الموضوع: مين مجنط اوبترا؟

المشاركة الأصلية كتبت بواسطة houbaz

واضح ان الاوبترا ما بتحبش الجنوط!

ههههههههه

معلش ياباشا اصل تقريبا اللى مجنطين قليلين ومبيدخلوش

انت عارف طبعا انى لسه ماجنطتش

بس انصحك ماتزودش عن 15

والمقاسات ممكن تركب 195/55

وممكن 205/55 ودا هايعلى العربيه حاجه بسيطه وممكن 205/50 ودا هايوطيها حاجه بسيطه

بالتوفيق ياباشا

المشاركة الأصلية كتبت بواسطة houbaz

نداء الى الناس المجنطين: عايزين نعرف رأيكم!
هو شكله كده 205/50/15 هو احسن مقاس بالنسبة لى، بس متفتكرش الباور هيتقل عشان الكاوتش هيبقى اعرض 2 سم من دلوقتى؟ اصل انا بحب الباور يبقى ناعم، كان مدايقنى جدا فى الهوندا عشان الجنط كان 16.. و يا ترى العفشة هتبقى هيا هيا ولا انشف؟ هيا يادوبك كده كويسة :) صحيح انت ما قلتش ليه على مقاس 195/50/15؟
و ايه نظام اسعار الكاوتش و الجنوط صحيح، نزلت تسأل ولا لسه؟ انا ان شاء الله فى خلال شهر عايز اكون اخدت قرار اجيب كاوتش زى اللى راكب فيها و مأ خدش ال risk ولا اجنط و استمتع بشكل و stability بس ياريت ما يبقاش على حساب الراحة..
معلش انا سألت كتير بس انا عارف انك عملت البحث اللازم فى موضوع الجنوط دا و ربنا ربنا يجازيك خير على افادتنا :)

هو كدا كدا الباور بتاع العربيه متوسط ولا ناعم ولا تقيل واكيد لما تعرض هايتقل شويه

فانت هاتاخد حاجه على حساب حاجه

العفشه مع مقاس 205/50 هاتبقى انشف حاجه بسيطه مش كتير

المقاس 195/50 هايوطى العربيه بشكل ملحوظ , المقاس الأصح هو 195/55

بالنسبه للاسعار

طقم الجنوط فى حدود 2000 , الكاوتش حوالى 1400

ولو مش عايز تاخد ال risk او عايز تؤجل موضوع الجنوط وتغير الكاوتش بس دلوقتى

عندى ليك اقتراح حلو

هات 195/60/14

هايفرق معاك فى الثبات وهايعجبك لان العفشه هاتبقى زى ماهى مش هاتنشف

المشاركة الأصلية كتبت بواسطة M.Osman

ممكن اعرف المقاس الأصلي كام بوصة ؟

185 / 65 / 14

ما هوا دا المطلوب عشان ال center of gravity بتاع العربية يقرب من الارض، و كده كده انا مش بركب ناس كتير معايا..

ماهو ال 205/50 هايوطيها برضه بس حاجه بسيطه والعفشه هاتكون احسن شويه من 195/50

وطبعا ال 205 أعرض

لو هاتجنط خليك فى ال 205

بالتوفيق ياباشا