رأيكم مهم جدا بخصوص البولو 2001

**M.Mostafa80** · 04-07-2010 01:11 AM

المشاركة الأصلية كتبت بواسطة meladadel

انا معنديش علبة فيوزات فوق البطارية.. كدة عربيتى تبقى مضروبة ولا ايه؟؟؟؟

عربيتك مكيفه فابريكه ولا لأ
والكلام دا كدا مش مظبوط

المشاركة الأصلية كتبت بواسطة mesho_kimi

عربية عمرو 2001 يا ميلاد

ملهاش علاقه ياميشو المفروض لو هى مكيفه فابريكه يبقى فيها علبه فيوزات قدام

المشاركة الأصلية كتبت بواسطة elshrpeny

متشكر جدا يا جماعة على سرعة الرد ( إيه دا , دا انا محلوقلى حتة حلقه عال )ياعم لا محلقولك ولا حاجه بس كل الموضوع ان الناس نايمين

على العموم طلعت المشكلة من الفيوز , كانت ضاربة و أتغيروا ال 4 وبقت تمام والحمد لله , بس فى حاجه الفيوزات ال 4 دول بيبقى 2 منهم 30 وواحد 20 وواحد 10 والكهربائى خلاهوملى الأربعة 30 وحسيت بفرق أحسن فى كهربة العربية من تدوير وإنارة للطابلوه وممكن كمان الفوانيس يا ترى إية السبب ؟

منا قلتلك بص على الفيوز وانت قلت مش هما ادى كلامى طلع صح

المشاركة الأصلية كتبت بواسطة elshrpeny

برده اتحلقلى فى السؤال دا

ولا اتحلقلك ولا حاجه

**elshrpeny** · 04-07-2010 06:40 PM

طيب يا عم محمد أنا الوقتى أعتبرك رديت على أستفساراتى ولا لسه هترد على الباقى
لان لسه فى سؤال الفيوز الى فوق دا مقولتليش حكاية الارقام دى نظامها إيه ؟
و سؤال مياة التبريد ؟

**M.Mostafa80** · 04-07-2010 11:05 PM

الفيوز لازم ترجع للأرقام الطبيعيه بتاعتها تانى والا اللى هيضرب الجزئيه اللى مسئول عنها الفيوز مش الفيوز
مياه التبريد المياه الهيبو اللى ب 45 او 50 ج وتكملها بميه مقطره
سيبك بقى من الكركديه اللى بيعبوه فى جراكن ده هههههههههههههههه

**elshrpeny** · 05-07-2010 01:03 AM

الله يطمنك يا باشا
دا أنا كدا تمام التمام
اومال الكهربائى خلانى أجيب 4 فيوزات من نفس الرقم أزاى حاجة غريبة !!!
أومال أسبانى إية وبرشلونة إية ! يكونش قصدهم كركدية أسبانى هههههههههههههه

**OSaMa.GHaMrY** · 05-07-2010 01:00 PM

استاذ محمد مصطفى معلش انا ازعجتك باتصالى مرتين
لما كنت فى الحرفيين وسألتك شوية اسأله كده والحمد لله غيرت سيرين الكتينه ومياه الباور حطيت العلبه اللى هتغسل وقالى سيبها يوم كده وبعدين فضيها وحط التانيه
شكراااااا جزيلااا

**M.Mostafa80** · 05-07-2010 02:01 PM

المشاركة الأصلية كتبت بواسطة smalltoto

استاذ محمد مصطفى معلش انا ازعجتك باتصالى مرتين
لما كنت فى الحرفيين وسألتك شوية اسأله كده والحمد لله غيرت سيرين الكتينه ومياه الباور حطيت العلبه اللى هتغسل وقالى سيبها يوم كده وبعدين فضيها وحط التانيه
شكراااااا جزيلااا

مفيش أزعاج ولا حاجه والميكانيكى كدا بيفهم
بس على فكره هو زيت مش مياه

**elshrpeny** · 05-07-2010 07:19 PM

بس تقريباً كدا على زى ما فهمت ان الباور كان فيه زيت أحمر صح ؟
طب بس ينفع تمشى بالعربية وهى فيها سائل الغسيل دا ولا هتتركن ؟

**OSaMa.GHaMrY** · 05-07-2010 10:51 PM

المشاركة الأصلية كتبت بواسطة m.mostafa80

مفيش أزعاج ولا حاجه والميكانيكى كدا بيفهم
بس على فكره هو زيت مش مياه

ربنا يكرمك يارب
هو فعلا شكله فاهم جدا واسمه حسين جولف
واه فعلا هو زيت ،، غلطه مطبعيه بقى ،،

المشاركة الأصلية كتبت بواسطة elshrpeny

بس تقريباً كدا على زى ما فهمت ان الباور كان فيه زيت أحمر صح ؟
طب بس ينفع تمشى بالعربية وهى فيها سائل الغسيل دا ولا هتتركن ؟

اها فعلا هو لما فتح الغطا لقيته احمر روحت جبت علبتين ابيض امريكى وهو عادى مقليش اركنها عشان العلبه الاولى اللى حطها تنتشر وتزيل الاحمر وبعدين دى تتفضى ويتملى بالتانيه

**OSaMa.GHaMrY** · 05-07-2010 10:54 PM

ومنتظر طبعا ردك على موضوع الزيت عشان ابقى اغيره فى السيرفس عشان لو الكاسترول حلو ابقى اجيبهولها
فى ناس كتير بتقول مش بتفرق وكلام رغى كده
بس انا ناوى ان شاء الله اخد بنصيحتكم ومش هستخسر فيها اى قرش عشان تاخد بالها منى زى ماباخد بالى منها

وبالمناسبه وانا عند الشيخ حسن بسأله على شبكة الفوج اليمين لقيته سكت كده وراح اللى واقف قالى 120 جنيه
روحت قايله لا شكرا انا هشيل الفوج افضل
لييييييييييه حتة الشبكه دى ومقفوله ب 120 جنيه
على كده الشبكه الامامية الجى تى اى بكام
1500 بقى
وبالنسبه للاكصدام الخلفى فى الدواير الصغيره بتاعة الباركنج
ياترى دى بتشتغل ولا منظر بس ، اعرف ازاااى

وحصل موقف طريف كده مع والدى
اصله بيفضل ينصح خلق ربنا كلهم ان السنتر يفضل فى جيبك واوعى تسيب المفتاح وانت بره العربيه لان السنتر عجيب جدا
ساعات يقفل لوحده بعد فتره وساعات لأ وده اتسبب فى رعب والدتى قبل كده ، عشان قفل عليها لوحده مره وهى لوحدها
فالحج ساب الاتنين جوه العربيه وراحت قفلت :|:|
وراح جاب واحد يفتحه :d:d