سخونة لأول مرة في الفيرنا بدون سبب واضح !!

**zakiali** · 19-06-2010 07:28 PM

السلام عليكم ..
كنت مسافر من كام يوم علي الصحراوي الشرقي الساعه 3 العصر كده .. انا متعود اثبت السرعة عند 160 كم / ساعة لكني في اخر مره لقيت العربية سخنت بشكل فظيع لدرجة انها قربت علي العلامه الحمرا !! طبعا اتفزعت لأني عارف ان الفيرنا عمرها ما بتسخن كده وعمرها ما عملت كده معايا طول السنتين اللي فاتو .. نزلت بصيت علي مية الرادياتير في القربة لقيتها عن العلامه full والما السرعة تنزل عند 140 المؤشر بيرجع تاني بين النقطتين !! أنا أول مره اشوف الحراراه بتزيد مع السرعة وبتقل مع البطء !!! مش عارف ايه السبب الصراحه !! مع اني دايما بعمل الصيانات الدورية في التوكيل .... حد يقدر يفيدني ؟

**loshabih** · 19-06-2010 10:10 PM

ممكن المروحه فيها حاجه ولما بتحرق قوه الهوا مبتقدرش تبرد العربيه ولما بتنزل الهوا بيبردها ممكن طلمبه الميه فيها حاجه او الردياتير مسدود اوووووو حاجات كتير

**mohamedrabia** · 19-06-2010 10:14 PM

الموضوع ده كان عند واحد صاحبي ورحنا للميكانيكي قال العربية فله امال ايه يا عم قالنا اطلعوا علي بتاع الكاربرتير المهم رحنا نظف الراجل والدورة وكلة وفعلا طلع فيه انسداد في الدورة وبعدها العربية فاقت وبقت فل بس ممكن تفرق من عربية لعربية اتاكد مش هتخسر شي

**M.Osman** · 20-06-2010 01:30 AM

حضرتك غيرت مياة الرادياتير قبل كدا...؟؟

**Piowood** · 20-06-2010 02:35 AM

شوف مروحة الردياتير ..

**Ahmed Anwer** · 20-06-2010 02:43 AM

نفس الأعراض دي بالضبط حصلت معايا

و لما سألت ورشة الصيانة اللي بتابع عندها

قالي سدد في دورة التبريد ميبانشي اثره غير علي السرعات العالية

و روحت عملت دورة تنظيف في البنزينة و غيرت مياه بالكامل

بس الصراحة من ساعتها محصلشي ظروف إني أفضل فترة ماشي علي سرعة 160 كم

علي فكرة تنظيف دورة التبريد و تغيير المياه بالكامل دي المفروض حاجة تكون بتتعمل كل 25 ألف كم في التوكيل روتيني

**hobaz** · 20-06-2010 02:45 AM

ده يا اما مشكلة في المروحة او وده الأحتمال الكبير مشكلة في دورة التبريد ويستحسن انك تروح لأي حد علشان يبصلك عليه وينضفهولك اذا كان في مشكلة....
وان شاء الله بسيطة...

**zakiali** · 21-06-2010 01:07 AM

المشاركة الأصلية كتبت بواسطة ahmed anwer

نفس الأعراض دي بالضبط حصلت معايا

و لما سألت ورشة الصيانة اللي بتابع عندها

قالي سدد في دورة التبريد ميبانشي اثره غير علي السرعات العالية

و روحت عملت دورة تنظيف في البنزينة و غيرت مياه بالكامل

بس الصراحة من ساعتها محصلشي ظروف إني أفضل فترة ماشي علي سرعة 160 كم

علي فكرة تنظيف دورة التبريد و تغيير المياه بالكامل دي المفروض حاجة تكون بتتعمل كل 25 ألف كم في التوكيل روتيني

انا بتابع في التوكيل علطول .. بس معرفش همه عملوا تنظيف دورة التبريد ولا لا .... اكيد معملوش حاجه لأن دايما مستوي الميه هو هو بالضبط بعد كل زياره عموما هروح اعمل غسيل دورة التبريد وتغيير المياة وأشوف النتيجة .. المراوح كلها شغاله زي الفل .. وربنا ييسر .. أشكركم علي الردود

**zakiali** · 21-06-2010 01:08 AM

يريت حد يدلني علي بنزينه محترمه بتعمل الكلام ده عشان انا زهقت من التوكيل الصراحة

**kamatsho** · 21-06-2010 01:29 AM

المشاركة الأصلية كتبت بواسطة zakiali

يريت حد يدلني علي بنزينه محترمه بتعمل الكلام ده عشان انا زهقت من التوكيل الصراحة

نصيحه أخويه

سيبك من التوكيل ده خالص ده والله مصاريف ع الفاضى
انتا عارف لو فعلا بيعملوا الحاجه اللى الناس عايزاها او بتيشتغلوا بضمير ويشوف ايه العربيه محتاجاه ويعملوه يبقى يستاهلوا الفلوس والمشوار لكن دول استغفر الله العظيم مش فاهمين حاجه غير الحاجات الروتين اللى متعودين عليه بس يغيروا زيت او يزودوا زيت او يغيرو فلاتر وحاجات ملهاش لازمه ده اللى شاطرين فيه

عموما فى موجود عندك ف المهندسين بنزينه شيل فيها الجهاز ده هتنضف الرادتيير وتغير الميه جيركن مياه خضراء وتظبط الدنيا ب حوالى 45 جنيه كله او 50 جنيه بالشاى بتاع الراجل اللى شغال

وان شاء الله خير
بالتوفيق يا فنان

الموضوع: سخونة لأول مرة في الفيرنا بدون سبب واضح !!

LinkBack

أدوات الموضوع

عرض

سخونة لأول مرة في الفيرنا بدون سبب واضح !! - انشر الموضوع فى :

-

-

-

-

-

-

المواضيع المتشابهه

النجدة :- عاجل جداً العربية مش راضية تدور بدون سبب واضح

سخونة بدون سبب واضح فيكترا ايه

سخونة العجل الامامي في الفيرنا

زعلان اوي اوي...واضح ان الفيرنا مش بيتعملها معالجة ضد الصدأ

لأول مرة فى مصر يوم بدون سيارات

الكلمات الدلالية لهذا الموضوع

المفضلات

المفضلات

ضوابط المشاركة