بأختصار انا عندى السيارة مبتجبشي اكثر من 160 وبتكون الدواسة وصلت وصدت لللارض ؟
ممكن اعرف هو الدايو كلة كدة ولا فى حاجة الى بتعملها كدة علما بأن موديل 2006 هاف اوبشن ومغير جميع الفلاتر والزيوت
عرض للطباعة
بأختصار انا عندى السيارة مبتجبشي اكثر من 160 وبتكون الدواسة وصلت وصدت لللارض ؟
ممكن اعرف هو الدايو كلة كدة ولا فى حاجة الى بتعملها كدة علما بأن موديل 2006 هاف اوبشن ومغير جميع الفلاتر والزيوت
مجربتش اوصل للسرعه دي
بس اعتقد فيه ناس جابت 180 بس مش عارف بقى ممكن ده يكون عيب ايه عندك
فعلا الانوس بتجيب ال 180 عادى.....
يمكن تكون اغلب مشاويرك جوه البلد والموتور مش مفتح مش اكتر....
لازم عشان تعدي السرعة دي تجيب اخر كل غيار
آخرى فى الدايو 130 أو 140 بكتيره
وبالتالى أنا على جنب فى البوست ده
احرق على الغيارات و لو مشاويرك جوة البلد يبقى انت عايز مشوار طوالى يفوق المكنة
MMamdouh
انا جبت بيها 170 و شوفت واحد جاب بيها 190
هل البوتشميتر لة دخل فى موضوضع السرعة ؟
هى اللانوس الله لا يقدر ويحفظ الجميع على 160 لو عجلة شيعت ايه اخبار ثباتها؟
هل البوتشميتر لة دخل فى موضوضع السرعة
وظيفته ايه ومكانه فين ؟
انا بسأل السؤال ده علشان الاتى .
اولا ممكن يكون اللى عايز يجيب بالعربية اكتر من 160 كم/س مش واخد باله ان ده خطر كبير جداً عليه وعلى الناس اللى حواليه فى الشارع وعلى الطريق - ولا ترموا بأنفسكم فى التهلكة .
ثانياً وده اللى بيزعلنى اكتر ان فى ناس بتساعده عاوزاه يجيب اكتر لحد 190 كم/س
ثالثا حضرتك ليه خدت الموضوع بحساسية على انى بتكلم على اللانوس ؟
انا بتكلم على السرعة وليس على النوع وان كان الموضوع اتفتح من واحد عنده لانوس فاللانوس مش مقصودة خالص
احنا هنا بنتعامل على اننا اسرة واحدة وبخوف عل بعض وسؤالى كنت عاوز الفت نظر صاحب الموضوع لشئ معين وهو تخيل حضرتك وانت قارص و جايب 160 و العجلة ضربت لا قدر الله وضع العربية هيكون ايه؟؟؟؟؟
انا ماخدتش الموضوع عشان اللانوس او غيرها... وجههة نظرك هى وجهة نظرى... محدش امن عند 160 فى حالة فرقعت فردة كاوتش بغض النظر انت راكب ايه
MMamdouh
السلام عليكم
انا بالانوس 1 موديل 2000 بجيب 140 مستريح علي طريق السويس
وانا مسافر السخنه بجيب 160 علشان انا عارف اماكن الرادار فين ومقدرشي ازود عن كده في طريق العين السخنه علشان فيه منحنيات كتير
اول لما اشتريت الانوس طلعت علي طريق مرسي مطروح وجبت 180 بس لمستها وخففت السرعه تاني
انا جبت بعربيتي 140 بمنتهي السهولة
المهندس ممدوح احنا مش نجرى ولا حاجة لان عارفين ان السرعة دى جنونية ولا قدر الله لو العجلة فرقعت حتبقى مشكلة احنا كنا بنجرب السيارة فقط بعد ميكانيكى ظبط فى البوتشميتر على جهاز كشف الاعطال بس دى كل الحكاية
على فكره أنا لا أقصد بقولى ( فى الدايو )
إن الدايو مش حتجيب أكتر من كده ولا حاجه
أنا لو عاوز أجيب 180 حجيب وبمنتهى السهوله
بس ده مايلزمنيش
أنا يوم ما بأجيب 130 بأكون عامل ليله لأهل الله
