انا باذن الله عايز اشتري جوز مساعدين لانوس خلفية فياتري ايه افضل نوع وبيستحمل الطرق الغير ممهدة وسعرهم كام؟
وكمان انا عايز اشتري صوابع الكالبرات بتاعت مستر الفرامل لانها مبوشة وعاملة صوت اكن العربية عاملة زي صالة الديسكو من قدام
وتحياتي للجميع
عرض للطباعة
انا باذن الله عايز اشتري جوز مساعدين لانوس خلفية فياتري ايه افضل نوع وبيستحمل الطرق الغير ممهدة وسعرهم كام؟
وكمان انا عايز اشتري صوابع الكالبرات بتاعت مستر الفرامل لانها مبوشة وعاملة صوت اكن العربية عاملة زي صالة الديسكو من قدام
وتحياتي للجميع
بالنسبه للمساعدين
لو عاوز حاجه تساعد شويه مع السوست الخلفيه
وتفيدك فى المطبات
هات المونرو
طالما مش طريه لدرجه كبيره زى الأنواع الأخرى
عن نفسى لو أحتجت مساعدين فى اى وقت
حجيب المونرو إن شاء الله
والصوابع هاتها من أى واحد بتاع قطع غيار
بيقولوا الطقم ب 80 ج تقريبا
استاذ سمير انا لوسبت السست الاصلية وركبت الكونى ورا هتفرق فى المطبات ..لانى للاسف مركب ديفيل كبير شويتين تلاتة وبحك فى كل المطبات وفى نفس الوقت عايز العربية تنشف شوية لما اجنط ...
انا امبارح كنت عند ارابكم بشوف جنط ولقيت الكونى وقالى عليها خصم وورا وقدام هيحسبهملى ب 2600
ولا المنرو واقص فى السست شوية او ممكن اغيرها بانشف ... انا مش عايز الارتاد يكون عالى بعد ما اعدى على المطب والثبات يتعدل شوية ...
http://www.nilemotors.net/Nile/150122-gm.html
الرابط ده ممكن يفيد
حستأذنك ونسيب التعليق على المشاركه دى لأبو يوسف
لأن أكيد حتكون أجابته أفضل
لأنه عارف الأنواع دى عنى
وطبعا أنا مع المونرو ومش مع قص السوست
عاوز أغير بسوست أقوى أجيب سوست بنفس أبعاد السوست بتاعتى ولكن أقوى شويه
أنا عامل كده فى عربيتى
حاطط بتوع الانوس الأماميين للخلفى فى النوبيرا
الكونى غالى جدا جدا... 2700 كتير اوى على جوز مساعدين
هات المونرو... هو انشف من الاصلى و بضمان سنة كمان.... قصة قص السوست تاليف و متنفعش فى سوست اللانوس الخلفية و دة حيوطى العربية
لو عايز سوست ناشفة و مش فارقة معاك العربية توطى 2 سنتى هات طقم سوست ابكس... دة بيعمل حوالى 1100 جنية
MMamdouh
بجد بلا مجاملة عمالقة الدايو :wink:.... بجد متشكر جداا على ردودكم ...
الفكرة انى حاسس ان العربية بقت مراجيح على المطبات وحاسس انها طرية اوووى عن عربيات كتير اقربهم اللوجان كمثال وكدة كدة العربية بتتشد ...
فحد صاحبى قالى على حوار السست انها لو طرية مش هتحس بفرق لما تغير المساعدين ...وقايلى على حوار قص السوست او ممكن اجيب اى سست استيراد امامى واحطها ورا بتكون انشف ودية مش داخلة فى دماغى ....!!!
متقصش اى حاجة... حتندم على العربية اللى بقت زى الدبابة بعد القص... انا ركب جوليت بسوست مقصوصة و كان مزبلة الزبالة
الاول هات طقم مساعدين مونرو امامى و خلفى قبل ما تخش فى سوست سبور... طبعا السوست السبور حتحول ثبات العربية خالص بس انا مش عايزك تخش فى تكلفة كبيرة مرة واحدة خصوصا ان ممكن العربية تعجبك اوى بعد المسادين فقط
صاحبى اللى ركب السوست اسبور قاللى انه اخد غرزة من اول حارة الى اخر حارة على الدائرى بسرعة 170 و العربية كانت ثابة جدا.... طبعا دة جنان رسمى و محدش عاقل بيعمل كدة بس دى لمحة عن الثبات الكبير اللى بتوفرة السوست السبور
بالنسبة ليا طقم المساعدين المونرو عاملين الواجب و زيادة و حاليا مش محتاج اكتر من كدة
MMamdouh
thxx alot mr m mamdouh
جوز المساعدين حيعملوا معاك من 350 الى 400 جاقتباس:
بس ممكن تقولي سعر المساعدين كام ؟ وطقم الصوابع ده كام صباع
وطقم الصوابع بيبقوا أربعه
أثنين لكل كالبر بالدوشمه بتاعته