استطلاع : أى المدارس تختار لتعليم اولادك ؟وليه الاجنبى و اللغات ؟

**yasserelsayad** · 19-06-2010 01:59 PM

انا كنت فى مدرسة امريكية وشايف ان المدارس الاجنبية او الامريكية بذات احسن من المدارس الخاصة والحكومة بمراحل .. كفاية تعامل ادارة المدرسة والمدرسين مع الطلبة وازاى كل واحد ليه رأيه ونظام الدراسة باردوا والمناهج اجسن كتير ومش كل حاجة حفظ وبس والرفاهية كمان اللى بتكون فى المدارس دى يتخلى الطالب ميتخنقش من حياته ويبقى عايز يموت نفسه زى فى الثانوية العامة كدا .. المدرسين مش بيخلصوا الحصة غير لما الطلبة تكون فاهمة تمام وممكن يعيد 3 او 4 مرات عشان فى واحد وكذا واحد مش فاهم ولو لسه مش فاهم او فى حاجة معاه ممكن فى اى وقت فاضى يعدى على المدرس فى المكتب بتاعه فى اى وقت وهو يشرحله تانى .. دا غير ان المدرسين تحس انهم اصحابك ودا بيخليك تحترمهم وتحبهم .. دا انا لحد دلوقتى بتقابل انا وصحابى مع المدرسين وبنخرج مع بعض وكمان ساعات بنسافر مع بعض .. غير كمان بقى الانشطة المختلفة زى ملاعب الكورة والتنس و السلة وكمان حمامات السباحة والمكتبة واللابات بتاعة الكمبيوتر يعنى شغل عالى اخر حاجة.

**yasserelsayad** · 19-06-2010 02:01 PM

المشاركة الأصلية كتبت بواسطة tifana2010

انا اتفق مع حضرتك كثيرا
لكن لما حضرتك تلاقى السلام الوطنى لبلاد هذه المدارس الاجنبية هى اللى بيسمعها و يرددها اولادك و علم هذه الدول صاحبة المدارس هو اللى بيرفعوه كل صباح ،ممكن يكون علم بلدنا واقف جنبه كده على استحياء
تقول ايه ؟
وهو اللى اتعلم النظم و الالتزام الالمانى مثلا ،
يعرف يتعامل مع النظم المصرية ولا احسن له يسافر يشتغل فى المانيا ان سنحت له الفرصة ؟ يسافر طبعا
طيب لو ماعرفش يسافر و لقى شغل مثلا فى شركة المانية فى مصر يشتغل فيها ولا يشتغل فى شركة مصرية ؟ طبعا اريح له واكسب له الالمانية
طيب الشركة الالمانية دى بتشتغل لحساب مين احنا ولا المانيا ؟ ولو سافر المانيا حيفيد مين احنا ولا هما ؟
وقيس على كده كل القوميات الاجنبية الاخرى مش بس المانيا

فعلا زى ما قلت حضرتك ربنا يستر

على فكرة مفيش حوار العلم دا ولا النشيد على الاقل فى المدرسة بتاعتى وكذا مدرسة تانية .. اصلا مكنش فيه طبور

**Ahmed Selim** · 19-06-2010 02:36 PM

أنا بصراحة مشفتش موضوع المدارس اللى بترفع أعلام دول تانية و بتعزف النشيد الوطنى لدول تانية.

بس برضه هعلق على موضوع ان معظم الدكاترة و المهندسين بتوع زمان كانوا تعليم حكومى.....أنتى طبعاً رديتى على نفسك فيها....كان فى جودة فى التعليم.....دلوقتى مفيش....طيب أدخل أولادى على أمل أنه ممكن يبقى فيه و ممكن لأ ؟؟؟؟؟؟

هيطلعوا يدعوا عليا.............. لأن الأماكن الكويسة و اللى بتدفع مرتبات كويسة معظمها مالتى ناشيونال....و كلها سواء مالتى أو لأ اللغة الرسمية فى المراسلات الداخلية بينهم هى الأنجليزى و معاملاتهم مع الشركات و المؤسسات الأخرى سواء مصرية أو لأ برضه.....و بالتالى أشتراط الأنجليزى على سبيل المثال مش جاى من فراغ.

