بمناسبه الحر فيه مراوح أية موجودة فى السوق , كوميديا للهروب من الحر

**AMA** · 19-06-2010 11:21 PM

الصيف دخل علينا و كله دلوقتى ماشى يا أما بتكييف يا أما بيتسلق
درجة الجو عندنا فى أسكندرية كانت مرعبه إنهاردة الصبح فواحد أعرفه قرر أنه يركب تكييف و من شده الجو راح سأل واحد التكييف هيكلفه كام قاله ألف و نص طبعا راح مطنش فى الحال

واحد أعرفه جالى إنهاردة قالى حاجة خلتنى مبلم دقيقة كدة وبعد كدة فطست من الضحك لدرجة أننا شديت فيشه الكمبيوتر من كتر مانا مش قادر

قالى والله العظيم لو كدة أنا هركب مروحه على التابلوه
طبعا أنا رد فعلى كنت نايم على الكمبيوتر و عمال أضحك و أقولة أنت أتجننت
قالى والله أبدا أسئلى على الموضوع دة و أية أشكال المراوح إلى موجودة لو فيه شكلها شيك هركبها لو مفيش مش هركبها , فكنت عايز أسئلكم يا جماعة أشكال المراوح أية و هل ينفع فعلا يبقى فيه من أساسة مروحه شيك ؟
أصل الموضوع دة مش داخل دماغى رغم أنه عملى برضة فى الجو دة

**tananybasha** · 20-06-2010 12:33 AM

انا عايز اركب مروحة سقف بعد ما التكييف باظ

**محمد بازيد** · 20-06-2010 12:38 AM

أخى الفاضل المروحة فى العربية حلوة مش وحشة للناس اللى مش قادرة تشترى تكيف أو عربيتها مينفعش لها والمراوح سعرها مابين 40-100جنية حسب لما شوفت فى التوفيقية وكلهم موجودين فى التوفيقة وفى أشكال حلوة على فكرة
تقبل تحياتى وياريت تصور عربية صاحبك بعد المروحة

**Abdo_Eldesokey** · 20-06-2010 01:30 AM

المشاركة الأصلية كتبت بواسطة ama

طيب قدر واحد بياخد راحته شوية راح قام هووووب بقى نفسه حالق أقرع يا أما مش هيلاقى راسه أصلا :pointiy2[2]:

برضة فكرة تخوف يا جماعة بس المشكلة إنها موفرة جدا جدا جدا عن التكييف و عمل مؤقت عنها و خلاص

يا عم ابقى قصر العمود

على فكرة بردوا لو ركبت مروحة مش هتعمل حاجة .. لأنها بتقلب هوا سخن

أهي المراوح مرطرطة في البيت بس زي عدمها

**AMA** · 20-06-2010 06:08 AM

المشاركة الأصلية كتبت بواسطة BAZED2006

أخى الفاضل المروحة فى العربية حلوة مش وحشة للناس اللى مش قادرة تشترى تكيف أو عربيتها مينفعش لها والمراوح سعرها مابين 40-100جنية حسب لما شوفت فى التوفيقية وكلهم موجودين فى التوفيقة وفى أشكال حلوة على فكرة
تقبل تحياتى وياريت تصور عربية صاحبك بعد المروحة

أحنا فى أسكندرية للأسف مش القاهره و هقولة على السعر و أكيد هيعجبه أصله لما سمع سعر التكييف قالى أنا حسيت بقهر أوى و أنا قولتلة دا حرام سعره غالى و كنا بنتكلم بجد و مرة واحدة لما قالى موضوع المروحه كنت أنا بصوت من الضحك و هوا قاعد عاملى كدة

