الموضوع: ساعدوني الاقي شقة

المشاركة الأصلية كتبت بواسطة cairo2005

ايمن
متهيالي هتدوخ اكتر وفي الاخر مش هتلاقي
140 ونظام دول اخرهم في مكان تعبان اوي
ده بتوع الحي الايطالي وجعوا دماغي رسايل على الموبايل فاتصلت بيهم صعقت
63 متر وتمنها بيوصل ما بين 146 الف و193 الف
شفت الهنا

اسعار رمزية ياباشا.

معتقدش ممكن تلاقى بالسعر ده فى زايد
أنا بايع اسكان شباب 70 متر والبيع غير رسمى بتوكيل الشتا الى فات ب 75000 الف دور ارضى
اعتقدت تعمل دلوقتى 100 الف للدرو الارضى برضه

انا حجزت فى مشروع دجلة جاردنز معمار المرشدى الشقة 80 متر عندهم ب 116 الف كاش بس انا واخد شقتين بسعر خاص و بنظام على سنتين .. لو حد عايز يقولى و انا اظبطة .

المشاركة الأصلية كتبت بواسطة osoliman88

أنا عاوز زيك كده شقتين كل واحدة 80 متر ، قولنا رايك أيه في في دجلة جاردن ، وما هو السبب في اختيار دجلة جاردن بالذات، كمان عاوزين نعرف نظام التسليم بيكون ازاي

منطقة حدائق اكتوبر مستقبلها حلو جدا ، اولا هى خلف حى الاشجار يعنى هيبقى جنبك كارفور و استاد مبارك الدولى و نادى الترسانة و الشرطة و الزمالك كلهم بيبنوا هناك دة غير ان المنطقة كلها نظام كومباوند يعنى جنبك الحى الايطالى و حى المنتزة و بيتا جاردنز و واحة الريحان و حوالى 5 مشاريع تانية بنظام الكومباوند و دة بيخلى على الاقل فى حد ادنى للمستويات اللى هتسكن هناك .
دجلة جاردنز لقيت ان مساحة المشروع حلوة على 100 فدان نسبة البناء على 20% و الباقى مساحات خضراء و نادى كبير بتاخد عضويتة لو اشتريت شقة هناك و مناطق خدمات و مدرسة و حضانة و مستشفى و امن 24 ساعة و 7 باصات لخدمة الكومباوند حتى بعد التسليم - كمان معمار المرشدى سمعتة حلوة على الاقل لغاية دلوقتى هو اكبر شركة هناك و حاجة كمان ان تقسيم الشقق و استغلال المساحات فى دجلة احسن من كل المشاريع التانية يعنى فى دجلة الشقة بتصفى 67 متر انما باقى المشاريع 63 متر بس و بعدين دجلة لما طريق حى الاشجار يخلص هتبقى تقريبا اقرب مشروع من الطريق مش جوة ناحية طريق الفيوم
و السبب الاكبر اللى خلانى فضلتها هو السعر و نظام الدفع لانة عرض خاص بس مش هقدر اقول تفاصيلة على العام و لو عايز اى حاجة قولى و انا ممكن اخدمك فى الموضوع دة .