YouTube - Suzuki GSX-R Clutch Plate Replacement
عرض للطباعة
الله ينور عليك يا بوب
وعليك دياب باشا
لا بجد حاجة جمدة جدا بس هل عندك الجرائة انك تعملها بنفسك
أنا ماعملتهاش قبل كدة لأني ما أحتجتهاش بس عملت الأصعب منها في العربيات زي تغير السيستم الهايدروليك بأكمله وتظبيط سينسوراته باللابتوب لألفاروميو الفتيس f1 الي متاخد من الفيراري الي هو نازل شبيهه dsg في الفولكيس
على فكرة اغلب الماكن مبيبقاش على صامولة فى السنتر كدة ..اغلب الماكن بيبقى على مسامير فى الداير وكل مسمار علية سوستة صغيرة ..وانا معاك ان الموضوع سهل عمليا او لم تشوفة تلقية مفهوش حاجة بس برضوا منصحش حد من المبدأين فى المكانيكا يعملو بنفسوا لان فى فنيات محدش هيخد باله منها الا مكانيكى ...وعلى فكرة القصة مش قصة انك بتفهم فى مكانيكا لالالالالا القصة قصة انك تفهم فى مكانيكا وتكون متعود تحل وتربط فى موديل معين كتير والدليل على كدة ان فى مكانيكية يعرفوا يشتغلوا فى هوندا وميعرفوش يشتغلوا فى يامها ..التعود والخبرة اهم من انك تفهم فى المكانيكا وهديلك مثال ممكن تحل تغير اسطونات دبرياج زى الفل وتحط طقم جديد بس متخدتش بالك مثلا ان الاسطونات الصلب الا بين اسطونات الدبرياج مثلا فيها خطوط او خربانة وهو دا السبب الاساسى ان القديم خرب واول ما تركب الجديد هيشتغل معاك شهر وبعد كدة يفوت زى القديم ...اهم حاجة الخبرةةةةة
أنا معاك طبعا في الكلام ده........بس أنا عن نفسي لما بأنوي علي حاجة معنديش خلفية عنه باخد أحتياطاتي قبلها بيوم ولا أكتر سيرش كويس في كذا منتدي أجنبي مختص بالموضوع وتجربة ناس عملت الموضوع وأركز كويس في الملاحظات والتركات الجامدة في الموضوع وأفهم القصة100 % وأجهز المعدات اللازمة من مفاتيح وبوكسات وبعدين أتوكل علي الله وأبدأ
حكاية خبرة الميكانيكية مش دايما بتفيد وخصوصا مع تطور الألكترونيات بالدراجات والسيارات الموضوع بأه علم أكتر منه فتي........ومش غرور والله الفنيين المشرفين علي الميكانيكية في توكيل الألفا روميو حلتلهم مشكلتين كانت مدواخاهم لأني الحمد لله ببقي فاهم مش حافظ فبعرف أرتب المشكلة وحلولها بالتسلسل حتي لو ظهرت بأكتر من صورة(مش حافظ)
أنت قصدك علي مايسمي بترس الفلاي ويل في العربيات وأكتر حاجة قريبة ليه تشبيها ديسك وتيل الفرامل.
انا معاك ان سواء عربيات او موتوسيكلات دلوقتى بقت تعتمد على الاكترونيات بس الالكترونيات هى الا مجرد ادا لتفعيل اوامر لحركة مكانيكية يعنى الموتوسيكل 90% منه حركة مكانيكية مش الكترونية الا اذا كان بقى موتوسيكل كهربا او بالطاقة الشمسية ..فافى فرق كبير بين شغل الالكترونيات وشغل المكانيكا ومش شرط الا يفهم فى الالكترونيات يفهم فى المكانيكا او العكس ..ممكن فعلا الكترونيات فعلا علم وتحتاج دراسة ..اما المكانيكا فهم + خبرة ..يعنى لزم الا يفك حاجة مكانيكية يكون فكها قبل كدة مليون مرة علشان ميبقاش فى خساير وزى ما قولت قبل كدة ان لو كل واحد فهم فى المكانيكا بشكل عام مكنش هيبقى فى تخصص يعنى مكانيكى الالمانى فى العربيات غير ميكانيكى اليابانى وفى دلوقتى ناس بتتخصص فى نوع واحد من الماركات زى مثلا واحد مش بيشتغل الا فى مرسيدس او بى ام بس او جولف واعتقد ان دا بينجح اكتر من الا شغال فى كذا ماركة
ملخص الكلام ياباشا وعن خبرة وتجربة............أديني سيرفيس مانيوال هاشتغلك في أي ماركة تخطر علي بالك وأحسن من 90% من الميكانيكية............مش معاك خالص في التقليل من شأن الألكترونيات وخصوصا في الدراجات النارية من 2000 وأنت طالع لعب الباور كله والأداء العالي بيطلع بالأ لكتلرونيات للأستفادة القصوي من الحرق الكامل عن طريق عدة طرق (ادفانسد تايمينج-التحكم في دخل الهواء وتوقيته-العادم وتوقيته بصمامات مختلفة علي مداخل الهواء ومخارج العادم) وألا ماتفسيرك لخروج باور وعزم أكتر من ماكينتين 1000 سي سي واحدة بطلع 150 حصان والتانية بطلع 160حصان بدون لعب في الأجزاء الميكانيكية الأساسية!!
وحده التحكم ف الانجن ف اللينك داللى اتغيرت Yamaha VMAX Accessories, Yamaha VMAX Competition Engine Control Unit
انا مجبتش سيرة تقليل من دور الالكترونيات فى البايك او العربية ..انا قولت ان الالكترونيات حاجة وشغل الميكانيكل حاجة تانية ..بس
وبنسبه لسيرفيس مانيوال كل التوكيلات بتشتغل علية خصوصا لم يكون موديل جديد لسه نازل وبرغم من كدة بيقعوا فى اخطاء كتيررر ..وبعد كدة من كتر التكرار والحل والرباط فى البايك او العربية بيبقى الموضوع سهل بنسبلهم وبيستفيدوا من الاخظاء الا وقعوا فيها قبل كدة ..والدليل على كلامى ان كتيرمن التوكيلات مبتعرفش تكتشف بعض العيوب الا بعد سنه او اكتر من نزول الموديل ... مع انهم عندهم سيرفيس ماانيول
المقصود أن شغل الميكانيكة مافيهوش فن زيادة وطبعا عايز خبرة معقولة في الفك والتركيب ......................بس الأغلبية العظمي من المشاكل الحديثة في السينسورز والالكتلرونيات وخصوصا الحاجات الجديدة نسبيا