حتى لو راكب طياره مش دايو
هو العمر بعزقه
أنا فعلا بأحب العربيه لما بتعمل حركات نص كم
وترغم صاحبها على عدم تزويد السرعه
وياسلام لما كان معايا ( أوبل فكترا )
وكنت عند 120 ألاقى رجه فى الدركسيون
وأنا عارف أنى عاوز مجرد ترصيص مثلا
بس مرضيتش أرصص
وقولت لنفسى
مايمكن ده خير ياواد
وربنا مش عاوزك تلقى بنفسك الى التهلكه
بحيث عند ال 120 تلم نفسك بعدها
وقعدت بالعربيه كده على طول
لحد مابيعتها
________________________
اللى عاوز أقوله
أن يا أخوانا
السواقه مش أنى أدوس بس على دواسة البنزين
علشان أوفر ربع ساعه فى مشوار بتاع ساعتين سواقه مثلا
ما أنا ممكن لما أعمل كده وأقفل عداد السرعه
يحصل المراد وأعمل حادث وأقعد فى المستشفى أو أموت
يبقى فين العقل بأه
وبالذات فى التعامل مع الطرق المصريه والتكاتك اللى بتطلع زى القضاء المستعجل من تحت الأرض
والواحد سايق بسرعات جنونيه
وغيره
هو ده الكلام السليم لما الواحد يجيب 130 بيعمل ليلة لله تعالى
ده يا ابو احمد الواحد حواسه الخمسة بتبقى شغاله وهو سايق
السواقه بهدوء وليس بالسرعة الجنونيه التى تودى الى التهلكة
وكل واحد يفتكر اهله اللى سايبهم فى البيت سواء اولاد او ام او زوجه او اب او اخوات
والله حضرتك عندك حق انافى مصر كان اخرى 120 فى الزنقات بس الله يسامح السعودية الى عودتنا على السرعه وخلت اقل سرعه الواحد بيمشى بيها 140 و160 فما فوق نفسى ارجع زى زمان.
وعلى الجواب على سؤالك انا جبت بالدايو بتاعتى فى مصر 170 وده لمرة واحده فقط وكانت تجيب اكتر بكتير .
اولاٌ
مفيش طريق فى مصر يتحمل السرعات دى
ولاكن الموضوع ساعات بيبقى اختبار للعربيه او اثبات زات او تجربه ( وانت وحظك )
نصيحه العربيات الانوس الاستوك بلاش تجرب السرعات دى
لان انا جربت عربيه لانوس زيرو لاقيت آخر ثباتها ال 140 بعد كده انت بتضحى بنفسك
ولو طلعلك مفاجىء العربيه مش هتقف بكرررررررررر
مش هتقف
ولو صممت وكبست فرامل مش هتعرف تلم العربيه عن تجربه ( ربنا ما يوريهالكوا )
يبقى بلاش الموضوع ده اجمالاٌ
اما بالنسبالى فجبت ال 180 على الدولى الساحلى ودى صورة العدادات
http://i757.photobucket.com/albums/x...0081231118.jpg
التجربه
بالجنط ال 15
والفرامل المتعدله
ولسه مجربتش بعد ظبط فيشة الاوكتان وتغييرها الخرافى للاداء
هجرب وانا رايح اسكندريه ان شاء الله
وربنا يستر عليا وعليكم
ما شاء الله 160 دا حلو اوى انت اساسا فى الطرق المصريه بكبيرك 130 دا بكبيره اوى يعنى وغالبا هتكون ماشى على 100
سوق براحه توصل بسرعه دا مثل سمعته كتير وربنا يسترها معاك
استاذ / عصام
طبعا للتجربه اللحظيه وليس كمان الوقتيه
لان كده حرام حرام السرعه لاننا كده مش هتفرق نصف ساعةمن ساعة من ساعتين
فى الوقت ده نشرب كوب من الشاى
وربنا يسترها على الجميع يا رب
قبل المائة كيلو فى الساعة العربية فى أيدك
بعد المائة كيلو انت فى أيد العربية تلعب بيك زى ماهى عايزة
أحذر السرعة العالية فأن لم تذى نفسك أذيت غيرك وربما وقع ما لم يحدث عقباة