-
الاوبل عربية مكلفة
انا راى ان العربيات الاوبل مكلفة جدآ وكل قطع غيارها غالية حتى الاستراد منها نعم هى فيها مزايا كويسه بس يالنسبة للدخل فى المجتمع المصرى مكلفة
واعتقد من خلال المنتدى الشكوى فى الكورسا ثم الاسترا اكتر من الفكترا
فما هو رايكم يا رجال الاوبل الكلام صح ام ؟؟؟؟
مطروح للمناقشه ؟
-
لا طبعا هتسدقنى لو قلت انى كنت بصرف على 128 اكتر من الاوبل
-
يا باشا العربية مش مكلفة بالعربيات اللى زييها مثلا زى ام 3 & بى ام & اوكتافيا & سوناتا يعنى اللى فى نفس الرنج بتاع السعر
لكن لو قارنتها بالشاهين " دام الله ايامها و رجعها مرة تانية " ممكن تروح تصلحها تاخد فلوس من الميكانيكى و تمشى
فعلا عربيات ببلاش
قطع غيار الشاهين
سير الدينامو الايطالى 15 جنية
طرمبة المية الالمانى 80 جنية
تيل فرامل امامى نوع كويس 22 جنية
تيل فرامل خلفى ايطالى 65 جنية
فانوس اشارة ب 7 جنية و الاصلى ب 25 جنية
فانوس كبير امامى 65 جنية و اصلى ب 145 جنية
وش فانوس خلفى " نوع اسمة ماارس " ب 13 جنية
سير الكتينة غالى ب 40 جنية
فلتر الزيت ب 9 جنية
مشط البوبينة غالى جدا فى الشاهين ب 135 جنية التوفاس بتاع العربية الاصلى
اعتقد كفاية كدة
لان كان معايا عربيتين شاهين واحدة موديل 95 موتور 1300 سى سى & و بعتها و جبت موديل 98 موتور 1400 سى سى
-
و الله كان عندى لااد 2015 موديل 95 كانت باشا غيريت عفشتها 3 مرات فى 8 سنين معايا وردياتير الفابريكه اخر ما زهت منه علشان يبوظ مش راضى غيرته بواحد نحاس اما الاوبل بقلها 3 شهور 7 الاف جنية لغاية الان ومش راضى تمام عنها فى فى تحسن ملحوظ مع اللاصلاح لكن التكاليف عالية لانى من النوع المتوعد على شغل الفابريكة وكانت مع واحد حسبى الله ونعم الوكيل معدل كل حاجه لغاية ترمستات الحرارة مركب 128 الامر لله
-
بالنسبة لى العكس يمكن عشان انا النيسان كرهتنى فى العربيات و لو عايز تشوف قطع غيار غالية اسأل و حدث و لا حرج عن قطع غيار النيسان b13 و ندرتها
انا ما بصرفش غير الأساسى و اللى يبوظ منى
-
بص ياباشا هديك مثال
انت تقارن شقه بالمهندسين بشقه تاني في بولاق الدكرور
طبعا مع احترامي لو انت ساكن في المهندسين يبقي هتضطر تدفع بواب ونظافه وكهرباء اعلي وضريبه عقاريه اعلي و..........الخ
برضه العربيات كده لما تيجي تقارن قارن بحاجتين من نفس المثال يعني شقه في المهندسين بشقه تاني في المهندسين
او بمثال عاوز تقارن الفيكترا قارنها بالاوكتافيا او قارنها بالبي ام مش تقارنها باللانوس
-
وجهه نظر صحيحه
مقارنة الأنداد
-
لا مكلفه ولا حاجه
اسعار القطع صحيح غاليه شويه بس معمره
وبعدين الماني حساس جدا وبزات الاوبل دي عايزه واحد بيفهم فيها مش اي حد ولو وديتها عند اي حد كدا ح تكلفك اوي عشان دا ممكن يصلحلك حاجه ويبوظلك حاجه تانيه وكل يوم بقى روح عند صنايعي ......
انا شايف انها لا مكلفه ولا حاجه
-
هى الأوبل بس اللى قطع غيارها غالية
دى قطع الغيار كلها مولعه
-
قطع غيارها غالية بس للامانة ركوبة
انا لما كنت بسافر بالشاهين مسافة 130 كم كنت بوصل مكسر و تعبان و منهك القوى
لكن الاوبل بسافر بيها و لا الهوا و بوصل مرتاح على الاخر
بالنسبة للاخ اللى صرف 7000 جنية فى كام شهر
انا العربية صرفت معايا حوالى 14000 فى سنين و يعلم الله ان العيب مش فى العربية العيب فى البهايم اللى بيصلحوا العربية
و دلوقتى الحمد لله رب العالمين عرفت مين الصنايعى الكويس
و شهريا بالكتير مش بتتكلف اكتر من 100 الى 150 جنية اصلاحات بس
فالحمد لله و ربنا يديمها علينا نعمة و يحفظها من الزوال
Content Relevant URLs by
vBSEO 3.6.0 PL2