و يقولى عادى مس حاجة تجيب هوا
ألف شكر على المتابعة و الرد يا باشمهندس

المشاركة الأصلية كتبت بواسطة Abdo_Eldesokey

يا عم ابقى قصر العمود

على فكرة بردوا لو ركبت مروحة مش هتعمل حاجة .. لأنها بتقلب هوا سخن

أهي المراوح مرطرطة في البيت بس زي عدمها

بس أرحم فعلا من مفيش و بالأخص لما تكون العربيه واقفة يعنى لو بتجرى ماشى مفيش مشكلة الهوا جايلك من كل حته لكن لما السكة بتقف بيبقى هاين عليك حتى تجيب ورقة تهوى بيها
الموضوع عمليا كويس لكن فى التنفيذ المظهر بيكون مش لطيف نهائى و دا إلى عايز أفهموله لكن أبدا حبكت فى دماغة أنه يختار أحسن مروحه و يركبها

**misoalex** · 20-06-2010 06:26 AM

انا حاسس ان فيه ناس مش واخده بالها ان الراجل يقصد مروحه للعربيه
الى هى بتتحط على التابلوه

**khaled_sabry** · 20-06-2010 09:03 AM

المشاركة الأصلية كتبت بواسطة misoalex

انا حاسس ان فيه ناس مش واخده بالها ان الراجل يقصد مروحه للعربيه
الى هى بتتحط على التابلوه

اه ما احنا فاهمين بس بنهزر برضه
على فكره المروحه دى بتبقى جامده اوى لو كانت عربيتك 127 او 126 او 128 او لادا
معرفشى ليه بس انا بحس ان العربيات دى مناسب ليهم المروحه دى اوى

**LORD.ADeL** · 20-06-2010 09:42 AM

المشاركة الأصلية كتبت بواسطة khaled_sabry

اه ما احنا فاهمين بس بنهزر برضه
على فكره المروحه دى بتبقى جامده اوى لو كانت عربيتك 127 او 126 او 128 او لادا
معرفشى ليه بس انا بحس ان العربيات دى مناسب ليهم المروحه دى اوى

والماروتي كمان ينفع ليها الحوار دة بس فعلا الهواء االلى هتجيبه هيكون سخن
طبقا لحال الجو اللة هتجيب فيه هواء طب حتى لو قفلنا الشبابيك هتجيب سخن برضو ولا ايه
مش عارف حاسس انه حوار فاشل فى جو النهار الحر ولا ايه رئيكم؟

**khaled_sabry** · 20-06-2010 11:50 AM

المشاركة الأصلية كتبت بواسطة LORD.ADeL

والماروتي كمان ينفع ليها الحوار دة بس فعلا الهواء االلى هتجيبه هيكون سخن
طبقا لحال الجو اللة هتجيب فيه هواء طب حتى لو قفلنا الشبابيك هتجيب سخن برضو ولا ايه
مش عارف حاسس انه حوار فاشل فى جو النهار الحر ولا ايه رئيكم؟

المروحه كده كده بتقلب الهوا السخن اللى فى العربيه
فلو قفلت الشبابيك يبقى كده قضيت على نفسك

و ياحرام يا ولداه كنت فى عز شبابك لسه
بس اللى اعرفه ان العربيات القديمه غالبا بتيجي و بيبقى فيه مروحه فى التابلوه اساسا فابريكه ... اه غالبا بتبقى بايظه و محدش بيهتم يصلحها (لدرجه ان فيه اصحاب عربيات مابتبقش عارفه بوجودها اصلا ) بس بتبقى موجوده
فبكده مانصلح المروحه دى احسن مانجيب مروحه تانيه تبقى شكلها غلس و مخليه تابلوه العربيه كأنه مكتب موظف حكومه

-

الموضوع: بمناسبه الحر فيه مراوح أية موجودة فى السوق , كوميديا للهروب من الحر

LinkBack

أدوات الموضوع

عرض

بمناسبه الحر فيه مراوح أية موجودة فى السوق , كوميديا للهروب من الحر - انشر الموضوع فى :

-

-

-

-

-

-

المواضيع المتشابهه

الحقونى الحر وصل

الحر و الفيات 128

الامتحانات في الحر !!

بمناسبة الحر .....

الطريق الحر

الكلمات الدلالية لهذا الموضوع

المفضلات

المفضلات

ضوابط المشاركة