بما ان الفاميه ممنوع فى بلدنا
فكنت لازم افيم اي حاجه وخلاص هفيم يعنى هفيم
قومت مفيم الفوانيس الخلفيه والاماميه
الخلفيه كلها فاميه
والاماميه مقصوص الفاميه على شكل بيضاوى 0 مكان النور العالى
بس شكله جامد جدآ زي الفابريكه
والعتب تحت كل باب عملت شريط اسود عريض اهو حمايه على الاقل
وبروز الزجاج الامامى من فوق عملت شريطه طويله كده لونها اسود على الحروف بس
المهم الفوانيس بقى شكلها اشيك بكتير عن الاول
احسن من الوانها الفاقعه بقى لون الاشارات هادى شويه
فاميه اقل درجه شفافه عسلى او بنى تقريبآ مائل للأسود
هبقى انزل صور ليها ان شاء الله
وجيت عشان اعمل موضوع وحده الرفع بتاعة الازاز
روحت لكهربائى سيارات قولتله لو عايز اركب وحدة رفع
هتشتغل فيها ازاى بضبط
شافها وقالى الطابلوه هيتفك والابواب كمان
قولتله شكرآ
بصراحه مش مستعد ابوظ الفابريكه وابوظ الطابلوه ويتكسر كلبساته عشان وحدة الرفع
فى داهيه مش عايز وحدة رفع