كلام صح جدا دايما بقول كدة عمر ما الطالب المميز هيضر حتى لو الامتحان جة صعب جدا جدا كليات القمة هتقبل مجاميع اقل جدا , ودة لية معادلة بسيطة بتحسب مجموع كل كلية بناء على عدد الطلاب ومجامعهم والامكان المتاحة بالكليات.
عرض للطباعة
الثانوية العامة شو إعلامى
والتشنجات والصرع والانتحار والكلام الخايب ده مبالغات إعلامية ومحاولات مراهقة من بعض الفتيات لتغطية الفشل وجايز تكون ناتج عن الشحن المعنوى الزائد إن الامتحان هو فيصل طريق المستقبل وهو مش كده
وزى ماأحد الإخوة قال إيه المشكلة إن الامتحانات تيجى صعبة؟ هو لازم نضحك على نفسنا والعيال كلها تجيب فوق ال 90% وهم مايفهموش حاجة؟ وييجى الطب ياخد 99%
زمان سنة 90 كنت أول المحافظة عارفين بكام؟ ب 92 ونص %
وكان الطب سنتها بياخد 82%
وبعدها جه فتحى سرور وبدأ الأوكازيون
انا بصراحة مش شايف مشكلة فى الموضوع ده يعنى مهيا صعبه او سهله مهتكون على كل الناس يعنى تنسيق الكليات هينزل
إيه الإختلاف بقى ؟؟؟
خلاصة القول فعلااقتباس:
يعني الطالب المتفوق اللي لو إتحط فى أي وضع (سهل أو صعب)..حيدخل الكليه اللي هو عايزها..الموضوع نسبه وتناسب
فالعبره مش بالكم
ولكن بالكيف
وطبعا مش مقصود بالكيف ( حجرين معسل ولا غيره )
المشكلة في التركيز على كليات القمة و إنه لازم إبني يدخل هندسة، ماهو مش أقل من إبن سلفتي اللي فالقاني كل شوية، الباش مهندس راح، الباش منهندس جه، و البنت لازم تطلع دكتورة عشان الناس تقول لي يا أم الدكتورة.
للأسف ال"أنا" بتساهم بحيز كبير أوي من أحلامنا و توقعاتنا لأبنائنا، و كله منصب على الطب و الهندسة و الصيدلة (عشان دول اللي بيدوا ألقاب)، و الولاد في الآخر همه اللي عليهم عبء تحقيق أحلام والديهم.
انا فاكر لما كنت فى ثانوية عامة كان امتحان الجيولوجيا فيه تعريفات اول مرة اسمع عنها لدرجة اننا كلمنا الاستاذ دقيقتين فى اللجنة ماكنش عارف يجاوب تخيلوا !!
هو ده العادى بتاع الثانوية العامة , بس فى مصر كله محصل بعضه .
نظام التعليم فاااااشل لاقصى درجه
بس موضوع الامتحانات الصعبه مش هيأثر على حد لان في السنه اللي قبلي هندسة القاهره اخدت من 95 وانا دخلتها ب91.4 علشان الامتحانات كانت صعبه شويه (او مش صعبه كان فيها شوية تفكير)
عامةً الامتحانات مش صعبه خالص كل الموضوع ان الطالب حافظ كلمتين وعايز يسمعهم وساعة لما يلاقي مسأله محتاجه تفكير يقعد يلطم وامه تصوت والحوارات دي
وللاسف نتيجة الحفظ دي كنت بشوف نسب رسوب في هندسه بتوصل لمعدلات رهيبه فوق ال75% والدكاتره بيرفعو الدرجات علشان ينجحوهم والنتيجه مهندس فاشل بسبب التعليم الفاشل
ياليتنى لم أتخرج من الهندسه
وكنت دخلت تربيه قسم رياضه زى ماكنت عاوز برضه
كان زمانى بلم شىء وشويات
وأحسن من شعبان عبد الرحيم ( مليون مره )
هندسه ..............مجرد أحلام مصريه
ملهاش قيمه فى مصر فعلا
ولو عاوز تبقى مهندس صح
هاجر لبلد أجنبى زى أمريكا مثلا
وأنت حتحس بقيمتك كمهندس
أما هنا ......
