فيات سيينا 2003 حالة مميزة بالكتالوج

بسم الله الرحمن الرحيم
السلام عليكم يا سادة

استأذنكم اعرض سيارة والدي للبيع مع ان العربية كويسة ونظيفة
بس في مصاريف اهم

http://hdxsta.blu.livefilestore.com/...009.jpg?psid=1
سيينا 2003
ماشية حوالي 114 الف كيلو متر
مانيوال

باور ستيرنج

تكييف كويس جدا

زجاج كهرباء امامي

بدهان المصنع من الداخل والخارج

كاسيت

فانوس ستوب فرامل خلفي

شنطة 500 لتر قابلة للزيادة بطي الكنبة الخلفية (موضحة الطريقة بالكتالوج)

الصالون وسعه معقول جدا

والدي كان اشتراها من شهور ومعاها الكتالوج بتاعها و وصل الدفع والاستلام شهر 8 سنة 2003
وبعض فواتير الصيانة

كنا اشتريناها لانها كانت حالتها مختلفة عن اغلب السيينا اللي اتفرجنا عليه و أرخص من لانوس مش هتبقى بالحالة دي وكانت هتبقى اقدم 1999 وكذلك الاكسنت

فدلوقتي ربنا يبارك لصاحب نصيبها أيا كان



http://hdxsta.blu.livefilestore.com/...001.jpg?psid=1


http://hdxsta.blu.livefilestore.com/...000.jpg?psid=1http://hdxsta.blu.livefilestore.com/...003.jpg?psid=1http://hdxsta.blu.livefilestore.com/...a/1.JPG?psid=1


http://hdxsta.blu.livefilestore.com/...005.jpg?psid=1

http://hdxsta.blu.livefilestore.com/...004.jpg?psid=1http://hdxsta.blu.livefilestore.com/...011.jpg?psid=1
http://hdxsta.blu.livefilestore.com/...006.jpg?psid=1http://hdxsta.blu.livefilestore.com/...012.jpg?psid=1



43500 جنيه

http://hdxsta.blu.livefilestore.com/...led.JPG?psid=1

الاتصال والمعاينة في اي وقت يناسب الاعضاء الكرام

أي اسئلة تحت امركم ويفضل على رسالة خاصة
وشكرا لصبركم واسف للاطالة

والسلام عليكم ورحمة الله وبركاته

ما شاء الله رائعه ......ربنا يوفقك فى البيع

مش ملاحظ ان السعر عالى اوى اوى كتير يمكن 10000 او اكتر كمان عموما ربنا يوفقك فيها

اقتباس:

---

المشاركة الأصلية كتبت بواسطة dejavu_exara

مش ملاحظ ان السعر عالى اوى اوى كتير يمكن 10000 او اكتر كمان عموما ربنا يوفقك فيها

---

10000!!!! مرة واحدة؟!!!!!

يا راجل دي عربية واضح إن حالتها ممتازة... لو قلت السعر عالي 2000 أو 3000 كان تبقى معقولة لكن 10000 !! حرام عليك

ربنا يحسن لك بيعها.... أنا بدور على واحدة حالتها نضيفة و لكن مش معايا كل التمن ده
سأرسل لك على الخاص المبلغ اللي معايا

و ربنا يحسن لك بيعها

ما شاء الله كربونة من عربيتى بس بصراحة السعر عالى اوى اوى

ممكن ترفع الكتالوج على اى موقع لو سمحت ؟

1400 ولا 1600

ربنا يوفقك فى البيع

شكرا جزيلا للدعوات الجميلة من ناس اجمل

العربية 1400 سي سي حقن الكتروني احادي أقصى عزم عند 3000 rpm وسواقتها حلوة جدا وعالية عن الارض وشنطتها واسعة

