب و دي و الله حقيقة مش خيال، يا راجل ده احنا كنا ساعات مبنقدرش نقف من شدة الهوا و كنا بنقف بالجنب علشان الهوا ميوقعناش
فكرتنى يا دكتور بالاسبوع اللى فات بدوس بنزين و العربيه 120 مش عايزه تزيد بس كان الهوا لووووووووووووووووز
فى الغردقه كان حوالى 16-18 عقده و كل متقرب الزعفرانه الهوا يشد اكتر
الهوا الجانبى ده تحسه انك ماشى بس عاوج الدركسيون سنه علشان تعادل تأثيره و تمشى عدل و فجأه تخش بين جبلين ولا الطريق فيه الاسمنت ده من الناحيتين تلاقى العربيه بتحدف جامد :))))
لا شكر على واجب يا جماعة.. على فكرة في معلومة مهمة برضة نسيت أقولها، في رادار علي الطريق معظم الأوقات و في كمان رادار ليلي، فخلي بالكم علشان خسارة ال 150 جنيه
بمناسبه الكلام عن الهوا فى الغردقه احب اقوللكم عن موقف حصلي معايه هو ان الهوا من شدته حرك تانك ميه 2.5 طن كان اكثر من ثلاثة ارباعه مليانه يعني حوالي 2 طن من فوق المبني مسافه مترتقريبا ولولا ستر ربنا والماسوره اتكسرت تسببت فى ان التانك يفضي كان ممكن يوقع علي حد من فوق البيت
فدي سبب مخليني متردد في اني اشتري عربيه كبيره الحجم مثل الجميله كارينز مع انها مناسبه جدا لاحتياجاتي
معاك حق يا دكتور ده وانتي راجع من الغردقه وبتعدي من اوتوبيس او تريلا اول ما وش العربيه يعدي من الاوتوبيس تحس ان واحد اداك قلم خدامين بدهر ايده رماك على اخر الطريق
ربنا يسترها علينا جميعا
مصطفي
خلى بالك من حاجه ان العربيه الكبيره صحيح مساحتها المعرضه للهوا كبيره بس برضه تقيله بينما العربيه الصغيره تاثير الهوا اخف بس وزنها اقل ....
ممكن ماكونش حسيت بالتعويم فى الهوا الشديد لأن كنت محمل العربيه و ده مديها ثبات ..
بس كده كده التأنى و انت سايق عربيه كبيره فى وجود هوا و ملفات مطلوب