ماهو أجر الميكانيكى فى الكشف على السيارة و مصاريف نقل الملكيه

**AMA** · 19-06-2010 12:29 AM

معروض علينا من واحد جارنا عربية فيات 127 بباب واحد
و الراجل بيقول حالتها الميكانيكيه كويسة جدا و طالب فيها 6 ألاف و فعلا أنا مش بسمع لها صوت فالماتور خالص لكن الله أعلم برضه لأنه من حوالى 6 شهور قعد يشكيلنا أنه كل يوم بيروح لميكانيكى و يصرف عليها و الدنيا كعبله معاه و الأيام دى جاى يقولنا دى متظبطة كدة و حالتها متوسطة و مقبولة يعنى
فأنا بصراحه مش مصدق الراجل أن حاله العربية معقولة زى مابيقول
فكنت عايز أكشف عليها بس مش عارف لو جيبت ميكانيكى هياخد كام ؟ و هل فلوس الميكانيكى أنا هدفعها لوحدى ولا فيه جزء ممكن صاحب العربية يدفعه ؟ و هل لو مكانش ليا نصيب فى العربيه أجر الميكانيكى بيختلف ؟ يا ريت يعنى شوية توضيح فى المسألة دى
و أية أنسب طريقة لنقل الملكية من صاحبها ليا ؟ و ماهى التكلفة و بتتسجل فى الشهر العقارى ولا أية بالظبط ؟

أنا عن نفسى تعتبر كل مشاويرى مثلا من سيدى جابر لحد أبو قير رايح جاى يعنى حوالى 40 أو 50 كيلو يوميا فهل الـ127 الباب واحد عمتا هتستحمل كل يوم أو يومين مشوار زى كدة يعنى تكون عربيه مؤقته ؟

**Mostafa.Mahran** · 19-06-2010 01:31 AM

بغض النظر عن الكلام ده كله لازم الميكانيكى تكون تعرفه او من طرف حد يعرفه علشان تكون واثق فيه الى حد ما

وبالنسبة لنقل الملكية فده حسب الوقت الى فاضل فى الترخيص يعنى لو فاضل كتير يبقى تعمل توكيل افضل

وبالنسبة للاستحمال فالموضوع عادى مفيش مشكلة ده انا كنت بروح بيها برج العرب من محرم بك كل يوم لمدة شهرين متواصلين و الحمد لله محصلش اى مشكلة

**AMA** · 19-06-2010 01:38 AM

المشاركة الأصلية كتبت بواسطة eng.m mahran

بغض النظر عن الكلام ده كله لازم الميكانيكى تكون تعرفه او من طرف حد يعرفه علشان تكون واثق فيه الى حد ما

وبالنسبة لنقل الملكية فده حسب الوقت الى فاضل فى الترخيص يعنى لو فاضل كتير يبقى تعمل توكيل افضل

وبالنسبة للاستحمال فالموضوع عادى مفيش مشكلة ده انا كنت بروح بيها برج العرب من محرم بك كل يوم لمدة شهرين متواصلين و الحمد لله محصلش اى مشكلة

طيب كويس أوى الكلام دة يعنى فلوس الميكانيكى و نقل الملكيه دة هيكون حاجات بسيطة دا إلى أنا فهمته
بس السعر كدة كويس ولا أية أصل الباب الواحد سمعت إنها سوقها نايم

**Mostafa.Mahran** · 19-06-2010 01:48 AM

المشاركة الأصلية كتبت بواسطة ama

طيب كويس أوى الكلام دة يعنى فلوس الميكانيكى و نقل الملكيه دة هيكون حاجات بسيطة دا إلى أنا فهمته
بس السعر كدة كويس ولا أية أصل الباب الواحد سمعت إنها سوقها نايم

الميكانيكى خليه يشوف كل حاجة فى العربية واديله 20 جنيه

والتوكيل انا عملته علشان الرخصة كان فيها سنتين و الحوار كله اتكلف 60 جنيه

والعربية موديل كام اصلا وحالتها ايه؟

**AMA** · 19-06-2010 02:10 AM

المشاركة الأصلية كتبت بواسطة Eng.M Mahran

الميكانيكى خليه يشوف كل حاجة فى العربية واديله 20 جنيه

والتوكيل انا عملته علشان الرخصة كان فيها سنتين و الحوار كله اتكلف 60 جنيه

والعربية موديل كام اصلا وحالتها ايه؟

ألف شكر يا باشمهندس على الرد و جزاك الله كل خير والله يا باشا

العربية صاحبها بيقول أن حالتها دلوقتى كويسة لكنه من حوالى 6 شهور كان بيقول مدوخاه و كدة
بس على فكرة فعلا العربيه مالهاش صوت من أول ماجابها

موديل كام دى معرفهاش بصراحه بس نفس الصورة دى
(الفوانيس المدورة و الأكصدام الحته واحدة)