الموضوع: حاجة غريبة جداً حصلت معايا النهاردة

تحية طيبة لجميع أعضاء منتدى الدايو الجميل

والله وحشتونى كتير انا الصراحة متابع كل موضوعات المنتدى يوم بيوم بس مشغول شوية ومش عارف اشارك معاكم

النهاردة بالليل وانا مروح البيت مرة واحد ببص على نور التابلوه لاقيت النور بتاع العدادات كله ضعف جدا مرة واحدة مش عارف ليه اول مرة تحصل المشكلة دى معايا قومت واخد يمين ونازل وبطلت العربية وقبل مبطل العربية واقف لاقيت النور رجع لطبيعته مرة تانى وبقى قوى وعادى ياترى ايه اللى حصل او ياريت حد يقولى اشيك على ايه علشان اطمئن على العربية ليكون دى مقدمة لحاجة وربنا يستر

فى حاجة تانى برضوا الصبح بعد الصلاة وانا نازل بدور العربية وشغلت التكييف سمعت صوت خشونة جامد زى صوت سير الدينمو كدا لما بيصرخ بس ثانية والصوت راح دا اول مشغلت التكييف مش مع دوارة العربية ودا برضوا اول مرة يحصل

اسف على الإطالة وارجوا الإفادة وشكرا لكم

المشاركة الأصلية كتبت بواسطة samirayad

أتكى على كل الفيوزات اللى فى العلبه الصغيره كويس وخلاص

وكده مش حتلاقى مشاكل تانى فى نور التابلوه

إن شاء الله

وبالنسبه لموضوع التكييف حاول تشغل التكييف كتير اليومين دول

لتليين عمل البلى شويه

ولو السير كان ناشف ومش متغير من زمان

غيره وبالمره أبقى أكشف على بلية شداد التكييف

وشوفها عاديه فى الحركه ولا خشنه شويه

الله يطمنك يا بشمهندس سمير دايما لحقنا ومطمنا. الصراحة انا اي همسة في الكهرباء بترعبني من ساعة المشكلة اياها عموما بكرة بأمر الله اشيك علي الفيوزات. الف شكر يا كبيرنا