هل لو تم اضافة مواد تنظيف ال fuel system and fuel nozzol الموجودة بالسوق هل لها تاثير علي ارتفاع حرارة الماكينة (الموتور)
عرض للطباعة
هل لو تم اضافة مواد تنظيف ال fuel system and fuel nozzol الموجودة بالسوق هل لها تاثير علي ارتفاع حرارة الماكينة (الموتور)
لا ..........
لا أعتقد ابدا
لا أنصح - عن نفسي - باستخدام مثل هذه المنظفات وخاصة لو الموتور بلوك ألمونيوم لأنها بتؤدي لتآكل تدريجي في المسارات الرفيعة داخل الموتور.
غرفة الاحتراق بتعمل تنظيف ذاتي لنفسها عن طريق الرنجات المعدنية حول البستم.
الرشاشات يلزم تنظيفها بواسطة جهاز الألتراسونيك.
غير كده مالهوش لازمة.
أزاي ؟؟ ممكن توضيح للنقطة دي ؟؟اقتباس:
غرفة الاحتراق بتعمل تنظيف ذاتي لنفسها عن طريق الرنجات المعدنية حول البستم.
البستم يتحرك في مسار رأسي داخل غرفة الاحتراق (الشمبر)
البستم يوجد خلوص بينه وبين الحائط الداخلي لغرفة الاحتراق
في هذا الخلوص يتحرك مع البستم عدة رنجات مثبته حول جسم البستم وتتحرك معه
كل نوع من الرنجات له وظيفة، فأحدها يقوم بحبس الضغط فوق جسم البستم والأخر يمنع تسريب الزيت لداخل غرفة الاحتراق والآخر يقوم لعمل عملية حك لجسم الشمبر من الداخل لإزالة أي رواسب كربونية من الاحتراق مترسبة على جسم غرفة الاحتراق.
لما الميكانيكي يقول "هنغير طقم شمبر" يقصد تغيير هذه الرنجات لأنها بتكون فقدت صلابتها او تآكلت وبالتالي بدأت تسرب زيت لغرفة الاحتراق والعربية تبدأ تنفخ (تطلع دخان رصاصي مزرق اللون من جراء دخول الزيت في غرفة الاحتراق). وقد يحتاج الشمبر (اللي هو غرفة الاحتراق) لخراطة.
فالبستم طول ما هو طالع نازل عمال ينظف مجراه على طول مشواره بواسطة الرنجات.
فاستخدام مواد منظفه خارجية غير مجدي وبعض الأحيان يكون مؤذي لو العربيه قديمة. :N_no[1]:
دي صورة الرنجات بتاعة البساتم:
http://speed-eng.com/store/images/Di...n Rings (3.905
بس خلاص......
بس عندنا في ميتسوبيشي في منظف معتمد من التوكيل وينصح باستخدامه كل 15 الف وبيتباع في التوكيل ب 55 جنيه ووظيفته انه بينظف دورة الوقود كلها من اول مواسير نقل البنزين من التنك لحد البوجيهات وكده وانا شايف انه كويس
انا جبت منظف من موبيل موش فاكر اسمه بيضاف على التفويلة ودا طبعا كان ضد رأى الميكانيكى لأنه قال لا متحطوش وحصل اللى قال عليه الميكانيكى بالضبط الوساخات اللى فى التانك بتطلع وموش كلها بتوصل للحالة السايلة وبالتالة بيحصل انسداد فى الفلاتر والرشاشات او الكربراتير لو العربية كاربراتير وهتبهدلك زى ما حصل معايا
الخلاصة لو عربيتك جديدة فعلا حطه كل 15000 او 30000 علشان تفضل محافظ على نظافة الدورة اما لو عربيتك قديمة ومعملتش القصة دة قبل كدة تفك التانك الاول ويتغسل بمية وخل وينشف كويس وبعدين تبدا تستعمل المنظف كل 30000 اما لو بتسافر كتير بالعربية او بتمشى بيها مشاوير طويلة متحطش حاجة أو حط المنظف كل 60000 علشان العربية اللى بتسافر كتير او بتمشى مشاوير طويلة موش بتسمح للترسبات انها تتكون لأنها بتستهلك اللى فيها بسرعه وبتبقى نظيفة على طول علشان كدة بعد اى سفرية أو مشوار طويل بتحس ان العربية فاقت يعنى ممكن عاوز تنضف العربية ممكن تفول 95 وتخبط العربية مشوار قد ساعتين كده مع حبة قرص بعقل يعنى وان شاء الله تبقى زي الفل