-
ركن العربية
السلام عليكم و رحمة الله وبركاته أنا كان عندي سوال لو حد يقدر يساعد أنا إنشاء الله مسافر شهرين و كنت عايز أعرف إيه أحسن طريقة أسيب بها العربية المدة دي
هل أسيب المفتاح مع حد يدورها كل كام يوم
افصل البطارية ام ان المدة مش مستاهلة
فمن فضلكم لو حد عند خبرة في الموضوع دة يدلني اية احسن طريقة
-
حضرتك انا مسافر لمدة اسبوع من غير العربية و متأكد اني هرجع و هلاقي البطارية نايمة 100% و عربيتي اوتوماتيك فتخيل حضرتك شهرين بقي
فحضرتك لازم لازم اما تفصل البطارية و حد يشغلها في عربيته او تسيبها لكهربائي يشحنهالك اول باول او ان حضرتك تسيب مع حد مفتاح العربية و يدورها كل 3 ايام بس الطريقه ديه انا مش بحس برده ان البطارية هيتحافظ عليها برده هتبوظ
انا بنقل لحضرتك خبرتي القليلة في الموضوع ده و يارب اكون افدتك
-
شكراً يا باشا على ردك بس بالنسبة للكاوتش مفش مشكلة والا لزم العربية تتحرك
-
اعتقد مفيش مشكلة لأن العربية لما بتطلع من المصنع ممكن تقعد بالخمس شهور واقفة مش بتتحرك من مكانها
-
بالنسبه للكاوتش هو مفيش مشكله بس لازم الهوا يزيد عن الطبيعي انا اكتر من عربيه اروح اشتريها زيرو يكون ضغط هوا الكاوتش مابين 50 و 60 ولما سالت قالي صاحب المعرض علشان يحافظ على الكاوتش بمعنى انه مش بيدي فرصه للكاوتش انه يكون فيه فراغ هوا علشان يكسر
-
املئ الكاوتش نيتروجين و اي خدمة
-
الف شكر يا رجالة على الرد
Content Relevant URLs by
vBSEO 3.6.0 PL2