بالنسبة للسعر فاحنا كلفتنا من حوالي 4 او 5 شهور التمن ده بس كان احسن ما نجيب سيينا مبهدلة وشفنا كتير منها ب42 و40 وحتى 38 كمان بس كنا هنصرف عليها كتير وبرضه مش هتبقى زي دي ففي المستعمل دورنا عالحالة هي المهم مع ان اللي باعهالنا كان متمسك بالسعر وطالب 44وواثق اوي انها لسه جديدة

شخصيا والدي رأيه ان العربية نضيفة ومفيش حالات كده كتير ومش عاوز يفرط فيها خصوصا انه بيحتاج يوسع الشنطة ويتني الكنبة عشان تستوعب احمال طويلة بس محتاج فلوسها في حاجات أولى من العربيات

فياريت اللي شايف السعر عالي زي محنا كنا شفناه يشرف يتفرج عليها بالذات لو قريب من جسر السويس و مصر الجديدة و الزيتون وممكن بالنهار المعاينة في عين شمس ويشوف تستاهل ولا لأ و يشوف قيمتها ومش هيخسر حاجة نبقى كسبنا شوفتك ومعرفة خير مش لازم يحصل بيع واهي ليها نصيبها

أي استفسار انا تحت امركم والافضل الاتصال عالتليفون هتبقى أسرع وأسهل ومفيدة للطرفين

شكرا جزيلا لكم جميعا

مقدر مشاركتك ورسالتك استاذ gassarian و بعتتلك رسالة خاصة شكرا لحضرتك


والسلام عليكم يا سادة يا كرام

وربنا يوفقك فى بيعها بس السعر عالى شوف الاسعار وبعد كدة صحح السعر

سعرها عالي اوي يمكن 10000 جنيه بالضبط ومتنساش قطع غيارها غالية

حلوة بس عاليه

إسمحلي أعتذر مسبقاً عن كلامي في حالة الفهم الخاطئ و أرجووووووووك شديد الرجاء الرجاء ماتفهمنيش غلط
واحد صاحبي إشترى عربية نفس الموديل و كانت عاملة 17500 كم بالكتالوجات و فبريكة برة و جوة و مافيهاش خربوش واحد بـ 47000 جنيه
من حوالي 10 شهور
أنا بكلم حضرتك كأخ علشان العربية ماتقعدش كتير و يتقال عليها بايرة.. و ربنا يوفقك و يحسنلك بيعها..
في رعاية الله...

شكرا لكم جميعا على الرأي او النصيحة

انا قلت لوالدي على ارائكم

وهو قال احنا جايبينها من 5 شهور بال43 الف عشان ما كناش ناويين نبيع وكانت عجبانا وكنا ناويين نحتفظ بيها
وده اللي خلانا نوافق عالسعر ومندورش على واحدة ب40 و39 وبعد كده نصرف عليها 2000 تجديد وتصليح وتتعبنا فهي العربية نضيفة واللي يحب يقتني عربية نضيفة تريح باله فاهلا وسهلا بيه يشوفها ويجربها ويشوف يقدر يدفع كام احنا ممكن نخسر ماشي عن 43 بس بسيط ولو مكنتش عاوز فلوسها كانت هي كعربية افيد من تمنها

بس يا شباب فالسعر قابل للتفاوض بناء على المعاينة والتجربة اللي بيفكر يشتريها او يعرف حد يدور على عربية دي مناسبة ليه يتصل ونتفق عالمكان

واي اسئلة عن العربية اهلا وسهلا

ودي كلها في الاخر ارزاق ونصيب وربنا يوفقكم ويفقنا للاصلح واللي فيه الخير

والسلام عليكم

شكرا لكل من دعا بالخير وتم بيع السيارة وربنا يبارك لصاحبها ويديه خيرها ويكفيه شرها

سعر السينا من 34 الى 37
هى فعلا عربية ممتازة بس سعرك عالى شوية

بكام و ازاى بعتها معلش عشان انا بفكر ابيع بتاعتى وشكرا ؟

بالتوفيق في البيع