بيقولوا لبليه ......ياهندسه
_____________________
يعنى هنا الشاب اللى عاوز يبقى مهندس أو دكتور ناجح
بيبقى واقع بين نارين
يايسيب بلده ويهاجر .....علشان يبقى مهندس أو دكتور ناجح
يايقعد فى بلده .....ويستنى العلاوه الدوريه بتاعة شهر 7
وبرضه حيتفصلها لعبه
علشان تتاخد منه تانى بنظام ودنك منين ياجحا
الكلام دة صح بس لو انت ناوي تقضيها تعليم لمجرد الشهادة
بس المشكلة في البلد مش في الناس ، انا في ثانوي كنت عادي يعني مكنتش بحرق لأني استسهلت ودخلت أدبي وكنت ببص للناس الدحيحة معايا في الدراسة علي انهم عباقرة المستقبل وبيجيبو مجاميع عالية وبتاع
المهم جبت 75% ودخلت اداب من باب الاستسهال برضو وطالما الدراسة مش فارقة معايا ومش هشتغل بيها وابتديت دراسة كمبيوتر في اولي كلية وطحنت نفسي في البرمجة واشتغلت فعلا مع تانية كلية وابتديت انفض للدراسة وقعدت فيها 7 سنين ولسة شغال من ساعتها لحد دلوقتي في نفس المجال يعني من سنة 2000
بقول الكلام دة كلة علشان اقول في النهاية اني لما بشوف حد من الناس الدحيحة اللي كانو معايا في ثانوي فعلا والله بيصعب عليا حالهم ومش دة اللي كان المفروض يكونو فية ومش عايز اقول الشغلانات اللي بيشتغلوها علشان محدش يفتكر اني بسخر منهم لأن الشغل مهما كان مش عيب ،، أكيد مش كلهم بقو كدة بس للأسف 95% منهم بقي دة حالهم وسلملي علي التعليم والشغل في مصر
الخلاصة ان الواحد من الأول يحاول يمشي في مسار التعليم بتاع نفس الشغلة اللي عايز يشتغلها بجد لأن اكيد دة بيكون احسن من مجرد الSelf study وحاولت اعمل كدة مع اخويا بس للأسف برضو استسهل ودخل ادبي وحاليا في معهد عالي خدمة اجتماعية وبرضو من سنة تانية بيشتغل دلوقتي ومنفض للدراسة يعني لو كان دخل صنايع ولا معهد فني كان يبقي احسنلة واشتغل في المجال اللي بيحبة
انما كل الناس تقضيها وسط وكلهم يدخلو تربية وتجارة وادب وحقوق ويطلعو ميشتغلوش بيها حاجة يبقي عملنا اية ! دة حتي كليات القمة عندنا بقت فرصها محدودة .
طيب تعالوااا بئى انا اخواتى ال 2 فى ثانوية عامة سنة 2
تمام
نقول يا هادى بأمتحان العربى
يمكن مش صعب اوى بس طويل بغباء ( دة غير موضوع التعبير ) دة الامتحان 4 صفح مش متساب منهم سطر واحد فاضى
نيجى الانجليزى
اول حاجة جايب سؤال جديد حضرتكواا السؤال دة بتاع الهاى ليفل
( المفروض ان طلبة الاميرى عبقرية وتفهم الى بتوع الهاى ليفل نفسهم بيحاتجواا حد عشان يفهمهم )
لو قلنا كدة عادى الترجمة الانجليزى لعربى او العكس
(مش متزكر الصراحة ) عن بركان ايسلندا
كلمات ومطلحات كبيرة جدا جدا على طالب حكومة على الاقل انا
عن نفسى لسة عارف الكلام دة فى الكورس تخيلواا انتوا بئى
المفروض انهم بيزاكروو من القاموش عشان يعرفواا يترجمواا
لو قلنا عادى السؤال بتاع القواعيد مش هاقول الطلاب اختلفواا على القاعدة اية ولا الحل نفسة اية
انا هاا قول المدرس الى دارس وفاهم اخلتفواا على الحل بأنهى قاعدة
( وكل واحد عندة تفسيرة بس الاستاذ الى حط الامتحان فاكر ان الناس هاتنجم وتعرف الى فى دماغ ساعتة )
وفوق دة ودة الامتحان برضو طويل حبتين
نيجى للرياضة انا مش هاقول غير كلمة واحد اتقالت
الامتحان يا جماعة 25 % للطالب الممتاز و 75 % الباقى للطالب العبقرى وشكراااا
اه وعلى فكرة قبل ما انسى استاذ او مدرس معرفش وظيفتة اية طلع وقال هاتلى مدرس واحد راجل يعرف يحللى الامتحان بتاع الانجليزى
--------------------------