انا حبيع عربيتى... حد يشترى؟؟

**MMamdouh** · 19-06-2010 11:18 PM

المشاركة الأصلية كتبت بواسطة hon

السلام عليكم ورحمه الله وبركاته
خلاص نويت تسيبنا يا أستاذ محمد البلد دى احسن من غيرها

انا من الناس الى بتحترمك وبتحترم أرائك جدا وفعلا قسم الدايو حيخسر كتير لو بعت
وبعدين منتا ماشاء الله عامل عربيتك bmw مش فارقه اوى يعنى
عموما ربنا يوفقك وتقبل تحياتى

لما تجرب الBMW حتعرف ان الفرق كبيييييييييييير

MMamdouh

**samirayad** · 19-06-2010 11:19 PM

و على فكرة حتى لو بعت عربيتى و عربية الوالد كمان مقدرش اقول على اللانوس وحشة... دى عشرة عمر... و العشرة متهونش الا على اولاد الحرام

و دى مش عشرة عربية و بس... دى عشرة زملاء فى القسم و صنايعية و محلات و خلافة... مينفعش اشد السكينة على كل الناس الحلوة دى و اعتبرهم ماضى لمجرد انى بعت العربية

أنت طيب ومحترم يامحمد

وربنا حيكرمك إن شاء الله

لما فيه الصالح ليك

وطالما النيه خير

فثق تماما أنك لن تجد إلا كل الخير

إن عاجلا ....أو آجلا

________________________

ومتشغلش بالك أوى بال bmw وغيره

وحتى لو مكنش فيه نصيب وبيعت الانوس

فمفيش مشكله

والخيره فيما أختاره الله

حد عارف

يمكن تكون الانوس أحسن لك على المدى البعيد

ومتبصش أبدأ لطراز ألمانى وغيره

وصدقنى أنا بعد ماكان معايا الأوبل

وجربت النوبيرا

مقتنع جدا بأن النوبيرا

أفضل من الأوبل بمراحل

ودى وجهة نظرى الشخصيه فى التعامل مع الحالتين

ودايما خدها نصيحه من أخوك الأكبر

فى الألمانى أو اليابانى

تروى كثيرا قبل الشراء

لأن وقعاتهم جامده أوى ومكلفه

وفى الغالب لما بتتباع ....بتتباع لهدف وعيب فنى معين ومكلف

أما الدايو زى ما أنت عارف

حتى لو فيها البدع

حتبقى عروسه بأقل التكاليف

**MMamdouh** · 19-06-2010 11:20 PM

ربنا يخلليك يا هندسة

MMamdouh

**samirayad** · 19-06-2010 11:49 PM

( ألا اللانوس طبعا هههههههههه)

والله ياهندسه

أنا شايف
سواء الانوس أو النوبيرا

أفضل كتير لأى مالك سياره

موظف زى حالاتنا

عاوز يعيش صح ويستمتع بسياره صح وبتكاليف صيانه معقوله

الدايو عربيات محترمه ومعمره ولا تقل فى الرفاهيه لحد كبير عن الأنواع الأخرى

بالعكس فهى تمتاز بالبساطه فى الصيانه والتكاليف عن الأ لمانى واليابانى المستعمل

_______________________

أما لو واحد عصامى وقع فى عربيه ألمانى أو يابانى

وفتحت بقها

حيندم جدا على شرائها

لأنها بالفعل حتستنزف كل موارده

قوللى بأه

حيوكل عياله ويلبسهم ويعلمهم

ولا حيوكل حديد السياره الألمانى أو اليابانى

_______________________

على فكره أنا حكرر تانى

99 % من مالكى السيارات الألمانى أو اليابانى المستعمله بيوزعها

بعد ما يمكيجها طبعا ( لخطف الأبصار )

لهدف فى نفس يعقوب

ومش حيبان معاك

إلا مع الأيام ( وبعد شرائك لها )

____________________________

وعلى فكره فيه مثل بلدى حلو أوى

بيقول أيه

قرد موافق ...........ولا غزال شارد

دا لو أحنا بصينا للدايو على أنه القرد ................وهو مش قرد

دا غزال جميل

**samirayad** · 20-06-2010 12:56 AM

لما تجرب الbmw حتعرف ان الفرق كبيييييييييييير

وحد الله يا أبو يوسف

وأمسك عليك سيارتك

**Karim_Mohy** · 20-06-2010 01:10 AM

ربنا يوفقك يا محمد ........ويكرمك باحسن منها

**محمد فريد** · 20-06-2010 01:19 AM

لا انا كده ازعل تبيع اللانوس ازاى دانا واحد من الناس ركبت العربية دى على حسك يا محمد بيه
وخسارة عربية زى دى تتباع أصلا مربيها على ايديك بسم الله ما شاء ولا حول ولا قوة الا بالله

**alexcdx** · 20-06-2010 01:35 AM

المشاركة الأصلية كتبت بواسطة MMamdouh

مهى العربية اللى بفكر اخدها نفس نظام عربيتى كدة و على فكرة انا اشتغلت فيها بايدى كذا مرة و حافظها كويس... و موديلات الBMW القديمة شوية دى قطع غيارها رخيصة و موجودة بالعبيط فى الحرفيين

و اكيد لو عربيتى حتتباع بكل حاجة فيها حتكون من نصيب حد هنا ان شاء الله

MMamdouh

تكنلوجيا العربيات ما قبل سنه 2000 تعتبر الأن متخلفه نسبيا مهما كانت ماركيتها.
انما أن قطع غيار ال bmw رخيصه دى صعبه شويه (ده الأستعمال فيها بتمن الجديد فى الانوس)
صعبان عليا ترجع بالموديل للخلف و أحنا بنتمنى لك التقدم للأمام دائما.
و صعبان عليا تصاب بأفيونه ال bmw .
أنما عربيتك ما تتبعاش أقل من 48000 أنا شوفتها بعينى.
بالتوفيق فى بيعتها يا مستشار
حاشوف الناس الغاويه هنا فى أسكندريه و لو فى مشترى حقولك.

-

الموضوع: انا حبيع عربيتى... حد يشترى؟؟

LinkBack

أدوات الموضوع

عرض

-

-

-

-

-

المواضيع المتشابهه

حبيع الاليجانس!!!! :(

سفرى اتاجل ومش حبيع

اخوانى الهونداويه انا حبيع موتورى

باي باي inazuma حبيع البيك

الى عاوز يشترى بروتون يشترى بسرعه قبل اخر اكتوبر

الكلمات الدلالية لهذا الموضوع

المفضلات

المفضلات

ضوابط المشاركة