على فكرة يا جماعة لسا شايفها النهاردة فعربية فيات 127 وكان شكلها يجنن والواحد ضحك فعلا لان ناقص تليفزيون جمبها
على فكرة يا جماعة لسا شايفها النهاردة فعربية فيات 127 وكان شكلها يجنن والواحد ضحك فعلا لان ناقص تليفزيون جمبها
ازاى ؟؟؟
انا عندى كورولا 1978 وكان فيها زمان مروحه و كانتت بتجيب هوا من الصالون عادى ... بس دلوقتى ركبنا فيها تكييف و برضه بيجيب من هوا الصالون و بيسقعه
و نفس الكلام بالنسبه لعربيه والدى البيجو 504 موديل 1983 (والدى راكب عربيه احدث منى) برضه كان فيها مروحه و كانت بتجيب من هوا الصالون عادى و لما ركبنا فيها تكييف برضه بيقى يجيب من هوا الصالون و يسقعه
و نفس الكلام بالنسبه لل 132 موديل 1975 بتاعت عمى ( نفس القصه بالنسبه للمروحه و التكييف ) ... اصل 3 عربيات اتركبلهم تكييف مع بعض :C_laugh[1]:
بصراحه معرفشى بالنسبه لل 128 او 127 لأنى ماعرفشى حد معاه العربيه دى بشكل مباشر
بس اول مره اسمع ان فيه عربيه بتجيب هوا من الموتور .... انا حاسس انها غلطه لأن كده اللى صممو العربيه عاوزين يخلصو على اللى سايق
ازيك يا باشا بس عاوز اوضحلك الصورة فى ال 127 لو فتحت الكابوت حتلاقى علبة بلاستيك سوداء بنقول عليها علبة الهواية او التكيف بالبلدى يعنى و العلبة دى راكب جواها مروحة لما بتشغل المروحة دى من التابلوة مفيش هواء حا يدخل الا عن طريق العلبة دى و العلبة طبعا ليها بوابة بتفتح و تقفل ومن المفترض ان يكون الهواء الداخل مسحوب من الهواء الخارجى لان علبة التكيف دى وشها مفتوح من ناحية فتحات التكيف الى فى الكبوت و الكلام دة نظريا سليم مية فى المية بس الواقع ان كل الى راكب 127 عارف ان علبة التكيف دى طريقة ربطها فى العربية عبارة عن مسمار بيمسك العلبة من تحت فى جسم العربية و بعدين من الجانبين كلبسين صاج و طبعا ربنا يخلى الصنايعية لما بيفك علبة التكيف و يجى يركبها ما بتبقاش محكمة زى الاول و بالتالى لما مروحة الرادياتير بتشتغل و انت بتفتح المروحة الى فى الصالون حتلاقى هواء ساخن داخل عليك و معظم الناس فى ال 127 بيقفلو البوابة بتاعت العلبة لانهم بيعملو العلبة بتاعت المروحة خزنة و بيحطو فيها اى حاجة كل الى راكب 127 من فترة اعتقد ممكن يؤكد المعلومة دى و على فكرة انا بركب 127 من سنة 83 ف حافظها و كان اخى عندة 127 زيرو من 83 و انا معايا سوبر فيورا من سنة 90 حتى اليوم العلبة يا باشا حتلاقيها بتنفس هواء لو شغلت المروحة الداخلية الهواء حا يجى من الشارع من فتحات الكبوت بجانب الهواء الى داخل من حوض الموتور هو دة قصدى و اتمنى ان اكون قدرت اوصل الصورة بوضوح و شكرا ليك على المشاركة الجميلة
المهم مش المروحة المهم التريقة
مش هاتترحم من تريقة اللى حواليك اكنك عملت عاملة
انا بفكر و هو ده اللى مخلينى متردد
السلام عليكم و رحمة الله و بركاته
و الله أنا شايف أن الحر بتاع اليومين دول مش بتاع مراوح خاااااااااااااااالص و أنا رأيى برضه أن سيادتك تاخدها من قاصرها و تجيب تكييف حلو و ظريف لأن المراوح هتكون بلا أى جدوى.
و ربنا يهون عليك و علينا
maserati
بص يا باشا الناس طبعا حا تقولك انت قلبتها تاكس ولا اية بس لو الدنيا ولعة تتسلق ولا تتهوا ركبها فى الصيف و شيلها فى الشتاء و على فكرة مش كل الاشكال زى مروحة البيت بس على مصغر فية منها شكل عامل زى هوايات التكيف و شكلة حلو بس المروحة التقليدية اجمد فى القوة منة انا مش مركبها بس انا قلبى عليك من الحر القاتل الى احنا فية
فهمتك
على العموم انتا حاول لزقها باى شكل تى لو اطريت انك تلزقها بسيلكون و ورق كرتون علشان تمنع دخول هوا الموتور بدل ما تتسلق فى الحر اللى احنا فيه ده
او اشترى تكييف يا عم ... بس خد بالك التكييف مش حيسعفك فى الزحمه لأنك لازم تكون بتمشى بالعربيه علشان ماتسخنشى اوى منك