لحظات من الحقيقه.... البطاريه نامت مره واحد..الجي ام الوحيد عندي سيمفوني 400 وات!!!!

الحقيقه وراء سر البطاريه المشحونه

جبت بطاريه جافه من كام شهر كده مش فاكر كام بالظبط
المهم عدت مده صغيره و لقيت النور بتاعها احمر(يعني عاوزه تتشحن)
رحت موديها للكهربائي و شحنها و فضلت منوره احمر برضو و قالي عادي في بطاريات بتتشحن و تفضل كده
المهم مده كده و لقيت العربيه النهارده مش شغاله
البطاريه نــــــــــــــــــامت
مع العلم ان كان ليا حوالي اسبوع مشغلتش الجي ام غير حوار ساعه مثلا
و اليوم اللي قبل اليوم اللي البطاريه نامت فيه مكنتش مشغل الكاسيت حتي!!!!!!!!!!
يا تري السيمفوني ال 400 وات الحقير ده هو السبب.......
عاوزين نجيب المفتش كرومبو يعرفلنا السبب

اه ممكن يكون فيه شورت يخلص البطاريه وفي طريقه تقدر تعرف بيها انهي جزء اللي بيسحب من البطاريه هتلاقيها عند الكهربائي سيارات

شكرا للرد يا باشا
بس انا مش فاهم حاجه
ايه الشورت ده؟

فيه قفله فى العربية بتسحب كهربا
يا اما الدينامو شحنه ضعيف قوى

بص يا باشا انا قرأت عدة مشاركات هنا فى النتدى بس و الله لا اتذكر عناوين هذة المشاركات و الا كنت عملت لها اقتباس محتواها ان البعض شكا من عملية البطارية بعد تركيب ال جى ام بس ما اقدرش اقول انة بسبب ماركة معينة يعنى مش عارف السيمفونى بالذات و لا نوع تانى بس انا لى صديق مركب السمفونى و ما فيش اى مشاكل نهائيا مع البطارية حاول مراجعة كهربائى للتأكد من صحة تركيب الاسلاك و شكرا لك

المشكله اكيد مش فى نوع الجى ام....ياما ناس بتركب 2 سيمفونى و500 صب على زيرو باور بالاضافه الى الزينون والحجات دى.... ومفيش اى حاجه....المشكله عندك فى الدينمو مش بيشحن كويس....او زى ما قالوا الاعضاء فى افله

ممكن تتاكد من الجي ام في توكيل محترم

ادخل في قسم الورش

افصل الكابل بتاع الجى ام من البطاريه و متشغلوش و جرب يوميين احتمال كبير يكون الجى ام السيمفونى السبب لان دى من مشاكله

ونوع الجي ام بقي بيفرق في اية
انا اول مرة اسمع كدة
كلهم واااااااااحد

اعتقدان فى مشكله فى الدينامو عندك
او سلك فيه فاصل
او لو عندك كتاوت شحن ممكن برضه تبقى بتعلق
و راجع وصله الريموت بتاعت الجى ام
ممكن يكون اللى وصلهالك مربطهاش كويس
( و بالتالى الجى ام شغال على الفاضى و المليان عشان الوصله دى هى اللى بتشغل الجى ام مع الكاسيت و تطفيه مع الكاسيت برضه )

نوع الجى ام مالوش دعوه ... انا مركب 2 جى ام و الحمد لله مفيش اى مشاكل منهم واحد سيمفونى
و زينون و عدادات ار بى ام عامل فرح فى العربيه يعنى و مفيش اى حاجه الحمد لله

راجع انت بس وصله الريموت دى
و اطمن على الوصلات
و ربنا معاك

ههههههههههههههه ياجماعة انا مش عارف انتو عندكو حساسية من السيمفونى لية كل واحد بيرمى اللوم علية و بعدين هو لو السمفونى اللى بتقولة علية وحش دة لو فضل يسحب كهرباء من البطارية مش هيضرب با العقل اكيد ملهوش دعوة خالص با الموضوع دة العيب عيب توصيلات كهرباء فى العربية او البطارية نفسة بايظة و بعدين مش انت شاريها من قريب يعنى معاك ضمان سنة روح للى بيعهالك و حط صوابعك العشرة فى عينة و خد واحدة تانية و جرب عليها و شوف النتيجة بس ياريت الجماعة اللى بتسوق اسم منتج على الفاضى بلاش الكلام دة و خلينا واقعين

