ايه الفرق بين بروتون وغيرها !!؟؟

**khaledmontero** · 19-06-2010 05:45 AM

انا من زمان نفسي أشوف موضوع عن الحاجات اللى بتميز سيارات بروتون سواء جين أو بيرسونا أو واجا أو ساجا عن العربيات التانية أو على الاقل اللى فى نفس الفئة وانا عارف انها كتير ..
بس اللى أنا عاوز أعرفه ونركز عليه هى الاجزاء الداخلية أكثر من الاجزاء الخارجية والاوبشنز المعروفة ..
وده طبعا هانحتاج فيه لمجهود الناس الجامدة زى رامى , محمد عبد العال , مومو يبرسونا , اسامة شحاته , توت عنخ أمون , وكل الناس اللى تقدر تشارك ....
سلامى للجميع

**powerofhelll** · 19-06-2010 06:17 PM

فكره ممتازه

**momopersona** · 19-06-2010 06:46 PM

ان شاء الله بعد انتهاء امتحاناتى على طول يوم السبت القادم هاعد موضوع فعلا عن المزايا
واسباب الاحساس الرياضى بتاعها وكده واسباب احساسنا بالتميز الغريب رغم سعرها القليل
وهايكون موضوع مدعم بالصور التوضيحيه لبعض المزايا والتقنيات
وشكرا يا باشا على ذكر اسمى فى موضوعك واتشرف بيه طبعا

**mrwho1982** · 20-06-2010 03:00 AM

يكفي انني كنت مرة طالع مع واحد زميلي بالويرا 99

وهو مهاه لانسر 2007 فانا كنت ببص علي الماء لقيتو جاي جنبي وبيقولي شممها بصلة ممكن تفوق ......... اصل اللي ميعرفش يقول عدس......

المهم لقيتو جنبي عند الشارع اللي فيه امن الدولة وخليتو مايفتح بقو تاني وكنت عاثالث وهو كان بيحرق عالغيارات ومش عارف يجيبني

جبتو جنبي وقلتلو روح بيعها او دخلها في توكتوك

المرة الثانية لما اخد خبطة في الباب اليمين السمكري بصراحة طلع عينو لان الصاغ بتاعها جامد ولو عربية تاني كنت هاتلاقي سواق العربية التانية جنبك بيقزقز لب

**tutankhamoun** · 20-06-2010 09:28 AM

و الله يا باشا .......... كل عربية لها مميزات و لها عيوب .

و أنا شايف أن أكتر حاجة بتميز البروتون عموما هي الآتي :

الشكل الجميل .
السعر المعقول مقارنة بالكماليات .
الجودة المقبولة جدا .
وجود العربية في أسواق عالمية لها معايير عالية في الجودة .

عدم الأنتشار .................. و هو أكبر ميزة في العربية مع كل ما سبق فوق .