السؤال هو ليه أحنا بنعمل كده فى نفسنا ؟؟؟؟؟

يعنى ليه شركة أو مؤسسة مصرية ذات وضع جيد يبقى التعامل الداخلى بينهم بالأنجليزى؟؟؟؟

**زينة الله** · 19-06-2010 04:00 PM

طيب يا جماعة سيبونا من حكاية العلم والنشيد الوطنى لاى دولة اجنبية
الفكرة غالبا زى ما حضراتكم قولتم أن الشركات ذات المرتبات المحترمة والعالية بتكون مالتى ناشونال
وعايزين حد معاه لغة يفهمهم ويريحهم فى التعامل فى شركاتهم اللى بيشغلوها فى بلدنا لمكاسبهم
يا ترى هما دول اللى حيساعدونا نبنى بلدنا
ياترى احنا بنربى ولدنا عشان يعيشوا و ياخدوا مرتبات عالية (ودا حقهم الشرعى)
وهما بيكبروا غيرنا ومش بلدنا مش عارفة ؟؟؟

**MaZaGAngeE** · 19-06-2010 04:18 PM

أنا زعلان جدا من أغلب الآراء دي ....

أهم حاجة عندي ان ولادي تكون ثقافتهم و فكرهم اسلامي عربي مش غربي علماني
لما أودي بنتي مدرسة أمريكية واحده واحده كده هتتحول من بنت مسلمة مصرية الى مسخ عربي الأصل أمريكي أو انجليزي أو ألماني الهوى كاره لكل ما هوه مصري أو حتى عربي و هتكون بتحلم بامريكا .....

صحيح التعليم في مصر زيه زي حاجات كتير غلط في بلدنا و عشان نصلحها لازم الاصلاح يكون بعقول و تفكير اسلامي عربي و ده لعدم وجوده حاليا في مصر هيكون ده دور الأم المصرية اللي مطلوب منها تكون قد المسؤلية و تربي رجالة يصلحوا بلدنا

هودي بنتي أقرب مدرسة عربي من بيتنا مادام كده كده هتاخد دروس في كل المواد يبقى أرخص مكان هوه أحسن مكان

**yasserelsayad** · 19-06-2010 06:13 PM

المشاركة الأصلية كتبت بواسطة mazagangee

أنا زعلان جدا من أغلب الآراء دي ....

أهم حاجة عندي ان ولادي تكون ثقافتهم و فكرهم اسلامي عربي مش غربي علماني
لما أودي بنتي مدرسة أمريكية واحده واحده كده هتتحول من بنت مسلمة مصرية الى مسخ عربي الأصل أمريكي أو انجليزي أو ألماني الهوى كاره لكل ما هوه مصري أو حتى عربي و هتكون بتحلم بامريكا .....

صحيح التعليم في مصر زيه زي حاجات كتير غلط في بلدنا و عشان نصلحها لازم الاصلاح يكون بعقول و تفكير اسلامي عربي و ده لعدم وجوده حاليا في مصر هيكون ده دور الأم المصرية اللي مطلوب منها تكون قد المسؤلية و تربي رجالة يصلحوا بلدنا

هودي بنتي أقرب مدرسة عربي من بيتنا مادام كده كده هتاخد دروس في كل المواد يبقى أرخص مكان هوه أحسن مكان

على فكرة انت فاهم المدارس الامريكية غلط خالص هى مش بتأسسك عشان تبقى امريكى يعنى .. لا هى المواد الدارسية والمناهج من امريكا بس ملهاش اى دعوة بالدولة نفسها يعنى مش بيعلمك مبدأ الدولة الامريكية او اى حاجة وبعدين المناهج دى متوافق عليها من وزارة التربية والتعليم .. دا حتى منهج التاريخ كان شرحين فيه تقريبا كل الحضارة الفرعونية وتقريبا كل الحضارات الاخرى يعنى مش مركزين على امريكا بس .. وبعدين ما انا كنت فى امريكان ولسه بحب مصر جدا وافضلها عن اى بلد تانية فى اى وقت.

-

-

مشاهدة نتائج الإستطلاع: أى المدارس تختار لتعليم اولادك ؟

الموضوع: استطلاع : أى المدارس تختار لتعليم اولادك ؟وليه الاجنبى و اللغات ؟

LinkBack

أدوات الموضوع

عرض

-

-

-

-

-

-

المواضيع المتشابهه

الى اولياء امور طلاب مدارس اللغات – مصروفات المدارس

سؤاااااااااااااااااال محيرني ليه وليه وليه !!!!!!!!!!!!!!!!!!!!!!!!!!!!!!!!!!!!!!!!!!

برنامج رائع لتعليم اللغات Rosetta Stone.... اتحدى ان فيه احسن منه !!

تختار ايه بيت الغريمتين سيفيك او كورولا وليه

..:: تختار مين فيهم ؟ (Optra:Lancer 1.3:Sunny:Yaris:City)مانيوال وليه ؟! ::..

الكلمات الدلالية لهذا الموضوع

المفضلات

المفضلات

ضوابط المشاركة