أهلا بحضرتك ي فندم في المنتدي وربنا يزيدك من علم وخبرة..
أنا عندي عربية أوكتافيا a4 والحمد لله هي عربية جميلة جدا بس في مشكلة.
العربية كان سحبها زي الفل ومفيهوش مشاكل وصوت الموتور كان طبيعي وكله تمام.
فجأة في مرة وأنا مسافر وماشي 100 علي الخامس.زودت بنزين عادي عشان أزود السرعة.وكان الـ rpm علي 2900 لفة..بدأ الـ rpm يعلي بصورة سريعة لحد 5000 لفه والعربية مش بتسحب بعدين تقفز قفزة كده بسيطة وتكمل عادي سرعتها.وحاليا بتجيب الـ 180 بالعافية (بالعافية أوي يعني ) قبل كدة كانت بتجيب الـ 200 وتعديها كمان بسهولة.وحاليا صوت الموتور أعلي من الأول..علما بإن مفيش تسريب زيت أو نقص زيت ومفيش مشكلة حرارة ولا أي حاجة..يا تري دي مشكلة إيه وإيه الحل والتكاليف إيه..آسف علي الإطالة ومتشكر لتعاونك معنا.
المفضلات