انا عايز الشداد الامامى لو قررت انك تبيعه والثمن ال هتقول عليه
وربنا يعملك ال فيه الخير وتوصل للقرار ال يريح قلبك ان شاء الله
عرض للطباعة
انا عايز الشداد الامامى لو قررت انك تبيعه والثمن ال هتقول عليه
وربنا يعملك ال فيه الخير وتوصل للقرار ال يريح قلبك ان شاء الله
ربنا يباركله ويباركلك ولو تعرف اجيبه منين بس حاجه نظيفه اوى واركبه عند مين والتكلفه كلها بكام اكون شاكر
ثانيا :- بالنسبه لموضوع العربيه انت الوحيد ال عارف ظروفك ايه بس احب افكرك ان البى ام غير الدايو خالص فى كل حاجه كفايه انك راكب بى ام بس الفيصل فى الموضوع المصاريف
تقريبا انت عندك ولد ( ربنا يخلهولك يا رب ) وابسط حاجه العربيه عايزاها هو البنزين وانت بتمون اسبوعيا بس 50 جنيه مثلا لو هتركب البى ام يبق انت عايز 100 جنيه اسبوعيا مثلا يعنى فرق البنزين بس 200 جنيه شهريا
ادرس الموضوع كويس واهم شى المصاريف وخاصه ان البنزين هيغلى على شهر 7 ومش هنلاقى فلوس علشان نمون العربيه 90 اساسا
حصل خير :d
مخضرة ايه. .. يا عمنا/سمير متنعنعة ولا متخسسخة ولا متشتلة ......؟؟؟؟؟؟اقتباس:
أنا وراه على طول ياعمنا
وحقلب برضه من نوبيرا
لبى أم دبليو
وحنسيبهالكو مخضره
ممدوح باشا هو انت مش بتشوف كلامى خالص ؟؟؟ انا ياباش على استعداد انى اشترى سلوك البوجيهات والجنوط والكاوتش لو يركبو على النوبيرا ودة رقمى ساعة لما تنوى رنلى وانا اجيللك ياكبير وادينى اهة اول واحد يكلمك عليهم 0105307895 هانى سعيد
الفكرة ان الناس مش عايزاك تسيب المنتدى يا محمد لانك فعلا انتا واحد من الناس الى حببتهم فيها ومنهم انا ومن الناس الى بيتاخد برائيك من غير تفكير.....فدة الى مصعب الموضوع علينا ..
غير كدة بصراحة البى ام ركوبة يختلف تماما عن غيرة حتى عن الاوبل الامانى زية وعن تجربة ....وربنا يوفقك ان شاء الله فى اختيارك .....
ولو نويت تبيع العربية استوك انا محتاج الجنوط والكاوتش لو محدش خدهم ....ولو عندك المساعدين المنرو كمان :]:]
بالتوفيق في التبديل ان شاء الله يا محمد
البي ام ركوبه تانية خالص حتى لة موديل اقدم وانت اكترنا فهما و
الناس دي سابقة عصرها بكتير
وطبعا مش هاوصيك انك تكون عارف تاريخ العربية لانها من العربيات اللي بتتفحت تحت رجلين الشباب بسهولة زيها زي الجولف
اختيار موفق
وبالتوفيق ان شاء الله لو فيه الخير ليك ولاهلك
انتم السابقون ونحن اللاحقون ان شاء الله بس بعد شوية
هو ليه الكل متخيل ان لما ربنا يوفق محمد وينقل النقله دى انه هيسيب المنتدى او حتى قسم الدايو ؟
محمد معانا بعربيه او بغير
بدايو او حتى ببوجاتى
والحب والعشره هى اللى بتجمع اعضاء القسم مش العربيه اللى راكبينها
ولا انتوا ايه رأيكم ؟
اختيار موفق ونقلة كويسة بين العربيتين بالرغم من الموديل كرقم فى صالح الدايو بس فرق كبير بينها وبين البى ام
ربنا يكرمك ويهديك الى الصواب والخير وان شاء الله تبيع الدايو بالسعر اللى عايزة وتشترى البى ام
معلش انا هخرج عن الموضوع شوية بس بصراحة انا عارف الموضوع هيبقى مكرر ومش مستاهل موضوع جديد
عندى اللانوس 2001 هاف زى عندك , العربية دى وش موتورها نفس اللانوس 1
سؤالى بقى عن مكان فيشة الاوكتان علشان قلبت عليها الدنيا مش لاقيها
تحت الكرسى الشمال زى باقى اللانوس 2 مفيش غير سلك حزام الامان ومش لاقى اى حاجة تانية
