لكل من لا يرضي عن إرتفاع سعر البنزين

**shaddadfalcon1** · 20-06-2010 08:44 AM

بصراحه انا شايف ان مفيش حاجه اسمها يشيل الدعم علي اللي بيحط بنزين 95
ليه بقي ان شاء الله؟
هو ذنبه انه اشتغل وكافح لحد مابقي معاه بي ام؟

مش كفايه انه دافع اضعاف اضعاف تمنها ومن التمن ده برده عاملين حساب البنزين يبقي ادفعه تاني ليه؟؟

وبعدين مين قال ان كل البي ام ولا المرسيدس بياخدو بنزي 95؟
ال m5 اللي هيا من اعلي فئات البي ام معامل الانضغاط بتاعها 9 او 9.5 تقريبا ومفيهاش تيربو يبقي في الحاله دي بتاع البي ام يستاهل الدعم؟؟
طيب وللي معاها العربيات الفيات التيربو وبيحط 95 عشان يريح موتور عربيته ده برده ميستاهلش دعم؟؟

مش عارف اللي بيحط القوانين دي في البلد دي بيفكر بانهي جزء في جسمه

**tommys** · 20-06-2010 11:59 AM

المشاركة الأصلية كتبت بواسطة abdo_general

معلش مع احترامي لرائيك بس كلام عن بنزين 95 مش صح لان كده انت بتتكلم من منطق بيحسسني بالعنصرية زي الضرائيب العقارية علي فكرة انا ممكن تكون معاي عربية bmw واكون اكتر واحد يستحق الدعم مش لحاجتي للمال لاء بالعكس لاني اشتغلت جامد لحد ما بقي معاي bmw والشغل الي انا اشتغلته دا بيعود علي البلد ونظرا لكبر راس مالي فا انا بدفع ضرايب اكتر من اي حد وطبعا مش كل الي معاهم الفلوس حرامية * حقيقة علمية فا اكيد انا استحق اخد الدعم زي اي مواطن تاني يااما هبقي بدي البلد ومش باخد اي حاجة واعتقد دي تبقي علاقة مرفوضة مهما كان حبي للبلد ماينفعش اعاقب واحد اشتغل وبقي معاه فلوس باني افرض ضرايب علي العربيات ذات السعة اللترية الكبيرة وعلي البنزين الخاص بها زي الضرايب العقارية بيعاقبو اي حد توسول له نفسه بانه يشتري شقة كبيرة شوية او لسمح الله بيت ( فيلا صغيرة ) او حتي كبيرة بالضرايب العقارية وخد بالك ممكن يكون واحد راكب bmw بس جايبها بالعافية ومش غريبة بجد بس هو كان نفسه يركبها وليه نحرمه منها بفرض الضرايب والغاء الدعم علي الي معاهم فلوس مع ان ممكن يكون دا احق واحد بالدعم مش لحاجته ليه قد ما هو حقه نظير الي بيدفعه من فلوسه من ضرايب والخ الخ الخ

نظرية خاطئة طبعا مع أحترامي لحضرتك

**M.Mosaad** · 20-06-2010 12:10 PM

المشكله الاساسيه ان المفروض لما يرفع سعر البنزين لازم نعرف فرق الفلوس دي هيروح فين يعني لو هيروح فعلا للتعليم و الصحه و اصلاح الطرق و حاجات احس باهميتها و احس انها غيرت في حياتي يبقي ماشي لكن للاسف هيرفع السعر و الخدمات هتقل و الفرق بيروح للي ميستحقوش

يعني لو سعر ال 92 زاد ل 2.25 معناها زيادة في الليتر 40 قرش يعني مليارات ممكن يغير بيها حاجات كتير في البلد بس قبل كدة لما زاد البنزين من 100 قرش ل 170 قرش يعني 70 قرش مرة واحدة محدش حس بحاجة التعليم هوهو و الصحه هي هي مفيش اي تغيير يبقي الفلوس راحت فين

**Amrrr** · 20-06-2010 12:35 PM

المشاركة الأصلية كتبت بواسطة M.Mosaad

بس قبل كدة لما زاد البنزين من 100 قرش ل 170 قرش يعني 70 قرش مرة واحدة محدش حس بحاجة التعليم هوهو و الصحه هي هي مفيش اي تغيير يبقي الفلوس راحت فين

وكمان ظهرت بنود عجز في الموازنة العامة - في الصحة والعلاج على نفقة الدولة -

الاعتدال حلو برضوا
انا مش هتفرق معايا لو راكب مرسيدس بمليون و شويه لما ادفع 300 في التفويل ولا حاجه لاكن الي جايب عربيه 60 الف ولا 100 اكيد دخله في السنه اقل من عشر دخل الي راكب s في شهر

