الموضوع: يا خبراء الدايو محتاج مساعدة ضرورية

عيب فى دايرة البنزين

وأبدأ بالكشف على فلتر البنزين بتنظيفه أو غيره

ودايما حافظ على تنك البنزين يكون مليان

لأن من الوارد يكون التنك فيه رواسب كتير

و الله يا مهندس سمير حضرتك الللى فيهم بس الفلتر عندى جديد مش عامل كتير و اصلى هل ممكن يكون الطربمة فيها حاجة و مع الحمل بيبان العيب

طيب حقولك على حاجه ومفيش منها أى ضرر نهائيا

وأنت بتظبط الكاوتش

خللى الواد بتاع الكاوتش ينفخ هواء فى الفلتر كزيادة أمان فى التنظيف للفلتر

وفى نفس الوقت فول التنك بنزين

وحط أزازة منظف رشاشات ( ابرو الأمريكانى )

أزازه سوداء ومكتوب عليها injectors fuel cleaner

على تفويلة البنزين بالتنك

وحنشوف الوضع حيبقى عامل أيه بعد ماتحرق تفويلة البنزين دى

جايز يكون فيه بعض الورنيشات والأوساخ عامله شوية سدد خفيف فى الرشاشات مثلا

ومع أضافة المنظف حيحدث تنظيف للورنيشات والأوساخ مع الحريق

وياريت تعملك مشوار حلو ( على السريع )

فى التجربه دى

على أساس نخللى موضوع الطلمبه على جنب شويه

أما نشوف التجربه دى حتقول أيه

_________________________

وطبعا مش حفكرك

دايما خللى مكان تموينك للبنزين من مكان سمعته كويسه

وأحتمالات غش البنزين تكون تكاد تكون منعدمه فيه

بارك الله فيك يا ابو احمد

الله يكرمك

ياحج :خالد

والله يا ابو احمد مش عارفين من غير المنتدى ده كنا عملنا ايه
وبرضه خلى اخونا صاحب السؤال يجرب قوة ضغط الطلمبه
انه يفك الخرطوم اللى جاى من الطلمبه وداخل على الفلتر ويكون طبعا حد ماسكه بعيد ويفتح الكونتاكت ويشوف ضخ البنزين كويس ولا ضعيف بالمرة برضه

السحب بدون تكيف يكاد يكون رائع لدرجة انى طلعت من لانسر بومة

يبقى الطلمبه زى الفل

وبالذات لو كنت بتسمع صوتها طبيعى ومش محسوس بعد الدواره

والعيب حاليا فى الحمل اللى بيحطه التكييف على المكنه

وزى ما قولنا

ده قادم من دورة البنزين وهما شوية نظافه لتسليك ورفع كفاءة الدوره

_____________________________

طيب فيه سؤال

عيب التنتيش ده بيبان معاك برضه وأنت مدور وواقف فى مكانك بالعربيه

لو آه

نظف بلف الأيدل والبوابه برضه وأعمل أيدل ليرن

جايز تكون الوحده مش فاهمه أن التكييف داخل فى الحمل أوى على المكنه

ومحتاجه أننا نفهمها أن المكنه عليها تكييف وأعملى حسابه معاكى بصفه دوريه

أهى فكره

ومش حتكلفك حاجه جنب موضوع نظافة دورة البنزين

أنا بأقولك ليه كده عن موضوع الأيدل

لأن من المنطق أن وحدة التحكم تعرف من أول السلانسيه أن المكنه قد تتعرض لأحمال فجائيه زى حمل التكييف

فأعملى حسابه معكى دايما فى ضخ البنزين لما حساس ضغط الفريون يوديلك أشاره

______________________

وجايز برضه والله أعلم

يكون حساس ضغط الفريون مش شغال صح برضه وبالكفاءه المطلوبه

على أساس أنه بيبين لوحدة التحكم حمل التكييف على المكنه من خلال قياسه لضغط الفريون

بس خللى قصة الحساس دى على جنب شويه على مانشوف

التجارب اللى فاتت حتعمل أيه معانا