صعوبة الامتحنات في الثانوية العامة

**mahfouz1983** · 19-06-2010 04:20 PM

انا بشكر كل الي دخل وشارك في الموضوع لاني مكنتش متوقع ان حد هيشارك فيه وان الموضوع هيتقفل ومحدش هيعبرني لان الموضوع جه في بالي كدا وانا قاعد افكر فيه كل الناس بتعيط وكمية الانهيارات الي فيها الاهالي فا انا رائي ان المشكلة ان العيال خدو علي نمط اسئله معين مفكروش ازاي يتوقعو الامتحنات وبعدين السنادي مش اول سنه الدنيا هتتغير بعد كدا يعني هيكون فيه اسئله غير متوقعه وافكار جديده النقطة بقي مش في الاماسئلة الامتحان غير المتوقعه لا النقطه في كيفيه اعداد الطالب نفسه تحويل الطالب من نظام الحظ الي نظام الفهم هتيجي ازاي لا يمكن تيجي بين يوم وليله كدا كبرنا المشكلة وبعدين هما يا جماعه المجاميع مش هتنزل زي منتو فاهمين هما عاوزين يقللو اكبر عدد طلبه من التعليم الجامعي الحكومي لو بصيتو لميزانيه التعليم الجامعي في الدولة هتلاقوها قليله يعني كل دا عشان الطلبة تلجاء للنظام التعليم المفتوح والخاص

**م.محمد علاء** · 19-06-2010 04:36 PM

المشاركة الأصلية كتبت بواسطة samirayad

ياليتنى لم أتخرج من الهندسه

وكنت دخلت تربيه قسم رياضه زى ماكنت عاوز برضه

كان زمانى بلم شىء وشويات

وأحسن من شعبان عبد الرحيم ( مليون مره )

هندسه ..............مجرد أحلام مصريه

ملهاش قيمه فى مصر فعلا

ولو عاوز تبقى مهندس صح

هاجر لبلد أجنبى زى أمريكا مثلا

وأنت حتحس بقيمتك كمهندس

أما هنا ......

بيقولوا لبليه ......ياهندسه

_____________________

يعنى هنا الشاب اللى عاوز يبقى مهندس أو دكتور ناجح

بيبقى واقع بين نارين

يايسيب بلده ويهاجر .....علشان يبقى مهندس أو دكتور ناجح

يايقعد فى بلده .....ويستنى العلاوه الدوريه بتاعة شهر 7

وبرضه حيتفصلها لعبه

علشان تتاخد منه تانى بنظام ودنك منين ياجحا

وهو ده الجرح الكبير....
متخيلين يا جماعه إحنا ..المهندسين...مستنيين نخلص و أول منخلص بنقول..حتسافر إمتى؟؟
لما يكون فكر جيل كامل ودفعه كامله..إنها تسافر بره البلد...!!!!!!!!
بغض النظر عن أي حاجه...
لو الواحد نظره بعيد..مكنش فعلا تعب نفسه فى الدراسه فى ثانوي..عشان يدخل هندسه..
انا رغم إنى ميكانيكا...مدخلتش ورشه فى الكليه عندنا نهائيا...مش كسل مني...لألأ..ولكن لعدم توافر مكانيات فى الكليه...
وكله كان إجتهاد من الفرد لوحده فى أجازة الصيف...
التعليم فى مصر بحاجه لتعليم...
وزي ما الأستاذه :علا قالت..إن الناس بتتعلم عشان يتقالي يا بشمهندس و يا دكتوره...و ما أغلب اللي بياخدوا شهادات و هو فى الآخر حيطلع يشتغل فى مصنع والده أ, شركتة بعيدا عن مجاله...