مطلوب مشاركه من كل مهندس مدنى او اى عضو عنده خبره فى الكورسات

**eng/muhamad** · 19-06-2010 03:17 PM

[gdwl]

اخوكم الحمد لله خلص سنه 3 هندسه مدنى
و ان شاء الله السنه الجايه بكالوريوس
انا عاوز اشغل فراغى و اخد كورسات هندسيه
بس فى ملاحظه
انا عاوز اخد كورسات مش عاديه يعنى كله هيقولى اوتوكاد و ساب
الحاجات دى طبيعى هاخدها لكن انا عاوز كورسات مختلفه و مميزه
عاوز اخد كورسات لما اكتبها فى الcv تخطف العين تخلى اللى قاعد بيسألنى يكون متأكد ان اللى قاعد قدامه ده مهندس مختلف و مميز و دارس حاجات مش اى حد دارسها
مش عارف انتو فاهمنى و لا لأ بس ياريت تساعدونى

[/gdwl]

**eng/muhamad** · 19-06-2010 08:22 PM

ايه يا جماعه مفيش مهندس مدنى فى المنتدى يقول رايه؟؟؟!!!

**korkor** · 19-06-2010 09:15 PM

على العكس كتر الكورسات فى السى فى لواحد لسه متخرج مش حاجه كويسه انت المفروض حديث التخرج يعنى مهما كنت يعنى لسه عاوزلك على الاقل لو فرود يعنى 6 شهور تعليم وده لو شغل طحن ومعاك مهندسين فراوده ساندينك انما الطبيعى ان المهندس حديث التخرج ده بيكون عاوز على الاقل سنه على ما بيتدى ينتج ويعتمد عليه , ثم انت ماقولتش انت ايه نوع الشغل اللى انت ناوى تشتغله لما تتخرج يعنى تنفيذ , تصميم , مكتب فنى بفروعه المختلفه كل حاجه وليها كورساتها ومجال مختلف عن التانى . فى البدايه حاول تركز على الحاجات المطلوبه فى سوق العمل يعنى الانجليزى , الاكسل والوورد ,الاتوكاد اساسى , الساب مش ضرورى الا لو هتشتغل تصميم فى بريمافيرا لو هتشتغل تخطيط , الاول شوف عاوز تشتغل ايه وبعدين قرر ايه الكورسات المتخصصه اللى هتاخدها لكن كورسات كده على الفاضى والمليان مش كويسه فى الاول ولا فى الاترفيوهات

**MoOoD** · 19-06-2010 09:36 PM

انا مع أخى ان بلاش كورسات على الفاضى والمليان
ياعنى خليك فى الأساسى
زى الأوفيس و الأوتوكاد و اللغه
وبعد كده لما تقرر هتشتغل فى التنفيذ او التصميم يبقى تاخد باقى الكورسات
انا متخرج من حوالى 5 سنين ولسه لحد دلوقتى مخدش كورسات بس انا شغال فى التنفيذ والحمد لله
بس انا ندمان انى مخدش ...وحالياً مش لاقى وقت اخد كورسات ولا اى شئ
لما تبتدى عرفنى قبليها يمكن أخد معاك
انا أخوك محمود
خريج مدنى

**eng/muhamad** · 19-06-2010 09:52 PM

اولا شكرا لكل الردود

بس انا ندمان انى مخدش ...وحالياً مش لاقى وقت اخد كورسات ولا اى شئ

هى النقطه دى اللى انا خايف منها الواحد لما بيبدأ شغل بيبقى خلاااااص مفيش اى وقت كله شغل شغل
و معلش اسمحولى اعترض على وجهه نظركم انا شايف ان الكورسات فى بدايه الشغل حاجه مهمه
نفرض مثلا ان انا مقدم فى مكتب تصميم و معايا اتوكاد و ساب و برنامج كمان مثلا و واحد تانى مقدم و مش معاه الكورسات دى هياخد اللى معاه كورسات ولا هياخد واحد مش معاه كورسات و يبدا يعلمه من الاول
ثانيا بالنسبه لطبيعه الشغل انا نفسى اشتغل اى شغل يكون فى مكتب مش موقع يعنى تصميم او تخطيط او اى تكون فى مكتب مش عاوز اشتغل تنفيذ فى مواقع و كده و بالتحديد نفسى اشتغل فى الخليج فياريت بجد اللى يقدر يساعدنى و يحدد ليا كورسات مفيده

**Ahmed Eraqy** · 19-06-2010 10:04 PM

نصيحة من مهندس ميكانيكا

اللغة مهمة جدا لازم تبقى لغتك قوية جدا جدا علشان هى المفتاح انك تتعلم حاجة كتيير بعد كده فى شغلك و فى مجالك

على فكرة الشركات المحترمة و الملتى بتعمل انترفيوهات بالانجليزى

**م.محمد علاء** · 20-06-2010 12:08 AM

إنت عايز تاخد كورسات ليه؟؟؟
عشان تتبقى ديزاينر مثلا ولا إيه؟
الكورسات التقليديه هي اللي حتفيدك كمهندس مدني.....
مش أي حاجه تانيه..
و خلي فى دماغك إنك مهندس مدني..مش مهندس معماري..
المطلوب منك كمهندس مدني...رسوماتك التقليديه على الكاد..
مش الإبتكار..لأن ده دور خريج العماره..
وسواء إشتغلت تنفيذي (مقاولات)..
أو إستشاري..
مش حتفيدك الكورسات السوبر اللي إنت بتسعى ليها...

**eng/muhamad** · 20-06-2010 12:57 AM

انا عاوز اشتغل شغل مكاتب مش مواقع
سواء ديزاينر او تخطيط او شغل يكون فى مكت مش فى موقع
انا عارف ان لو جالى شغل فى موقع مش هقول لا بس انا نفسى فى شغل مكتب

**engahmedsamy** · 20-06-2010 01:14 AM

autocad ,sap, primavera

SS · 20-06-2010 01:35 AM

سؤال .....ليه مش عايز شغل التنفيذ؟؟

سؤال تانى....شغل المكاتب فيه انشائى و طرق و مياه و تخطيط و ميكانيكا تربة

ولو الموضوع متقدم شوية ممكن تلاقى داخل كل تخصص تشعبات تانية

عايز ايه منهم؟؟ :b4_556:

الموضوع: مطلوب مشاركه من كل مهندس مدنى او اى عضو عنده خبره فى الكورسات

LinkBack

أدوات الموضوع

عرض

مطلوب مشاركه من كل مهندس مدنى او اى عضو عنده خبره فى الكورسات - انشر الموضوع فى :

-

-

-

-

-

-

المواضيع المتشابهه

مطلوب مهندس مدنى مكتب فنى

مهندس مدنى يجيد بريمافيرا

مهندس مدنى يبحث عن عمل او تدريب

مهندس كهرباء (خبره أو بدون)

مطلوب مهندس مدنى للسعودية

الكلمات الدلالية لهذا الموضوع

المفضلات

المفضلات

ضوابط المشاركة