عايز سيرفير Sharing كويس مش بيقطع

**Abo_Lina** · 21-06-2010 01:33 AM

المشاركة الأصلية كتبت بواسطة aly_hosny

انا واحد صاحبي مشترك مع arabseed وشغال كويس جدا جدا

أنا دخلت على السايت و عاجبني و غالبا هشترك معاه لما إشتراكي الحالي يخلص

**motoxp** · 21-06-2010 01:48 AM

انا مشترك فى باب اللوق و السيرفر بقاله 4 ايام من ماتش اسبانيا الاول زى الزفت انا قرفت و ان شاء الله هغير ياريت لو حد يفدنا بسيرفر سريع و ثابت و راجل مضمون يبقى تمام ان شاء الله الرسيفر دريم بوكس على فكرة

**MRBEBO** · 21-06-2010 05:16 AM

فيه اماكن كتير مضمونة زي سيرفرات الديفيدي مثلا

بس اسعارها تعتبر عالية شوية

يعني النايل سات في 3 شهور هناك = 100 جنيه

مع ان معظم السيرفرات النايل سات بتبقى في حدود 75 بس في 3 شهور

**MRBEBO** · 21-06-2010 05:19 AM

المشاركة الأصلية كتبت بواسطة hemalotfy

ممكن تجرب السيرفرات المجانية لحد ما تلاقي طلبك
انا شغال بالسيرفرات دي والحمد لله انت وحظك ممكن يقطع وممكن يشتغل عدل وممكن ميشتغلش وانت عارف ابو بلاش (:

وعلى راي المثل ابو بلاش كثر منه

للاسف اشترك في سيرفر السنة اللي فاتت وحولت فلوس لصاحب السيرفر وبعدها باسبوع نصب على فمبقتش اطمن لحد وبقيت اجرب السيرفرات المجانية

بالنسبة لباقة الجزيرة فيه سيرفرات مجانية رهيبة ولا حتى نتشه بسيطه

بس عاوزه متابعة علطول لان اليوزرات بتتغير تقريبا يوميا علشان الضغط

بس بالنسبة للسيرفرات المجانية للاوربت والايه ار تي وغيره من تجربتي مش كويسة بالكتير ممكن تشتغل يوم ومش سهل انك تلاقي سيرفر كويس وشغال

**human** · 21-06-2010 09:52 AM

المشاركة الأصلية كتبت بواسطة motoxp

انا مشترك فى باب اللوق و السيرفر بقاله 4 ايام من ماتش اسبانيا الاول زى الزفت انا قرفت و ان شاء الله هغير ياريت لو حد يفدنا بسيرفر سريع و ثابت و راجل مضمون يبقى تمام ان شاء الله الرسيفر دريم بوكس على فكرة

انا كنت مشترك فى باب اللوق و رحت رجعت اشتراك التلات شهور و خدت الفلوس كلها من غير اى غلاسه منهم بصراحه على الرغم من ان 20 يوم عدو من الشهر الاولانى بس خدت فلوس التلات شهور

المشاركة الأصلية كتبت بواسطة tyler_durden

أنا دخلت على السايت و عاجبني و غالبا هشترك معاه لما إشتراكي الحالي يخلص

انا اشتركت فيه خلاص
مافيش تقطيع و سريع

**M.Mosaad** · 21-06-2010 10:33 AM

المشاركة الأصلية كتبت بواسطة human12

انا اشتركت فيه خلاص
مافيش تقطيع و سريع

انت اشتريت كارت فودافون و بعتلهم السيريال علي الايميل زي ما هم كاتبين لانه لو كويس ممكن انزل دلوقتي اشتريه و ابعتلهم السيريال

بس مفيش تقطيع فعلا و القنوات شغاله كويس الشو تايم و الاوربت و بعتلولك الميل اللي فيه البيانات بعد اد ايه

منتظر ردك و شكرا مقدما

**MRBEBO** · 21-06-2010 10:39 AM

المشاركة الأصلية كتبت بواسطة M.Mosaad

انت اشتريت كارت فودافون و بعتلهم السيريال علي الايميل زي ما هم كاتبين لانه لو كويس ممكن انزل دلوقتي اشتريه و ابعتلهم السيريال

بس مفيش تقطيع فعلا و القنوات شغاله كويس الشو تايم و الاوربت و بعتلولك الميل اللي فيه البيانات بعد اد ايه

منتظر ردك و شكرا مقدما

صحيح ياريت توضح يا باشا انت عملت ايه

وياريت تقولنا طريقة الدفع والاسعار

وهل النايل سات كله مفتوح يعني ال 137 قناة بما فيهم باقة ال osn كاملة والباقة الهندية وال art والباقة الفلبينية ... الخ

وانت اشتركت نيوكامد ولا سي سي كام ؟؟

**motoxp** · 21-06-2010 11:21 AM

السى سى كام افضل فى الدريم بوكس يا جماعة

**Abo_Lina** · 21-06-2010 01:07 PM

أعتقد إنك بتديه ال ١٤ رقم بتاع كارت فودافون الخاصة بشحن الرصيد ..ده اللي فهمته ..بس مش عارف الحكمة من كده إيه ..ليه كروت شحن مش فلوس ?

**M.Mosaad** · 21-06-2010 01:27 PM

المشاركة الأصلية كتبت بواسطة Tyler_Durden

أعتقد إنك بتديه ال 14 رقم بتاع كارت فودافون الخاصة بشحن الرصيد ..ده اللي فهمته ..بس مش عارف الحكمة من كده إيه ..ليه كروت شحن مش فلوس ?

اعتقد انها طريقه اسهل من تحويل الفلوس بالبريد و انتظار التأكيد
بس انا مش عارف هو عنده محل موبيلات مثلا بيبيع الرصيد فيه و يسترجع الفلوس
ادينا مستنين رد human

الموضوع: عايز سيرفير Sharing كويس مش بيقطع

LinkBack

أدوات الموضوع

عرض

-

-

-

-

-

المواضيع المتشابهه

عايز حد كويس

عايز محل موبيلات كويس في مصر الجديدة او مدينة نصر و يكون سعره كويس

التكيف فالعربية بيشتغل كويس بس بيقطع كتير

اخر اخبار الرسيفرات بتاعت ال sharing - دليل شراء سريع

عايز mp3 كويس

الكلمات الدلالية لهذا الموضوع

المفضلات

المفضلات

ضوابط المشاركة