لكل من لا يرضي عن إرتفاع سعر البنزين

**ahmed31031** · 20-06-2010 03:51 PM

المشاركة الأصلية كتبت بواسطة tamer_aj

مع كل إحترامي لكلامك, بس حضرتك فاهم غلط, الأسعار اللي حضرتك ذكرتها دي أسعار السوق العالمية, يعني أسعار التصدير......!!!!
أما البنزين اللي إحنا بنستخدمه ده من إنتاجنا إحنا,
إذن لما الحكومة بتتكلم عن دعم البنزين هو في حقيقة الأمر مش دعم مادي مدفوع , لآ دي معناه فرق السعر بين إستهلاكة محليا من تصديره, يعني بمعني أصح الحكومة عايزة تبيع لنا البنزين بنفس الثمن اللي بيتصدر بيه.....!!!!
يعني الحكومة عايزة تكسب من الشعب...!!! رغم إنه المفروض إن الإنتاج المحلي يجب أن يكون في المقام الأول للإستهلاك المحلي, ومن ثم تصدير الفائض.
طب يا ريت الحكزمة تعمل معانا كده في حاجة زي الغاز, ما هو ده كمان حاجة من الحاجات اللي بيفكروا يشيلوا عنها الدعم علي حد قولهم, علي الرغم من أن سعر تصدير الغاز لإسرائيل أرخص من سعر بيعه في مصر.....!.!!!!!!

حسبي الله و نعم الوكيل,

أرجو إن حضرتك تكون فهمت معني نغمة الدعم اللي شغالين فيها.

+1111111111111
الله يفتح عليك
وعمااااااااااااار يامصر

**bmya** · 20-06-2010 03:57 PM

مش هقول غير حسبي الله ونعم الوكيل فكل حمار في الحكومه

**KHALED AYMAN** · 20-06-2010 06:43 PM

المشاركة الأصلية كتبت بواسطة largeman

انا معاك يا باشا في الرأي ان اللي معاه bmw عربيه مش اقل من 500000 جنيه دا المفروض مينطبقش عليه الدعم لأنه قادر علي دفع ثمن البنزين انما واحد معاه عربيه بـ 100000 جنيه دا يستحق الدعم و نص لأن اكيد دخله مش هيحصل اللي معاه العربية البي ام دبليو

ما فى بى ام زيرو ب 230 الف ...
كلها سنه و المستعمل بتاعها يبقى ب 150 الف ...
الى راكب عربيه ب 150 الف ...
يدفع فى التفويله 300 جنيه لييييييييييه؟؟؟؟؟؟؟؟؟؟؟؟؟ ؟؟؟؟؟؟؟
ده غير ان تطور المحركات سريع ...
قريب اوى العربيات الى ب 100 الف هتحتاج بنزين 95 ....
عشان محدش يفهمنى غلط انا مش راكب بى ام ..
انا معايا فيكترا و هبيعها و بدور على 127 توب .......
بس انا رايى ان نظريه الى معاه بى ام و مرسيدس نشيل منه الدعم ..دى حرام ...
طيب مهو بيدفع ضرايب اكتر ..
ولا احنا ناخد منه اكتر ...و نديلو اقل من الناس ...؟؟؟

**M.Zaher** · 20-06-2010 08:01 PM

المشاركة الأصلية كتبت بواسطة tamer_aj

مع كل إحترامي لكلامك, بس حضرتك فاهم غلط, الأسعار اللي حضرتك ذكرتها دي أسعار السوق العالمية, يعني أسعار التصدير......!!!!
أما البنزين اللي إحنا بنستخدمه ده من إنتاجنا إحنا,
إذن لما الحكومة بتتكلم عن دعم البنزين هو في حقيقة الأمر مش دعم مادي مدفوع , لآ دي معناه فرق السعر بين إستهلاكة محليا من تصديره, يعني بمعني أصح الحكومة عايزة تبيع لنا البنزين بنفس الثمن اللي بيتصدر بيه.....!!!!
يعني الحكومة عايزة تكسب من الشعب...!!! رغم إنه المفروض إن الإنتاج المحلي يجب أن يكون في المقام الأول للإستهلاك المحلي, ومن ثم تصدير الفائض.
طب يا ريت الحكزمة تعمل معانا كده في حاجة زي الغاز, ما هو ده كمان حاجة من الحاجات اللي بيفكروا يشيلوا عنها الدعم علي حد قولهم, علي الرغم من أن سعر تصدير الغاز لإسرائيل أرخص من سعر بيعه في مصر.....!.!!!!!!

حسبي الله و نعم الوكيل,

أرجو إن حضرتك تكون فهمت معني نغمة الدعم اللي شغالين فيها.

