انا قولت لا للبنزين - حولت غاز أول امبارح
انا قولت لا للبنزين - حولت غاز أول امبارح
طيب احكى لنا
ايه النظام
ايه الفرق
ايه التوفير
الدنيا ايه
بصراحة انا بقالي بيه 5 أيام أهو - بس بصراحة مريح جدا - انا ساكن في اكتوبر وشغلي في النزهة الجديدة - فمتوسط يوميا 160 كيلو في اليوم - فبحسبة بسيطة حاليا بصرف في اليوم 4-5 جنيه للعربية - بالبنزين كانت بتوصل 20 جنيه يوميا
المزايا بتتلخص طبعا في التوفير
العيوب - معاك مساحة الشنطة تلتها تقريبا طار - الوزن كبير بحس كأنك مركب معاك واحد في الشنطة - مش عارف المهم بتحس ان شنطتك تقلت جامد مع مرتفعات ومنخفضات الطريق فيه احساس ان العربية وزنها زاد مش حاجة بسيطة
بس لا فارقة مع التكييف ولا صوت الماتور ولا عزم العربية (في المواقف الطبيعية)
هاتحس بالفارق برضه لو عايز تطلع مطلع بسرعة مش تدريجيا - لو عايز تشد بسرعة مرة واحدة - لكن أثناء السواقة الطبيعية مش حاسس بفارق
وأهم حاجة علشان العمر الافتراضي للماتور مايتأثرش زي ما الأستاذ احمد كان بيقول في موضوع ( التحويل للغاز خطوة بخطوة) تبدء الصبح التسخين والقيادة بالنبزين - وده الطبيعي أساسا - علشان العربية بتقلب غاز لما سرعتك تعدي 60-70 أول مرة - وتفضل غاز لحد ما تقف - بس يفضل برضه آخر خمس دقائق ترجعها بنزين يدويا حسب نصيحة أستاذ أحمد والي بقالي 3 أيام أهو ملتزم بيها:verygood:
ربنا يكملها على خير - اذا العملية مشيت زي الكام يوم الي فاتوا يبقى آخر ألف حمد وألف شكر
نقطة كمان - الأنبوبة بتكفي تقريبا 180-200 كم - فمشوار زي مشواري بعدي على محطة الغاز كل يوم وانا مروح والحمد لله ان في واحدة في سكتي أمام مستشفى دار الفؤاد - والا كنت هاغير مساري يوميا علشان الغاز
أي أسئلة اتفضلوا - سواء هنا أو موضوع ( التحويل للغاز خطوة بخطوة)
:ma:
البنزين لو غلي شهر زياده والغاز هيغلي هو كمان
احتمال كبير - بس لما البنزين يغلى 25% مثلا - 20 جنيه هاتبقى 25 جنيه في اليوم
لو (لو) الغاز زاد بنفس النسبة مع اني لا أعتقد ان الغاز عليه دعم أساسا زي البنزين - وافتضرنا انه زاد برضه 25% - ال4 جنيه - هاتبقى 5 جنيه في اليوم - هتلاقي التوفير برضه - زاد من 16 جنيه يوميا الى 20 جنيه يوميا - يعني التوفير برضه ساعتها هايزيد 25% -
ده غير ان الغاز لو زاد مش هايزيد بالنسبة الكبيرة دي علشان زي ما قولت لا أعتقد ان عليه دعم زي البنزين والسولار
لو حصلت زيادة أحاول اقلل تحركاتي بالعربية
غ ا ز
ثم غاز
فا غاز
ملهاش معايا حل تاني
المشاركة الأصلية كتبت بواسطة opelvectra
الغاز بكل حال من الاحوال اخطر من البنزين الغاز لو اتخبط هينفجر علي طول لكن البنزين اضمن شوية و بعدين يا جماعة بدل ما نتكلم علي موضوع الزيادات و اننا احنا اللي ندور علي حل لأ بقا هما اللي يدورا علي حل احنا نقفلهم بالعربيات في الشارع و نسبهالهم و نمشي
انتو نسيتو ايام ارتفاع الاسعار ايام السادات اية اللي حصل؟
احنا لية بندور علي حلول احنا للدرجادي استسلمنا و سيبين البلد يتعمل فيها اللي هما عاوزينو؟؟؟؟؟؟؟؟؟؟؟؟؟؟؟؟
عندي نقطتين عايز أرد عليهم - الأولى ان الأنبوبة دي فيها عوامل أمان تخليها أكثر أمانا من تنك البنزين - المفروض العربية كلها لو انفجرت حتى الأنبوبة دي ما يحصلهاش حاجة
تاني نقطة فيه سبب ان البنزين بيزيد - هو وقت الزيادة بس هو الي سخيف - بس ما تنساش ان البنزين ده عليه دعم - فعلا المفروض الدعم ده يقل تدريجيا - بس ما ينفعش نقول انهم بيغلوا سعره علينا - ونروح نقفل الشوارع بالعربيات والكلام العصبي الي مافيش فائدة منه ده
يومين بس يا ناس حرام عليكوا
يومين بس نوقف العربيات و منمونش من اى محطه بنزين
يومين بس محدش يدخل اى بنزينه
لازم اعتصام جربوا بس ماتستسلموش
انتوا مش عارفين ياعني ايه يومين مندخلش نمون شوفوا الخراب اللى هيشفوا فى محطات البنزين
احنا مش بنتكلم على منتج زايد وخلاص ذى اى منتج ثانوى
احنا بنتكلم على حاجه ضروريه و اساسيه هتغلى اى حاجه معاها بنفس النسبه على الاقل