لون السيارة من الخارج

**coledge** · 18-06-2010 04:31 PM

السلام عليكم ورحمة الله وبركاته

عايز اخد رأيكم فى تغيير لون العربية اللانوس موديل 99

من اللون الازرق الى اللون الفيرانى الجديد

مع الاحتفاظ بالدواخل على لونها الاصلى وهل دة يؤثر

على سعر العربية عند البيع

وشكررررررررررا مقدما

**waleedrahmy** · 18-06-2010 04:52 PM

لا تغيررررررررررررررررر لون العربية

**ابو فرح** · 18-06-2010 07:27 PM

اكيد هيأثر كتيرررررررررررر
انصحك خليها على طبيعتها

**Samir Elshahawy** · 18-06-2010 07:41 PM

طبعا هايكون فيه تأثير علي السعر لأن عند رش العربية علي نفس اللون للنظافة سعرها بينزل (وفق مفهوم السوق المصري العجيب) فما بالك و انت عايز تغير اللون أصلا !!!

بالاضافة لحاجة مهمة أنت مش واخد بالك منها .... المرور ..... لون العربية مثبت في الرخصة يبقي لازم تغير البيانات بتاعتها في الرخصة

فمن الاحسن بلاش و خليها علي لونها الاصلي

مع خالص تحياتي
م/ سمير الشهاوي

**wlelw2003** · 18-06-2010 10:50 PM

طبعا هيأثر اكيد

**kar!m** · 20-06-2010 09:58 AM

لو كانت العربيه رشه أصلا .. وانت ناوى تحتفظ بالعربيه غير اللون لو نفسك فيه و لما تيجى تبيع ابقى اديها وش لونها الاصلى تانى و خلاص.
انما لو العربيه فابريكه و ناوى تبيعها .. متغيروش عشان هيرخص سعرها.
بالمناسبه كان فى هيونداى اكسنت لونها أصفى كنارى .. معظمها متغير لونها دلوقتى ..لما بشوفها حد بيركبها و بيفتح الباب بشوفها من جوه صفرا و من بره رصاصى مثلا.

**أبو_يوسف** · 20-06-2010 10:00 AM

رش السقف بينزل سعر العربية جدا..

**ehabbasha30** · 20-06-2010 11:24 AM

السلام عليكم
مع احترامى لجميع الآراء اللى اتقالت
دلوقتى الناس كلها او معظمها فاهمة كويس فى العربيات وبيبقى باين العربية سليمة ولا لا وباين برضو هل هى رشة من الخارج ولا لا وحالتها بتبقى واضحة انا شفت اكتر من عربية رشة برة وكانت مقلوبة وصاحبها رشها عشان يبيعها لاى شاب مش فاهم يعجبة شكلها من برة وخلاص وبرضو شفت عربيات كتير اوى رشة برة الوان جامدة جدا جدا وسليمة باينة انها سليمة وصاحبها راششها للتغيير
الراجل بيسال رش العربية من الخارج فقط مش الداخل كمان

رايى الشخصى
.... رش اللون اللى انت عاوزة بس من الخارج فقط واوعى تيجى ناحية الدواخل
.... تانى حاجة اختار لون شبابى عشان اللى يشوفها يعرف انك مغير اللون للترفية مش لعيب فى العربية
.... ثالثا لو معرفتش تبيعها بلونها الجديد بسيطة جدا رجعها للونها الاصلى قبل البيع

.... بالنسبة للمرور على ما اعتقد ان مافيهاش مشكلة كبيرة - بترشها الاول وبعدين بتروح تفحص باللون الجديد وتغير البيانات فى الرخصة ( اسال برضو عشان انا مش متاكد)

برضو رايى الشخصى لو هى فابريقة برة خسارة انك ترشها - لكن لو التغيير للون شاذ وانت حابب كدة خلاص توكل على الله

واللة انا فكرت ارش عربيتى برضو لون شاذ ( اسود مطفى او كحلى مطفى) لكن معظمها فابريقة من برة عشان كدة لاغى الفكرة حاليا