وتحت الكرسى اليمين زى اللانوس 1 فى مكان الكمبيوتر فى الموكيت ( مكان بارز لفوق) وفاضى مفهوش حاجة وبرضة مش لاقى الفيشة
شوفت يا بشمهندس الموضوع في فترة قصيرة اثار ضجة قد اية لمجرد انك قولت بفكر اشتري BMW وابيع الدايو
انا معاك ان الbm حاجة تانية خالص بس شكللك هتعمل زي لما اشتريت زمان 128 وكانت حالتها وحشة وفضلت معاها ايام وليالي و هديتها وبنيتها من اول وجديد وغيرت فيها كل حاجة وعملت كل حاجة فيها علي مزاجي و بدماغي وبراحتي ... لغاية لما خليتها عروسة :S_thum1[1]:
وفي الاخر بيعتها بعد سنتين ولغاية دلوقتي مش عارف اعمل ولا عربية زيها وكأن احلي حاجة مش هتتعوض تاني
بقي بعد لما عملت اللانوس علي مزاجك ووضبت فيها براحتك وبنيتها زي ما انت عايز ... تقوم تبيعها
الBM دي مشكلتها انها قليل لما تلاقيها وعشان كدة سعرها مش متوازن في السوق
انا لما غيرت من فيات الي بيجو حسيت اني ركبت طيارة ... لكن امام الاحساس الجميل دة لقيت اني بدفع ضعف استهلاك البنزين ولقيت قطع الغيار غالية ونادرة وكفاية اني مكنتش عارف اعمل العربية علي مزاجى
ولغاية دلوقتي مش عاوز اغير صورة ال128 مع اني اشتريت عليها عربيتين لاني مش عارف اعمل زيها تاني
في النهاية عاوز اقوللك احسبها كويس لانك كل لما هتعلي بالعربية هتعلي معاك حاجات تانية
ربنا يوفقك الي مافية الخير
اللي بيشتري مش بئدر التعديلات لكن لو حد من المنتدي هياخودها باي سعر عشان محمد ممدوح
طب ما تبدل مع والدك وبيع عربيته وهات البي ام علشان تفضل محتفظ بعربينك المعدلة.
ربنا يحسن بيعها
بس عاوزين نعرف حضرتك بتبيع بكام بعد تقييم السوق
في حل تاني..حضرتك ممكن تعرض الحجات كلها اللي عايز تشيلها للبيع.. حد ياخدها يحطها في عربيته..و تدور علي بيعه للعربيه لوحدها لأن اعتقد صعب تلاقي تمن عادل لتمن العربيه بالتعديلات كلها لأن الناس مش بتقدر فعلا و اللي حيشتريها حيقارنها بلانوس موديلها و خلاص..و ربنا يوفق حضرتك
و يا ريت تقولنا الحجات ديه ينفع تتفك و تركب عند حد تاني بنفس الكفأه ولا في اجزاء مش حتنفع..ولو كده حضرتك تقيم التعديلات ديه بكام لو حتبيعها.......
حاجه تانيه انا شايف اقتراح التبديل مع والدك ده جامد جدا عشان متحسش انك تعبت في العربيه وبعدين سبتها..بس اظن كده فرق الفلوس مش حيبقي متوفر بسهوله,,
الفيشة موجودة تحت الكرسى اللى جنب السواق بس مش جوة العلبة البلاستيك اللى تحت الكرسى... هى برة العلبة... الافضل تفك فبرة العتب و ترفع الموكيت و تمد ايدك تلقطها من تحت الموكيت
http://i83.photobucket.com/albums/j3...g/DSCF1681.jpg
MMamdouh
ما انا عامل الموضوع دة عشان اعرف سعر تقريبى للعربية بالتعديلات و بدون... بس الناس مركزة فى انى مشيش من المنتدى (مع ان دة مش حيصل) و مين حياخد ايه لو بعت قطع التعديل لوحدها
يا رجالة ساعدونى عشان اوصل الى قرار صح... عربيتى تعمل كام بالتعديلات و بدون التعديلات؟
MMamdouh
محمد انت عايز كام فى عربيتك بالتعديلات و من غير عشان فى واحد صحبى جاهز يخدها معاه 45 الف و انا ممكن اكمل و اخد التعديلات فى عربيتى بالفروق فشوف و رد عليا
عاوز رأيي بصراحة .. متغيرش العربية بغض النظر أن البي أم أحسن ككفاءة لعدة أسباب :
1) العربية مش عائلية (وجهة نظري الشخصية مبحبش الهاتش باك ولا الاتنين باب) .
