-
اخيرا التكييف بقى تلاجة
السلام عليكم طبعا اول ما الحر دخل حسيت ان تكييف العربية باة زى المروحة والعربية اسبيرو 94 قعدت اراجع المواضيع اللى فى قسم التكييف لقيت اكتر حد الناس بتقول علية جامد الكابتن و كلمتة قلى الشحن بس ب 180 جنيه فانا استغليت المبلغ واستبعدت المشوار فدورت تانى لقيت الاخ zazalanos بيشكر فى احمد تكييف اللى فى ارض اللواء كلمت واحد صحبى كمان ساكن فى المهندسين سالتو علية طلع يعرفو برضو و بيوديلو عربيتو و كل عربيات العيلة قلت يبقى كدة تمام و خصوصا انو قريب من الشغل خلصت شغلى امبارح وتوكلت على الله و كنت عندو 4.30 قاس الفريون لاقاه ناقص فكبس هوا وكشف بالصابون و الحمد لله طلع مفيش اى تسريب فضى الدايرة و سحب الهواء و ادى زيت وشحن وقاللى ان النقص اللى كان فى الفريون عشان انا كونت لسة مغير بكرة شداد و سير التكييف فقاللى تقريبا الميكانيكى سرب شوية فريون و هوة بيشتغل المهم جربنا التكييف و بقى تمام التمام وهوة تحت التجربة دلوقتى وانا شغلتة وانا ماشى من عندة الساعة 5.30 وكان عز الحر بس الحمد لله كان مش محسسنى ان فى حر غير وانا نازل من العربية. اللى اشتغلى فى العربية شاب اسمه هشام والشحن اخد 140 جنيه ودى كانت تجربتى مع احمد تكييف و هوة احسن حاجة فية انو مش بتاع اشتغالات و حركات يعنى انا الفريون عندى كان ناقص حوالى النص فكان ممكن يعملى حوار فشنك بس الحمد لله ربنا يباركله اخوكم د/احمد
-
-
-
امبارح برضة الجو كان نار والتكييف عمل معايا احلى شغل و لاول مرة بنتى الصغيرة ما تعرقش فى العربية من الحر و خصوصا مع الحرارة العالية دى ربنا يبارك للناس دى بجد و ببردة مازال التكييف تحت الاختبار وخصوصا ادائة مع الجو الرهيب دة
-
ممكن بس اعرف عنوانة اية بالظبط
-
بص يا سيدى هو فى ارض اللواء حتمسك جامعة الدول كانك رايح ناحية شارع السودان وتطلع الكوبرى اللى فى اخر جامعة الدول اظن اسمو كوبرى ناهيا هاتلاقى منزلين انزل المنزل اليمين بتاع ارض اللواء وامشى شوية و اسال على عمارات الاوقاف ولما توصل عمارات الاوقاف اسال على ورشة احمد و عبدالله تكييف
-
الحمد لله التكييف ما زال فى افضل حالاتة والتبريد فى عز الحر كويس جدا
-
ما زال التكييف متالق بحمد الله حتى الان بعد تقريبا حوالى شهر الحمد لله
-
الحمد لله و ربنا يكرمك فيه
-
-
كدة فات شهرين على شحن التكييف و ما زال متالق بحمد الله يس ساعات بيضعف لما اشغله كتير و اظن دة لانة بيكون تلج او حاجة كدة لانى لما اقفلة 10 دقائق و اشغلة تانى بيرجع طبيعى مش عارف دة طبيعى ولا اية؟ لو حد بيحصل معاة كدة يقولى
-
بيحصل فى اللانوس... ممكن السبيرو تكون نفس النظام
MMamdouh
-
شكرا ممدوح باشا على الرد وكل سنة وحضرتك طيب
-
-
لو ممكن تليفونه لان التكيف عندي مخرف على الاخر و محدش عارف السبب و صرفت عليه حتى الان حوالي 1800 جنيه و مفيش فايده
اظاهر انه اتقلب سخان
-
هحاول اروحله لان التبريد عندي ضعف ومبقاش يوصل للكنبه وكمان في التوكيل قالولي ان التلاجه عايزه تتنضف
-
دة العنوان
بص يا سيدى هو فى ارض اللواء حتمسك جامعة الدول كانك رايح ناحية شارع السودان وتطلع الكوبرى اللى فى اخر جامعة الدول اظن اسمو كوبرى ناهيا هاتلاقى منزلين انزل المنزل اليمين بتاع ارض اللواء وامشى شوية و اسال على عمارات الاوقاف ولما توصل عمارات الاوقاف اسال على ورشة احمد و عبدالله تكييف
ورقم التليفون
0125566609
-
Content Relevant URLs by
vBSEO 3.6.0 PL2