لايونسيل

**noon_eg** · 24-05-2007 02:30 PM

شوف البورتون ويرا مش فارقه كتير عن ال 70 الف بعمر العربيات الصينى مليون مره

وعندك اختيار تانى هو الفولكس فاجن بولو عربيه 1600 وممتازه وفى نفس الحدود دى وتعتبر المانى محترمه جدا

وربنا يوفقك

**memo_hefnawy** · 24-05-2007 02:53 PM

أستاذ إمام أهلا بيك فى نايل موتورز ....منورنا :)

شوف لو عايز حاجة معمرة ( زود و هات لانسر - أو بروتون واجا )

اللانسر مش محتاجة تعريف

الواجا إختيار ممتاز بشرط لو مش هاتبيع خلال 4 سنين عشان إعادة البيع بتاعتها بتخسر
بس فى المقابل بتاخد عربية فخمه (جنوط - تابلوه - باركينج سنسور - فانكشن ويل ....) + صاج متين + ثبات تحفه + موتور عفى

لو مش هاتقدر تجيب لانسر أو واجا و أخرك هو ال 70 :

اللانوس 1500= عربية عملية (بياعه + قطع غيار مرطرطه + أى ميكانيكى عارفها )

الفيرنا 1500= نوعا ما على قد فلوسها (بس واطية من الأرض لو معاك أفراد و أوزان) + مش العربية إللى تعيش معاك كثير

الويرا 1500= مقارنة بالسعر عربية قوية + واسعه من جوه + صاج محمل + ماتور عفى
فى نفس الوقت -- بتخسر فى إعادة البيع لو هاتبيع خلال 3 سنين - فيها بعض العيوب لو مش عارفها هاتضايقك

أنا أول ما جيبتها مكنتش أعرف العيوب دى كل إللى سألتهم عنها قالوا مميزاتها و شكروا بس فلما لقيت عيوب مش متوقعها عكننتنى حبه لكن بعد كده عرفت إن كل العربيات فى الفئة دى ليها عيوب

عيوبها :
1- فيها حدفة (علاجها زرجينه فى معظم الأوقات ) أنا كبرت منها و قدام مش بتاكل كاوتش و متزنه و ثابته خلاص عايش بيها كده --الحدفة بسيطة لو سيبت الطارة تحدف سنه يمين لكن مالهاش دعوة بالإتزان نهائى لأن العربية ثباتها عالى و الحمد لله و فراملها جامده

2- ممكن يظهرلك عيوب هابله فى التقفيل يعنى زرار معلق ... كده يعنى و ده بتفاديه لما تروح تستلم تدقق فى كل حاجة

3- غير كده العربية ذى الفل يكفينى إنها نازله بجنوط + تقفيل أنضف من المصرى
------------------------------------
ممكن تراجع قسم بروتون هاتلاقى سبعاوى عامل تقييم ليها هناك

ممكن تراجع الكورى و الماليزى العام هاتلاقى سبعاوى مقارن لانوس و فيرنا

-------------------------------------------

أخيرا إتفرج على العربيه إللى تعجبك مع حد راكبها الأول عشان تجرب بنفسك

و أرشحلك بعد كل ده :) لانســـــــــر كســـــــر زيرو :) :lol:

**اسامة عبد العزيز جابر** · 24-05-2007 02:58 PM

والله يا استاذ شريف فكرتنى بال spelling الغلط انا شفت الكومبرسور الصغير اللى قال علية أستاذ هانى (PAYOO ) فى كارفور جدة وهو صينى جيت اشترية وجدت حاجة مكتوبة غلط بلأنجليزى هل هى حاجة مقصودة ولا دليل على عيب المنتج وضعفة أذا كان المعلومات اللى علية مكتوبة غلط
اخوكم
اسامة عبد العزيز :roll:

**sh_masry** · 24-05-2007 03:12 PM

هل هى حاجة مقصودة ولا دليل على عيب المنتج وضعفة أذا كان المعلومات اللى علية مكتوبة غلط

هو يدل على ان صناعته تحت بير السلم زى مابنقول بالبلدى و لا يوجد اى نوع من انواع الأشراف على تصنيع هذا المنتج و جودته ..... و ان كان هذا المنتج من المنتجات العالميه المغشوشه و المقصود غشها مثل ADIDAS و تكتب ADEDAS مثلا فهو منتج مغشوش و لا علاقه له بالمنتج الأصلى ذو خامات و جوده جيده و بالتالى فهو منتج سيئ بجميع المواصفات ......................

**emam** · 24-05-2007 04:11 PM

الف شكر للجميع على المعلومات القيمة دى بجد المنتدى عشرة على عشرة بوجودكم جميعا انا بفكر اشترى شيفورلية افيو ب 75000 ايه رايكو ؟

**sh_masry** · 24-05-2007 04:14 PM

اختيار موفق بالرغم من ضيق العربيه بعض الشئ و لكن بالنسبه لأى نوع صينى ان كان فيكون اختيار 100 على 100 و بالتوفيق ان شاء الله
a7'ook
Sherif

**Karim_Monir** · 24-05-2007 04:18 PM

الافيو نسخة من اللانوس في الموتور والعفشة والالات الجر وكل حاجة فياها لانوس ما عدا الشكل الخارجي وعلامة شيفرولية
حرام اسيب لانوس ب 62 الف واروح اركبها ب 75 الف
ممكن ترجع لكلام سبعاوي عنها

**وائل عطية** · 24-05-2007 04:25 PM

حرام اسيب لانوس ب 62 الف واروح اركبها ب 75 الف

أتفق تماماً معك يا كريم
وللعلم هى عربية أداءها بشهادة كثيرين ليس بالأداء القوي، هو تم تحسين شكلها شوية
ثم طالما عايز تجيب أفيو بـ75 وهى 1500 سي سي طيب زود لـ78 أو 79 ألف وهات لانسر مانيوال 1300 سي سي والفرق مش كبير ويبقى اسمك راكب ياباني