بجد الكلام ده

حسبي الله ونعم الوكيل

**tamertamer** · 20-06-2010 08:29 PM

المشاركة الأصلية كتبت بواسطة m.mosaad

المشكله الاساسيه ان المفروض لما يرفع سعر البنزين لازم نعرف فرق الفلوس دي هيروح فين يعني لو هيروح فعلا للتعليم و الصحه و اصلاح الطرق و حاجات احس باهميتها و احس انها غيرت في حياتي يبقي ماشي لكن للاسف هيرفع السعر و الخدمات هتقل و الفرق بيروح للي ميستحقوش

يعني لو سعر ال 92 زاد ل 2.25 معناها زيادة في الليتر 40 قرش يعني مليارات ممكن يغير بيها حاجات كتير في البلد بس قبل كدة لما زاد البنزين من 100 قرش ل 170 قرش يعني 70 قرش مرة واحدة محدش حس بحاجة التعليم هوهو و الصحه هي هي مفيش اي تغيير يبقي الفلوس راحت فين:u_thin1[1]:

الناس بتكتر ياباشا واسعار الحاجة بتزيد

**Sherif Khalifa** · 20-06-2010 09:30 PM

أنا برده مش فاهم الاسعار هتكون كام 92 ؟

**Medo.Malek** · 20-06-2010 11:58 PM

المشاركة الأصلية كتبت بواسطة abdo_general

معلش مع احترامي لرائيك بس كلام عن بنزين 95 مش صح لان كده انت بتتكلم من منطق بيحسسني بالعنصرية زي الضرائيب العقارية علي فكرة انا ممكن تكون معاي عربية bmw واكون اكتر واحد يستحق الدعم مش لحاجتي للمال لاء بالعكس لاني اشتغلت جامد لحد ما بقي معاي bmw والشغل الي انا اشتغلته دا بيعود علي البلد ونظرا لكبر راس مالي فا انا بدفع ضرايب اكتر من اي حد وطبعا مش كل الي معاهم الفلوس حرامية * حقيقة علمية فا اكيد انا استحق اخد الدعم زي اي مواطن تاني يااما هبقي بدي البلد ومش باخد اي حاجة واعتقد دي تبقي علاقة مرفوضة مهما كان حبي للبلد ماينفعش اعاقب واحد اشتغل وبقي معاه فلوس باني افرض ضرايب علي العربيات ذات السعة اللترية الكبيرة وعلي البنزين الخاص بها زي الضرايب العقارية بيعاقبو اي حد توسول له نفسه بانه يشتري شقة كبيرة شوية او لسمح الله بيت ( فيلا صغيرة ) او حتي كبيرة بالضرايب العقارية وخد بالك ممكن يكون واحد راكب bmw بس جايبها بالعافية ومش غريبة بجد بس هو كان نفسه يركبها وليه نحرمه منها بفرض الضرايب والغاء الدعم علي الي معاهم فلوس مع ان ممكن يكون دا احق واحد بالدعم مش لحاجته ليه قد ما هو حقه نظير الي بيدفعه من فلوسه من ضرايب والخ الخ الخ

احترم وجهة نظرك بشدة +111

**Terrible_DaRsH** · 21-06-2010 12:06 AM

المشاركة الأصلية كتبت بواسطة m.mosaad

يعني لو سعر ال 92 زاد ل 2.25 معناها زيادة في الليتر 40 قرش يعني مليارات ممكن يغير بيها حاجات كتير في البلد بس قبل كدة لما زاد البنزين من 100 قرش ل 170 قرش يعني 70 قرش مرة واحدة محدش حس بحاجة التعليم هوهو و الصحه هي هي مفيش اي تغيير يبقي الفلوس راحت فين:u_thin1[1]:

بيسد بيها عجز الموازنة , و الظروف الطارئة .

زى ازمة رغيف العيش كده , طلعوا من خزنة الدولة مليارات علشان يحلوا الازمة .

هما بياخدوا الفلوس يشيلوا جزء منها فى الخزنة و جزء بيتوزع عليهم لانهم بيتعبوا اوووى اووى بصراحة , و لما تكون فى ازمة كبيرة هتحصل فى البلد بيرفعوا الضرائب و هكذا علشان يسدوا الجزء اللى اتوزع عليهم .

**mohamedrefaay** · 21-06-2010 01:57 AM

على كده دعم ال80 كام

-

الموضوع: لكل من لا يرضي عن إرتفاع سعر البنزين

LinkBack

أدوات الموضوع

عرض

-

-

-

-

-

المواضيع المتشابهه

دا يرضي ربنا

بالذمه ده كلام يرضي مين؟

يرضي مين الحال ده؟؟؟

160 كم في الصفيحة ، دة يرضي ربنا !!!!

حل يرضي جميع الأطراف

الكلمات الدلالية لهذا الموضوع

المفضلات

المفضلات

ضوابط المشاركة