اولا هنستبعد الجى ام مليون فى الميه ليييييييييييييه؟
عشان بيقول ان الجى ام مشتغلش بقاله كام يوم وكمان عمر ما البطارية تفضى والجى ام مطفى هو بيسحب اه اكتر من العادى بس ده لو شغال

دكتور محمود المشكلة عندك يا باشا فى البطارية ضربت كده واستبعد الدينامو لان السيارة زيرو - وانا لسه مغير البطارية فى عربية والدى لانوس بعد ما الجافه اللى كانت فيها نامت مرة واحده هاتلك بقى واحده acdelco 70 امبير 10/10 وشكلها شيك اوى 330 جنيه

اقتباس:

---

المشاركة الأصلية كتبت بواسطة محمد فريد

اولا هنستبعد الجى ام مليون فى الميه ليييييييييييييه؟
عشان بيقول ان الجى ام مشتغلش بقاله كام يوم وكمان عمر ما البطارية تفضى والجى ام مطفى هو بيسحب اه اكتر من العادى بس ده لو شغال

دكتور محمود المشكلة عندك يا باشا فى البطارية ضربت كده واستبعد الدينامو لان السيارة زيرو - وانا لسه مغير البطارية فى عربية والدى لانوس بعد ما الجافه اللى كانت فيها نامت مرة واحده هاتلك بقى واحده acdelco 70 امبير 10/10 وشكلها شيك اوى 330 جنيه

---

اولا طبعا شكرا لكل الناس الحلوه اللي ردت
محمد بك فريد اعتقد ردك هو الاقرب للواقع:colsmil:
النوع اللي عندي fulda و الكهربائي اللي انا اعرفه قالي ده نوع كويس و جربناه و شغال تمام و هو اساسا احد الصنايعيه الاقلاء اللي عندهم ضمير بشكل غريب ده غير انه اصلا شاطر ف معتقدش ان البطاريه نوع وحش:rfds:
انا يا جماعه بكره السيمفوني و كل حاجه و مع ذلك موضح في الموضوع اني مش برمي اللوم ع الجي ام و بسأل هل هو السبب و لا لأ
ياريت اللي بيقرا يركز شويه و يرد علي اساس اللي مكتوب.......

انا وديت البطاريه عند الكهربائي امبارح و هاخدها النهارده ان شاء الله
هركبها و هحاول مشغلش البازوكا خالص و لو ان ده صعب و هشوف بأه و ربنا يسترها علينا جميعا

لما الحوار كبر اتصلت بكرومبو
رحنا للكهربائي
راح اخد كرومبو علي جمب و قاله مخبيش عليك البــــــــــــــــــــــ طاريه باظت......!!!
البطاريه ليها عندي 8 شهور
رحت للنصاب اللي اشتريتها منه و معايا الضمان قالي ياتاخد من عندي يا تدفع اللي استهلكته
صباح النصب
قلتله لأ يا بطاريه نضيفه acdelco or hankook
قالي معنديش
و ده اللي عندي
ايه رأيكم يا رجاله....

للاسف مش هتعرف تاخد حقك فى البلد دى
استعوض ربك فى الفلوس قضاء وقدر
هات بطارية جديدة acdelco or varta
وهات معاهم كابستور ب 250 جنيه عشان الصب ميخلصش البطارية
الكابستور ده مجرد وصلة فى النص عادى بس لما ييجى الجى ام يسحب كهرباء كتير فجأة بياخدها من الكابستور لانه بيبقى مخزن شحن

اقتباس:

---

المشاركة الأصلية كتبت بواسطة محمد فريد

للاسف مش هتعرف تاخد حقك فى البلد دى
استعوض ربك فى الفلوس قضاء وقدر
هات بطارية جديدة acdelco or varta
وهات معاهم كابستور ب 250 جنيه عشان الصب ميخلصش البطارية
الكابستور ده مجرد وصلة فى النص عادى بس لما ييجى الجى ام يسحب كهرباء كتير فجأة بياخدها من الكابستور لانه بيبقى مخزن شحن

---

انا اعتقد انه مش هيبقى محتاج كابستور لان العده اللي عنده مش جباره يعني
انا مش بقلل من شأنها لكن حرام وهيبقى فلوس على الارض

معاك حق يا عمرو

اقتباس:

---

المشاركة الأصلية كتبت بواسطة محمد فريد

للاسف مش هتعرف تاخد حقك فى البلد دى
استعوض ربك فى الفلوس قضاء وقدر
هات بطارية جديدة acdelco or varta
وهات معاهم كابستور ب 250 جنيه عشان الصب ميخلصش البطارية
الكابستور ده مجرد وصلة فى النص عادى بس لما ييجى الجى ام يسحب كهرباء كتير فجأة بياخدها من الكابستور لانه بيبقى مخزن شحن

---

شكرا يا محمد بيك
بس الراجل هيتأدب النهارده بأذن الله و هخليه يحرم يقل ادبه ع الناس المحترمه:36_9_4:
بخصوص النوع بأه
انا مش لاقي acdelco
لقيت نوع ايطالي اسمه مركاتيللي
حد سمع عنه او يعرف ايه ظروفه

الجى ام السيمفونى مالوش دعوة نهائى بالبطارية عشان تكون عارف لانه عندى وبسيب العربية بالاسبوع ماتدورش وعمرها ما عملت معايا حاجة خالص والجى ام راكب

اقتباس:

---

المشاركة الأصلية كتبت بواسطة m7mda7md

شكرا يا محمد بيك
بس الراجل هيتأدب النهارده بأذن الله و هخليه يحرم يقل ادبه ع الناس المحترمه:36_9_4:
بخصوص النوع بأه
انا مش لاقي acdelco
لقيت نوع ايطالي اسمه مركاتيللي
حد سمع عنه او يعرف ايه ظروفه

---

هى معروفة فى السوق بانها امريكى سعودى

الحمد لله الحوار انتهي و خليت الراجل يبجبلي ACDelco
عاوز النهارده اعدي ع الكهربائي يشوف العربيه لحسن البطاريه الجديده تبوظ اتشل فيها
سؤال صحيح ايه الفرق بين البطاريه المعكوسه و العاديه؟

اقتباس:

---

المشاركة الأصلية كتبت بواسطة m7mda7md

الحمد لله الحوار انتهي و خليت الراجل يبجبلي acdelco
عاوز النهارده اعدي ع الكهربائي يشوف العربيه لحسن البطاريه الجديده تبوظ اتشل فيها
سؤال صحيح ايه الفرق بين البطاريه المعكوسه و العاديه؟

---

مبرووووووك يا دكتور
الفرق بين البطاريه المعكوسة والعادية بيكون فى اتجاة الاقطاب

اقتباس:

---

المشاركة الأصلية كتبت بواسطة merty

مبرووووووك يا دكتور
الفرق بين البطاريه المعكوسة والعادية بيكون فى اتجاة الاقطاب

---

الله يبارك فيك يا باشا
انا حطيت البطاريه في العربيه و شغلتها و كله تمام الحمد لله
و مش عارف بأه اذا كانت معكوسه ولا مع باميه
المهم العربيه شغاله!صح ولا ايه؟

طالما العربية اشتغلت يبقى كله تمام و الكهربائى قبل ما بيركب البطاريه بيتأكد من موضوع الاقطاب

اقتباس:

---

المشاركة الأصلية كتبت بواسطة merty

طالما العربية اشتغلت يبقى كله تمام و الكهربائى قبل ما بيركب البطاريه بيتأكد من موضوع الاقطاب

---

ما المشكله ان انا اللي فكيت البطاريه القديمه و ركبت الجديده:36_9_4:
بس العربيه اشتغلت:36_1_35[2]:
اعتقد كده نمام:U_thin1[1]:

احسن حل افصل كابل البطاريه الارضى مثلا وتانى يوم انزل ركبه وشوف لو البطاريه دورت يبقى فيه قفله فى العربيه لو مدورتش يبقى البطاريه او الدينامو مش بيشحن

اقتباس:

---

المشاركة الأصلية كتبت بواسطة mrghost

احسن حل افصل كابل البطاريه الارضى مثلا وتانى يوم انزل ركبه وشوف لو البطاريه دورت يبقى فيه قفله فى العربيه لو مدورتش يبقى البطاريه او الدينامو مش بيشحن

---

اعتقد اني مش فاهم:Zb_sor1[1]:
حضرتك تقصد افصل الارضي و امشي بالعربيه؟

هو تقريبا الاستاذ مصطفى مقراش الموضوع للاخر
وبيقول على حل لمشكلة البطارية قبل التغيير