2) أنت بتقول أنك عارف العربية .. بس أكيد مش أكتر من صاحبها اللي هو صاحبك .. ممكن يكون فيها عيب هو مش معتبره عيب
3) على المدى البعيد مصاريف تشغيلها حتكون أكتر
4) اللي تعرفه أحسن من اللي متعرفوش
5) أتمنالك من كل قلبي لو غيرت العربية تكون بواحدة زيرو
وغالباً الخوف والتردد من حاجة .. بيكون التصرف معاها
يبقى الوضع كما هو عليه
يا باشا ما قولنا بلاش الكومباكت هاتها سيدان أفضل
قلبي كان حاسس :120146b
إنتا كنت بتلمح للموضوع بتاع الـBMW ده في مواضيع في المنتدى قبل كده
بصراحة متنفعش دماغك تركب على كوري أبداً
ما شاء الله ربنا يكرمك ويوفقك ويحميك ويحفظك
بصراحة مش إنتا إلي هتخسر الدايو
الدايو هي إلي هتخسرك يا حج
ربنا يكرمك في بيعها
العربية تعمل 40 من غير و 45 بالتعديلات ده سعر واحد بيشتري عربية بس مش من واحد بيحبه وبيحترمه ويهمه إنه يرضيه زي حضرتك كده
تمام كدة
انا كنت فاكرها عند القايم اللى تحت الكرسى اللى راكب علية المسامير الامامية بتاعت الكرسى فا كنت بمد ايدة من فتحة صغيرة فى الموكيت بس مش لاقى حاجة
بس كدة تمام اوى هشوفها وربنا يسهل .. انا استغربت قلت يعنى كل اللانوس فيها ودى لأ يمكن نسيوها ولا حاجة :ma:
شكرا ياباشا وبالتوفيق فى التبديل ان شاء الله
بالمناسبة انا كنت هقلك على موضوع انها كوبية والعيلة وكدة بس قلت بلاش اكيد انت عارف ومرتب امورك
بصراحة يا استاذ محمد
الى بيبيع الدايو خسران
وحضرتك بالتعديلات دى لو بعت تبقى خسران خسرتين
من الاخر الدايو دى 100% متعوضهاش تانى
لو عايز تغير أصبر شوية لما ربنا يكرمك وهات جمبها حاجة زى مانتا عايز
وبرضة دى متفرطش فيها
بالنسبة لقييم سعر العربية انا اعتقد انها :
من غير التعديلات في حدود 43 الف و بالتعديلات في حدود 47 الف ,
و الارقام دي ممكن تقل الف أو تزيد الف ,
ربنا يوفقك للخير ,
بس انا لو مكانك هفكر كتير علشان مصاريف الـ bmw سواء مصاريف التشغيل أو الصيانة و كمان لو فكرت تبيعها مش هتتباع بسهولة (سعر اعادة البيع و سرعة البيع),
.... ممكن تستنى لغاية شهر 7 و نشوف موضوع غلاء البنزين و بالتالي التأثير على اسعار العربيات المستعملة سواء بالصعود أو بالهبوط .....
ايه الاخبار يا محمد
انا قررات اتراجع عن الموضوع
انا محتاج عربية عائلية و بالتالى الاستغناء عن اللانوس (او اى عربية سيدان باربع ابواب) فى مقابل عربية هاتش باك و باب واحد قرار مش فى محلة
يضاف على كدة مشكلة اعادة البيع... و اللى وضحلى المشكلة دى هى عربية E36 كوبية فى شارع لبنان جنب الشغل عندنا معروضة للبيع من حوالى سنة و لحد دلوقتى متباعتش.... العربية فيها جنط 18 و عفشة سبور و اعتقد مكنة 2500 و باب واحد... عربية هايلة بس مش مطلوبة فى السوق و لذلك معروضة للبيع من سنة و حدش اشتراها
الBMW دى بالنسبة ليا هى عربية للتسلية و الاستمتاع بالتلاى مينفعش اضحى بالعربية العائلية اللى بتخدمنى انا و مراتى و ابنى عشان انا اروح اتسلى بيها على حساب عائلتى
حتى لو فلوس العربيتين قريبة و التغيير مش حيكلفنى حاجة... الفراغ اللى حتسيبة عربية العائلة مش حتسدة الBMW خالص و حندم على القرار دة مستقبلا... الBMW مش وقتها دلوقتى... و يوم ما تيجى لازم تبقى جنب عربية العيلة مش بديل ليها
اعتقد انى كدة وصلت للقرار الصح
MMamdouh