حد عنده فكره عن جمرك التلفزيون

كنت عايز أعرف الجمرك على تلفزيون Lcd 42 بوصه عشان فيه واحد جايبه معاه من قطر وشكرا مقدما

http://www.customs.gov.eg/customs_ta...s/F%20(85).pdf

من موقع الجمارك المصرية

عليها 30% يا باشا

طيب أنا عايز أعرف لم هو الموبايل معفى من الجمارك ليه اسعاره أعلى من برة بكتير ؟

Thanks
Eng.Sherif Shaker

لا المويايل معلهوش جمرك خالص

بالعكس...انا شايف ان الموبايلات في مصر أسعارها كويسة و أرخص (بالنسبة لأوروبا)

لكن الدول العربية أرخص مش عارف ليه!!

محمد باشا ال LCD الجمارك الحلوة بتاعتنا مش بتحسبها إنها TV يعنى بتدخل تحت بند مش فاكر إيه بس حاجة تقريبا بيسموها سلع إستفزازية و بيتدفع عليها جمرك و ضريبة أكثر من ال TV العادى

أنا مش متذكر أرقام بس من فترة كنا جايبين تليفزيون 42 بوصة سونى من بره و كان موديل مش موجود هنا فى الوقت ده بس سألنا على ال LCD لقينا إن الجمرك و الضريبة هايغلوا سعره كثير أوى أكثر من العادى برقم كبير لأنه سلعه إستفزازية !!

بالنسبة لغلاء الموبيلات عن الدول العربية - ده لأن التوكيلات هنا هى إللى بتضارب فى السعر عشان ترفع المكاسب مش أكثر

مش معقولة يا محمود السبب يكون الوكيل وبس أكيد في ضريبة داخلة في السعر أنا بأحس إن في فرق أحيانا في بعد الموديلات بعدي ال ٧٠٠ جنيه.

Thanks
Eng.Sherif Shaker

فعلا يا شريف التوكيلات هيا السبب
احب اوضحلك حاجة
كنت بنزل اجيب الموبايل من عبد العزيز ب 3500 مثلا
ممكن اصحابي يجبوة من برة ب 3800 من دول عربية
ومش لازم كل الدول زي بعض
مانساش ابدا لما لقيت ال N95 8G هنا ب 3900 وبعد يومين مديري جايبة من كارفور دبي ب 4400 وانا شايف الرسيت بنفسي
ومحدش يقوللي عبد العزيز بيبدلوا الحاجة زي البطارية والسماعة
فعلا ده بيحصل وانا بتكلم عن اسعار الحاجة السليمة مش المضروبة
لان لو الساعة او البطارية اتبدلت ممكن ينزلوا تمن الجهاز 200 او 300 جنية كمان

هوه مش المفروض يدخل استخدام شخصي يا جدعان ؟

أصل الجمرك عايزين 200 جنيه على كل بوصه يعنى 8400 جنيه غير ضريبه المبيعات

يا نهار ملهوش لووووووووونننن

لييييييييه.....مش لاقي كلام أقوله بصراحة...حراام

ليه يا عم .. تليفيزيون بيقلب لوحده ده ولا ايه ..
سيبك منه يا عم و هاته من هنا احسن .. ولا روح هاتلك واح دتوشيبا العربي 30 بوصه ب 3000 جنيه .. يفرج عزبه بحالها ..

حضرتك انا كنت نازل بتلفزيون سامسونج 29 بوصة فلات ستريو اجمرك ب 800 جنيه وكاسيت بناسونك 5 سى دى 7500 وات اجمرك ب 500 جنيه ده من سنه فاتت وعلى فكرة الموبيلات ملهاش جمرك عشان كان معايا 4 محدش اكلم عليهم

شريف باشا فى فرق ما بين البلازما أو ال LCD و التلفزيون الفلات العادى