ارجوا من السادة ملاك السيارة a113 النصيحة انا بفكر اشتري العربية دي وبعد متابعتي للي اتكتب عنها هنا قي المنتدي الكريم برضة مش قادر اقرر او اكون فكرة كويسة عن العربية دي فهل ممكن حد يديني الخلاصة بتاعت العربية دي لو سمحتم
عرض للطباعة
ارجوا من السادة ملاك السيارة a113 النصيحة انا بفكر اشتري العربية دي وبعد متابعتي للي اتكتب عنها هنا قي المنتدي الكريم برضة مش قادر اقرر او اكون فكرة كويسة عن العربية دي فهل ممكن حد يديني الخلاصة بتاعت العربية دي لو سمحتم
لا طبعا
لا طبعا
لا طبعا
و بالتلاته
طب لية هو حضرتك معاك العربية دي
الراجل بيقول نصيحه لوجه لله
وثانيا وانا فى ابو رواش اعد مع ناس كتير نحكى الكل قال اراء مختلفه بس الكل
اجمع على انها بتشرب بنزين اكتر من ال1600
غير مشاكل فى العفشه غير مشاكل فى الفتيس و غيره وغيره
اللى عايز يشوف ياناس المشاكل فى جميع عر بيات اسبرانزا يغرم مشوار اللى ابو رواش
ويحكلى مع الناس ملاك العربيات هاتجدهم بيسبو للى شار بيها
فلما حد يقول لاء لاء والف لاء محدش يقول له انتا معاك العربيه ولا لاءه
وعلى فكره العربيه مع واحد صاحبى ومورياه العذاب
وشاكى وان شاء لله هيرفع دعوه عليهم
انا معايا العربية من 2007 و مافيهاش عيب واحد يذكر، يادوب غيرتلها بطارية و كاوتش نام مني و دي المشاكل الوحيدة اللي حصلتلي
العربية عفشتها ناشفه عشان الثبات، دي وزنها 900 كج يعني لو عملك عفشه ناعمه هتعوم
الفيتيس مشواره طويل، في الاول كنت مستغربه، بعد اسبوع واحد اتطبعت عليه و بقى عادي
البنزين استهلاكه عادي، الناس اللي بتشتكي من استهلاك البنزين دي ناس بتقرص على الموتور، انا بانقل على 3 طول الوقت، و اقصى قرص بيبقى على 4
و للعلم انا باسوقها بالتبادل مع نوبيرا و جولييت و هيونداي اكسيل، و بصراحة انا باستمتع اكتر و انا سايق الاسبرانزا
لولا اختلاف الازواق .......
ال 2010 اشترية و انا مغمض
بجد لما سوقتها كان فيها فروق بشعة عن ال 2009
التعديلات
ثبات اكتر
الفتيس بقى الشوط بتاع ولا فتيس الانسر
السحب اختلف
نسب الغيارات اختلفت
بجد اعجبت بيها جدا
و ف الاول و الاخر استخير و توكل عالى الله ..
العربيه معايا بقالها اكتر من سنه وعامله 10 الاف كيلو والى اقدر اقولهلوك انها كويسه والحمد لله مقصرتش معايا خالص وكل الكلام والقصص بتاع العيوب دى مبالغ فيها وممكن تحصل بس حالات فرديه عشان تكون عارف برضه
لكن كل حاجه عاجبانى فى العربيه يمكن الى مش عاجبنى التكييف لانه ضعيف اوى والله اعلم يمك دا عيب عندى او محتاج شحن لسه هسال فى الموضوع دا
الي يخليك تجيب 113 ب 50 زود 12 الف و اركب 516 او بال 50 هاتة زيرو كسر الزيرو و كمان اقل 113 جميلة بس 516 احلي
انا م رأيى انك لو هتجبها زيروا فبلاش انا معايا 516 وجيبها مستعملة هتبقى ارخص وافضل بكتير لان مشكلة الاسبيرانزا هى سعر اعادة البيع بس اتعب وهات وحدة حالتها حلوة هتوفر عليك كتير
السلام عليكم
انا والحمد لله معايا ال 113 من شهر فبراير 2010 زيرو وعامل بيها لحد دلوقتى 9500 كيلو والحمج لله مفيش مشاكل خالص
و الله يا جماعة كل مواضيع عن 113 بتزود حيرتى اكتر
يعنى يا اما شكر اوى او مشاكل كتيير
يعنى مفيش كلمه ترسى على بر؟
بص انا حاقولك حاجة ........ انا كنت زيك كدة من كام شهر و كنت بلاقي شويه يقولولي ان العربية جميله ما شاء الله و شويه يقولولي ان هي معذباهم و خسارة فيها الفلووس
عشان كدة ريح دماغك من الصيني خالص لأن للأسف من اللي بيتقال بيبقي الموضوع حظ.......يعني ممكن تشتريها تلاقيها كويسة و تمام و ممكن تلاقي فيها مشاكل ....زيي البطيخه يا حمرا يا قرعة..........ههههه