كلام مظبوط ومش عنصرية ولا حاجة

الفكرة ان كل واحد على أد دخله - من غير قر ولا حسد والله العظيم

**Imhotep** · 20-06-2010 12:42 PM

حتى لو لم نرضى هيحصل ايه يعنى..... و لا حاجة

**elassar2010** · 20-06-2010 01:42 PM

المشاركة الأصلية كتبت بواسطة mahora

حتى لو لم نرضى هيحصل ايه يعنى..... و لا حاجة

هى دى الخلاصة

الى عايزين يعملوة هيعملوة

**sherifahmed** · 20-06-2010 01:53 PM

معلش بالنسبة لل95
انا بحطه فى للابيزا بتاعتى عشان احافظ على موتورها و انا مواطن زى اى حد بدفع ضرايب يبقى من حقى اخد دعم
و بعدين ما اهو اللى جايب تويتا كمرى مثلا بيدفع 265% جمارك و ضرايب يعنى الدولة واخده منه مرتين و نص اكتر من يويتا نفسيها
يعنى الراجل دافع تمن بنزينه مقدما
الحل شيلو الجمارك و الدعم و تبقى بلدنا زى الدنيا كلها

**gadix** · 20-06-2010 02:01 PM

انا سمعت معلومة معرفش مدي صحتها ان مفيش دعم اصلا للبنزين و خلافه انما حكاية الدعم دي الي الحكومة بتمن بيها علينا عبارة عن تكلفة الفرصة البديلة
يعني شركات البترول الاجنبية بتستخرج بترول من مصر و بتدي مصر حصة من البترول ده
و بدل ما مصر تبيع اللتر بالسعر العالمي بتبيعه في مصر بسعر اقل
يعني مصر مش متكلفة حاجة اصلا و الفرق في السعر هو الي بيسموه دعم
و الله اعلم

**memo_p910** · 20-06-2010 02:52 PM

المشاركة الأصلية كتبت بواسطة gadix

انا سمعت معلومة معرفش مدي صحتها ان مفيش دعم اصلا للبنزين و خلافه انما حكاية الدعم دي الي الحكومة بتمن بيها علينا عبارة عن تكلفة الفرصة البديلة
يعني شركات البترول الاجنبية بتستخرج بترول من مصر و بتدي مصر حصة من البترول ده
و بدل ما مصر تبيع اللتر بالسعر العالمي بتبيعه في مصر بسعر اقل
يعني مصر مش متكلفة حاجة اصلا و الفرق في السعر هو الي بيسموه دعم
و الله اعلم

كنت لسه هاقول الكلام ده مصر مش بتستورد بنزين اساسا ومفيش حاجه اسمها دعم
الصح اننا احنا الي بندفع دعم من جمارك خياليه وضرايب وخلافه وسعر وقود عالي وفي المقابل لا يوجد اي خدمات

فعلا احنا شعب طيب اوووووي

**tamer_aj** · 20-06-2010 03:06 PM

المشاركة الأصلية كتبت بواسطة tamertamer

جماعة فى نقطة احب اوضحها الزيادة مش فى مصر بس ولاكن فى دول كتير غرنا الدعم على البنزين 18.2% من الميذانية هل تعلم ان الدعم على التعليم والصحة 16% يعنى الفجوة وطحة
اولا انا هقول على اسعار البنزينن الحقيقية
95 بنزين (3.80قرش )وثمن البيع 2.75 قرش
92 بنزين (3.25قرش)وثمن البيع 1.85
90 بنزين (2.80قرش)وثمن البيع 1.75
طيب اولا الملاحظ الاتى
بنزين 95 بيتحط فى انهى عربيات bmw ومرسيدس والعربيات الغلية جدا طيب بيدعموها لية دية ناس عيزة دعم طيب

مع كل إحترامي لكلامك, بس حضرتك فاهم غلط, الأسعار اللي حضرتك ذكرتها دي أسعار السوق العالمية, يعني أسعار التصدير......!!!!
أما البنزين اللي إحنا بنستخدمه ده من إنتاجنا إحنا,
إذن لما الحكومة بتتكلم عن دعم البنزين هو في حقيقة الأمر مش دعم مادي مدفوع , لآ دي معناه فرق السعر بين إستهلاكة محليا من تصديره, يعني بمعني أصح الحكومة عايزة تبيع لنا البنزين بنفس الثمن اللي بيتصدر بيه.....!!!!
يعني الحكومة عايزة تكسب من الشعب...!!! رغم إنه المفروض إن الإنتاج المحلي يجب أن يكون في المقام الأول للإستهلاك المحلي, ومن ثم تصدير الفائض.
طب يا ريت الحكزمة تعمل معانا كده في حاجة زي الغاز, ما هو ده كمان حاجة من الحاجات اللي بيفكروا يشيلوا عنها الدعم علي حد قولهم, علي الرغم من أن سعر تصدير الغاز لإسرائيل أرخص من سعر بيعه في مصر.....!.!!!!!!

حسبي الله و نعم الوكيل,

أرجو إن حضرتك تكون فهمت معني نغمة الدعم اللي شغالين فيها.

الموضوع: لكل من لا يرضي عن إرتفاع سعر البنزين

LinkBack

أدوات الموضوع

عرض

-

-

-

-

-

-

المواضيع المتشابهه

دا يرضي ربنا

بالذمه ده كلام يرضي مين؟

يرضي مين الحال ده؟؟؟

160 كم في الصفيحة ، دة يرضي ربنا !!!!

حل يرضي جميع الأطراف

الكلمات الدلالية لهذا الموضوع

المفضلات

المفضلات

ضوابط المشاركة