الموضوع: خايف على عربيتك وسع

هههههههههههههههههههه اضحكوااا على سواقين الميركوباص المتخلفين ( مش كلهم ) المهم كانت معايا عربية خالى لانسر 1300 يعنى موت يا حمار على ماتسحب اكمنها اتوماتيك المهم سواق منوفي ابن تيتتتتتتتتتتتتتتتتت
( اوعواا حد يزعل من منوفى دة )
ام هند الطريق ماشى وشغاال ومش واقف بس وانا ماشى على 80 والنجم دة بئى جاى قارص ورايا عايز يعدى عافية عشان الجنبى برضو مش بيجرى المهم فضل مكمل ورايا الطريق كلة كدة المهم جة مطب تخيلواا مطب يعنى المفروض اهدى لا ساعتة عايزنى اطير من علية نيجى لى مطبين 2 برضو نفس الكلام نيجى لحتة الطريق متسفلت بس حتت طالعة نازلة وقرف الحتة بتاع 5 متر كدة ولاحاجة المهم يا باهدى عشان العربية والعافشة يا أما زجزاج واخلص المهم هديت وبرضو المعلم قارص ورايا جيت بئى عند مطب هوا جة جنيبى يقوم يقولى اية بئى اسمعواااا
الكلمة الى تفقع
انت كدةهاتخبط العربية
المفروض انا اطير واتشقلب عشان ساعتة يجرى يلحق

هههههههههههههه بجد دول عندهم اضطراب عقلى ونفسى
كنت تقوله انت مكانك مش هنا انت مكانك فوووووووق

اصل اللي بيعدي الأول بياخد الميدالية الذهبية فكان عايز يلحقها وبتاع الصني ربنا يعوضه خير اخد فضية.....
بلد العجائب......

عندك حق والله احييك على التعليق دا فى الصميم

ده اسلوب سواقة مش شرط العربية قديمة ولا جديدة
لسه برده واحد تيت ابن ستين تيت معاه لانوس وكانت جديدة - ومش معرض علشان معاه اتنين كبار شكلهم اهله اللى معرفوض يربوه - كسر عليا مرتين فى المحور
هوة ده تلاقيه ماشى بنفس الطريقة

الكسر بقا سمة فى الشارع المصرى دا فى ناس بتمشى زجزاج يا فندم

يا جماعه والله ربنا يكون في عون اهل القاهره والجيزه بجددددد
انا كرهت نفسي امباررررررررررررررح
كان عندي فرح في دار الاسلحه والذخيره في صلاح سالم
ودخلت من جوه البلد مش من الدائري عشان كنت هعدي اجيب واحد صحبي من العباسيه
الممهم بجد رقبتي اتلوحتتتتتتت من كتر البص يمين وشمال في المرايات ودي طبيعتي اصلا في السواقه بس في القاره مش ملاحق ابص يمين ولا شمال وادي اشاره عشان اعدي عربيه ولااااااااااا اكن في اشاره شغاله ولا اي حاجه ادخل غباوه يسيبوني اعدي
طيب ليه كده
ده غير بقه غباء وعنف الناس مع بعضهم مش عارف ليه ؟!!!
كل شويه الاقي اتنين بيسكروا على بعض وربنا يستر
كل شويه صوت فرامل جمده ده غير الزحمه الفظيييييييعه
ولا بقه رصف الشوارع يعيني عليه
كميه نقر وبلاعات وحاجات غريبه معرفش عي ايه بالظبط

والله طول الطريق عمال اقول خرجني يارب من البلد دي على خييييييييييييير
والحمد لله رجعت سالما بدون خساره غير بهدله العفشه والبهدله من الوقفه في صلاح سالم من الزحمه وانا راجع عشان طلعه كبري اكتوبر وقفه معرفش ليه

انا بتحاشى اني انزل القاهره بجد ولو مضطر بحاول يكون مشواري جمب محطه مترو وبركن العربيه في جراج المؤسسه واركب المترو اقضي مشواري وارجع ومن بره بره وسلام عليكم

وقال ايه ناس كتير تقولك متشتريتش عربيه من الاقاليم عشان متبهدله هههههههههههههههه

كان الله في عونكم يا اهل مصر

وبحمد ربنا اني من الاقاليم :))

إشارة الناس هنا مش معترفة بالكلمة دى اصلا
امال لو حضرتك كنت دخلت فى شارع مصر والسودان ولا منطقة من المناطق الشعبية دا انت كنت هتكره اى حاجة بأربع عجلات
انا بجد نفسى اسوق فى الأقاليم عشان احس بمتعة القيادة واريح اعصابى شوية من اللى بيحصل هنا :)

نفس نظامى
انا بكره نزول القاهرة من الزحمة و القرف دا
و بحاول أخلى المشوار بأقل عدد مواصلات ممكن

انا بقا بقيت بتخلى عن العربية اللى المفروض جايبها عشان ترحمنى من ذل المواصلات عشان اترحم من ذل حرقة الأعصاب والضغط