السمكري عاوز 1200 في تغيير رفرفين أمامي بالاضافة الي قطعة بارومة قد الصوبع فوق الزجاج الامامي
بالاضافة الي حتة بارومة في الباب تحت صغيرة
انا شايف انه كتير
اية رائيكم ؟؟ كتير ولا دة سعر السوق؟
حد يعرف سمكري كويس في الآسكندرية
عرض للطباعة
السمكري عاوز 1200 في تغيير رفرفين أمامي بالاضافة الي قطعة بارومة قد الصوبع فوق الزجاج الامامي
بالاضافة الي حتة بارومة في الباب تحت صغيرة
انا شايف انه كتير
اية رائيكم ؟؟ كتير ولا دة سعر السوق؟
حد يعرف سمكري كويس في الآسكندرية
لأ كتير والله على فكرة عارف لو كان قالك مثلا من 800 إلى 1000 كان هيبقى معقول شويه على أساس حسابه الرفرفين بـ600 و هوا مصنعيه 200 جنيه لحد 400 جنيه أو لو فيه صاج هيلحمه و يقص البارومه مثلا و هكـذا
أنا كنت مكلم واحد فى القاهره عشان عربيه واحد صاحبى عايز يعمل فيها شوية سمكرى يظبط حاجات متنيه فى الصاج و يعمل فتحتات تهويه و خياشيم فى الرفرف و فى الكابوت قالى من 400 جنيه لحد 600 جنيه روحت قولتلة يا عم دى كلها مصنعيه مفيهاش فلوس هتدفعها من عندك قالى خلاص نخليها 400 بس و كان الشغل فى تظبيط حاجات متنيه فى الصاج و فتحتات تهويه فى الكبوت والرفرفين
فيه واحد انا بقول عليه فنان
هو بتاع دوكو اصلا وحواليه كذا سمكرى وهو حيعرف مين فيهم بالضبط الافضل لحالة سيارتك
اسمه سعد فى نادى الصيد وتليفونه 0122635210
ممكن تزوره ومش حتخسر حاجة وحتعرف حتتكلف اد ايه بالضبط الاول
وممكن تقوله انك من طرف الدكتور محمد عبد العزيز السعدنى من الاكاديمية وحيعمل معاك ان شاء الله واجب كبير
والله المستعان
لا السعر ده كتير جدا انت ممكن تروح لكذا واحد وتتفق علي السعر لان هم متعودين علي الفصال فبيضربلك سعر عالي عشان عارف انك هتفاصل معاه وانا شايف ان 600 ل 700 جنيه كويس قوي
أعتقد اجر مبالغ فيه ..
انا بأفكر بجدية أشتغل سمكري والا ميكانيكي والا اي حاجة على النظام ده
لا يا ماما حتزاحمو الرجالة في دي كمان
الراحمون يرحمهم الله
طبعا فيه ستات فاتحة بيوت لظروف بس بطبيعةشغل مناسب
1200 دول كل اللي خده السمكري (مستلزمات+مصنعية) في شد عربية بالكامل و شغل استمر 12 يوم و كان فيها كمية بارومة و تقويات قطعت لوح صاج 1×2 متر داخل فيهم كام كيلو سلك نحاس و تشغيل لمبة أوكسي أسيتيلين اللي بيلحم بيه ده غير استعدال بعض الأجزاء و أجرة فك و تركيب العفشة + فك و تركيب الموتور و الفتيس إلخ... إلخ...
و الكلام ده خلال الشهر اللي فات يعني مش أسعار زمان
أفتكر من سنتين عربية خبطت في الجنب اليمين عندي و الاكصدام بتاعها (قص) البابين، اتكلفت سمكرة +دهان ميتاليك للبابين 140 جنيه
دي أسعار الشرقية
من فترة طويييلة جدا لم أتعامل مع سمكرية...لكن المبلغ اللي حضرتك بتقول عليه ده خرافي
إنت هتغير رفرفين مش هتصلحهم
بالإضافة إلى إن البارومات الصغيرة دي بتعتبر مرمات مش شغل كبير
وبعدين هل المبلغ ده (ثمن الرفرفين+المصنعية) أم المصنعية فقط
وفي الحالتين كما قلت لك المبلغ خرافي بالنسبة لشغل في عربية لادا كما هو واضح من صورتك الرمزية
وياريت تطلب نقله للورشة هتلاقي فائدة أكبر
وعندك العقيد خالد في موضوعه ممكن تستشريه
فاصل حتى 700-800 حيوافق