اللة يفتح عليك .... متشكر لزروقك
عرض للطباعة
اللة يفتح عليك .... متشكر لزروقك
متشكر جدا لمساعدتك و عاوز رايك في ان اجيب تكيف للعربية بتاعتي مع العلم ان العربية ٩٨ و ١٠٠٠ cc ومش متركب فيها تكيف اساسا وبصراحة استقريت علي ان اجيب استيراد من عند واحد كويس اسمة محمود في وكالة البلح بس خايف اركبة يتعب المتور ويققل سحب العربية فتنصحني اركب ولا استحمل الولعة ال في شهور الصيف ،،، ارجوا النصيحة لوجة اللة ،،، مع جزيل الشكر
شوف يا استاذ طارق انا في نفس حيرتك دي وبصراحة شايف ان تركيب تكييف هيقارب في التكلفة من تسقيط موتور استيراد بمشتملاته واقوي من اللي عندك يعني رأيي تستني لما اللي عندك يتعب وتسقط كامل احسن و لأن كمان اكيد التكييف هيتعب الموتور اللي راكب عندك لأنه في الأساس بقاله كتيييييييير شغال يعني عندي مثلا عربيتي عاملة 270 الف كيلو حتي الأن هركب عليه تكييف لسه ؟؟؟؟؟ ده رغم انه وبفضل الله مازال بحالته لكن ما ينفعش احمل عليه زيادة دلوقتي .
وبعدين خلي بالك ان تركيب تكييف عندك هيحتاج حاجات كتيير مثلا انك تفك التابلوه عشان السربنتينه وهيحتاج تعديلات كتير ووجع دماغ وللأسف مش هتلاقي في مصر اللي يعملك الشغل ده علي نظافة زي الفبريكة وهتلاقي عك ولخبطة لذلك أنصحك بحاجتين ودول هما اصح شيء في القصة دي :-
1- تشوف نصف كامل بمشتملاته كلها بكل صغيرة وكبيرة وتنقله في عربيتك او تنقل كل اللي تحتاجه (الموتور كاملا بالتكييف والباور وعلبة الدركسيون الباور بالكنترول ب ...... ) كده يبقي انت بتشتغل صح واللي يتبقي تخليه عندك او تبيعه
2- تبيع العربية دي وتدور علي موديل أعلي منها كامل بكل شيء وحالة كويسة وفرق السعر بينهم هتاخد بيه كماليات وموديل اعلي وأنضف
دي وجهة نظري الشخصية وربنا يوفقك وقلي ايه رأيك يمكن يكون عندك وجهة نظر أفضل... في انتظارك
الله ينور يا بشمهندس ايهاب متفق معاك 100 ال100 وفعلا الأفضل تجيب موتور 1400 بالتكييف افضل او 1600 لأنو هيستحمل التكييف وش هيهلك الموتور ومحمود اللي في الوكالة متهيألي قاللك هيفكلك الكومبريسور من موتور 1000 استيراد ودي ميزة ان الكومبريسور مش بلدي(البلدي بيدمر الموتور عن تجربة لو هتاخد روح معاه وهو بيفكه من مكنة 1000 عشان تطمن) بس لو هتيجي عالكمبريسور بس من غير تغيير حاجة يعني لو انت عندك راكب بالفعل سربنتينه وكويل وخراطيم تكييف وكلو ناقص عالكومبريسور بس ده في حالة انك هتغير الموتور بعد كده بحاجة اعلي او زي مقال ايهاب لو حبيت تبيع العربية خالص لأن مع ان الكومبريسور اصلي بس هيهلك الموتور لأنو مصمم يديك اقصي استفادة مالبنزين ومش هيستحمل حمل الكومبريسور عليه بالتوفيق ياباشا
صحيح بالنسبة لتظبيط العداد عندك في الحرفيين رشاد وتامر محل اسمه الكربه انت بس اسأل عن رشاد الكهربائي عنده الجهاز والوصلة بتاعت تظبيط الكنترول واحب اقول ان قريت قبل كده ان تنظيف البوابة والعربية باردة مش سخنة بالإسبراي الخاص ورشاد لو رايق بيشتغل من بعد 12 بالليل وتامر الصبح بس خللي باللك من الصنايعيه وراقبهم لأن ممكن يبوظو حاجة خليك مع الأسطوات رشاد وتامر
يا جماعة انا شاكر جدا للمساعدة وبرحب بالصديق الجديد ال اتعرفت علية windsofchange بس اسمحوا لية اقول حاجة ان موضوع تسقيط المواتير دة ... موضوع فاشل
دة بسبب ان العربية مش مجرد متور وبس العربية عبارة عن هندسة كاملة متوافقة مع بعضها البعض ودة غير انك بتحط نفسك في مشاكل وتجارب الميكانيكية وبصراحة بحس ان الميكانيكي بعامل الانسان ال بيسقط متور علي انة شاب مش حاسس بالدنيا عشان كدة بيستغلة ومهما عمل لو كان عندة ذمة وضمير الامن رحم ربي مش حيطلعلك شغل نظيف لانة في الاخر ورشة لاهو توكيل او مصنع اما بالنسبة للتكيف فشاكر لتوجهكم في اني مش حركب وبردة لنفس السبب ال قلتة قبل كدة
اما بالنسبة للار بي ام لو ممكن تعرفوا واحد في شبرا او الجيزة يكون احس
ممكن حد يقولي عربيتي تتباع بكاك دلوقت
اللون اسود ، موديل ٩٨، فاضية ، ١٠٠٠ cc ، ١٥٠ الف كيلو
مع جزيل الشكر وربنا يجازيكم خير
يا جماعة حد يعرف يسعر العربية الابيزا
اللون اسود ، موديل ٩٨، فاضية ، ١٠٠٠ cc ، ١٥٠ الف كيلو
مع الشكر
ممكن حضرتك تشوف الموضوع دا
http://www.nilemotors.net/Nile/99835-a.html
كل الهتعملو هتغير العداد لان اكيد الملف بتاعه فية حاجة