خايف على عربيتك وسع

**AirForces** · 18-06-2010 11:56 PM

سلام عليكم
فى مواقف بتحصل كتير فى الشوارع بتخلى الواحد يفقد اعصابه
مثلا لما تكون ماشى فى حالك وتلاقى واحد كسر عليك ما تعرفش ليه
او تلاقى واحد ماشى عكسى وقافل الشارع وبيدخل ببوز عربيته عشان يعدى قبلك
او تلاقى واحد إذا فجأة طلعت فى دماغه يحرق على الغيار عشان يلحق يحود من قدامك
كل دا بيحصل معايا كتير واكيد بيحصل معاكو
لكن اكتشفت ظاهرة غريبة بتحصل وهى انه لو معاك عربية زيرو ابعد عن اى عربية قديمة ماشية
ليه يا عم
عشان ببساطة ناس كتير بتتعامل بأسلوب خايف على عربيتك وسسسسسع
حصل معايا الموقف دا انهارده واحد راكب عربية قديمة راح حارق على الغيار وراح كسر عليا وحك الرفرف اليمين الأمامى من اوله لأخره عشان يلحق يحود من قدامى
اصله الباشا وراه الوزارة ولازم يلحقها
ومرة كنت راكب تاكسى والسواق برضه عربيته قديمة والطريق كان واقف قدامه لقيته عمل حاجة غريبة دخل من وسط بنزينه وراح طالع من نصها عشان يلحق يدخل قبل العربيات وراجل تانى محترم معاه نيسان صنى المفروض دا طريقه والأولوية ليه سواق التاكسى كسر عليه وخبطه وخبط عربيه تانية شاهين قدامه يا عم حاااااسب قالى سيبك منه سيبك منه
طبعا الراجل قعد يتخانق معاه والمصيبة انه سواق التاكسى غلطان وبيتخانق برضو وبعد ما الخناقة خلصت قعد يشتم ويقول اهو البلد دى هتفضل متخلفة كدا ومش هنتقدم ابدا
كنت نفسى اقوله فعلا مش هتتقدم مدام امثالك فيها

حسبى الله ونعم الوكيل فى المستهترين والحاقدين

**أبو إياد** · 18-06-2010 11:59 PM

ع ااااااااااااااااااا د ى ج د ا ً

**Mohamed.Ramah** · 19-06-2010 12:43 AM

المشاركة الأصلية كتبت بواسطة ringoo

اللى يمد البوز يفووووز

هههههههههههههههههههههه حلو اوى الكلام دة وعلى فكرة مش كل المناطق كدة بس فعلا فى ناس بقت سواقتهم غريبة ومش شرط تكون قديمة لا بالجديد وبيبقى فى ايد شباب وطبعا حدف وغرز وفرامل مفاجاة كل شوية بيكهرب الطريق وحصل موقف وانا راكب التاكسى الابيض واحد بالنترا الجديدة اخد تحويدة بدريفت من شمالنا وبقت شنطة عدت قدام كبوت التاكسى اللى راكبة فمبقاش فكرة قديم

دى استهتار ولا مبالاة

**lancerevolution** · 19-06-2010 01:38 AM

المشاركة الأصلية كتبت بواسطة airforces

ومرة كنت راكب تاكسى والسواق برضه عربيته قديمة والطريق كان واقف قدامه لقيته عمل حاجة غريبة دخل من وسط بنزينه وراح طالع من نصها عشان يلحق يدخل قبل العربيات وراجل تانى محترم معاه نيسان صنى المفروض دا طريقه والأولوية ليه سواق التاكسى كسر عليه وخبطه وخبط عربيه تانية شاهين قدامه يا عم حاااااسب قالى سيبك منه سيبك منه
طبعا الراجل قعد يتخانق معاه والمصيبة انه سواق التاكسى غلطان وبيتخانق برضو وبعد ما الخناقة خلصت قعد يشتم ويقول اهو البلد دى هتفضل متخلفة كدا ومش هنتقدم ابدا
كنت نفسى اقوله فعلا مش هتتقدم مدام امثالك فيها :pointiy2[2]:

حسبى الله ونعم الوكيل فى المستهترين والحاقدين

أنا بقوله ببجاحة أنت الى غلطان

**الغزالى** · 19-06-2010 01:51 AM

هههههههههههههههههههه اضحكوااا على سواقين الميركوباص المتخلفين ( مش كلهم ) المهم كانت معايا عربية خالى لانسر 1300 يعنى موت يا حمار على ماتسحب اكمنها اتوماتيك المهم سواق منوفي ابن تيتتتتتتتتتتتتتتتتت
( اوعواا حد يزعل من منوفى دة )
ام هند الطريق ماشى وشغاال ومش واقف بس وانا ماشى على 80 والنجم دة بئى جاى قارص ورايا عايز يعدى عافية عشان الجنبى برضو مش بيجرى المهم فضل مكمل ورايا الطريق كلة كدة المهم جة مطب تخيلواا مطب يعنى المفروض اهدى لا ساعتة عايزنى اطير من علية نيجى لى مطبين 2 برضو نفس الكلام نيجى لحتة الطريق متسفلت بس حتت طالعة نازلة وقرف الحتة بتاع 5 متر كدة ولاحاجة المهم يا باهدى عشان العربية والعافشة يا أما زجزاج واخلص المهم هديت وبرضو المعلم قارص ورايا جيت بئى عند مطب هوا جة جنيبى يقوم يقولى اية بئى اسمعواااا
الكلمة الى تفقع
انت كدةهاتخبط العربية
المفروض انا اطير واتشقلب عشان ساعتة يجرى يلحق

**A.Saad** · 19-06-2010 06:57 AM

ده اسلوب سواقة مش شرط العربية قديمة ولا جديدة
لسه برده واحد تيت ابن ستين تيت معاه لانوس وكانت جديدة - ومش معرض علشان معاه اتنين كبار شكلهم اهله اللى معرفوض يربوه - كسر عليا مرتين فى المحور
هوة ده تلاقيه ماشى بنفس الطريقة

**bmya** · 19-06-2010 02:39 PM

يا جماعه والله ربنا يكون في عون اهل القاهره والجيزه بجددددد
انا كرهت نفسي امباررررررررررررررح
كان عندي فرح في دار الاسلحه والذخيره في صلاح سالم
ودخلت من جوه البلد مش من الدائري عشان كنت هعدي اجيب واحد صحبي من العباسيه
الممهم بجد رقبتي اتلوحتتتتتتت من كتر البص يمين وشمال في المرايات ودي طبيعتي اصلا في السواقه بس في القاره مش ملاحق ابص يمين ولا شمال وادي اشاره عشان اعدي عربيه ولااااااااااا اكن في اشاره شغاله ولا اي حاجه ادخل غباوه يسيبوني اعدي
طيب ليه كده
ده غير بقه غباء وعنف الناس مع بعضهم مش عارف ليه ؟!!!
كل شويه الاقي اتنين بيسكروا على بعض وربنا يستر
كل شويه صوت فرامل جمده ده غير الزحمه الفظيييييييعه
ولا بقه رصف الشوارع يعيني عليه
كميه نقر وبلاعات وحاجات غريبه معرفش عي ايه بالظبط

والله طول الطريق عمال اقول خرجني يارب من البلد دي على خييييييييييييير
والحمد لله رجعت سالما بدون خساره غير بهدله العفشه والبهدله من الوقفه في صلاح سالم من الزحمه وانا راجع عشان طلعه كبري اكتوبر وقفه معرفش ليه

انا بتحاشى اني انزل القاهره بجد ولو مضطر بحاول يكون مشواري جمب محطه مترو وبركن العربيه في جراج المؤسسه واركب المترو اقضي مشواري وارجع ومن بره بره وسلام عليكم

وقال ايه ناس كتير تقولك متشتريتش عربيه من الاقاليم عشان متبهدله هههههههههههههههه

كان الله في عونكم يا اهل مصر

وبحمد ربنا اني من الاقاليم :))

-

-

الموضوع: خايف على عربيتك وسع

LinkBack

أدوات الموضوع

عرض

خايف على عربيتك وسع - انشر الموضوع فى :

-

-

-

-

-

المواضيع المتشابهه

خايف أغير عربيتى وعارف لية أنا قلبى خايف

خايف عربيتك تتسرق ادخل ومش هاتندم

عدلت فى عربيتك السيفيك من برة أو جوة؟ إنشر صور عربيتك.

عربيتك اتسرقت؟ او خايف تتسرق؟

خايف على عربيتك .... يبقى وسع

الكلمات الدلالية لهذا الموضوع

المفضلات

المفضلات

ضوابط المشاركة