أنا خلصت إمتحانات من زمان ومن ساعتها مافيش جديد خالص والشعور بالملل ومش عارف أعمل إيه اليوم بقا بالنسبة ليا تقليدى بحت نفس البروجرم بعمله كل يوم هنا بقا ييجى وقت السؤال بتعمل إيه فى يومك علشان أعمله؟ :E_braces[1]:
عرض للطباعة
أنا خلصت إمتحانات من زمان ومن ساعتها مافيش جديد خالص والشعور بالملل ومش عارف أعمل إيه اليوم بقا بالنسبة ليا تقليدى بحت نفس البروجرم بعمله كل يوم هنا بقا ييجى وقت السؤال بتعمل إيه فى يومك علشان أعمله؟ :E_braces[1]:
حاول تتطوع في أي أنشطة خيرية أو تنموية.. الجمعيات الخيرية كتير و بيحتاجوا إيد شباب تساعد في أنشطة كتير.
ممكن كمان تاخد كورسات تطوير ذات أو أي كورسات مهنية للمبتدئين، زي مثلا ال Sales أو ال Marketing أو ال HR على حسب ميولك أو نوع دراستك.
طبعا مفروغ منه إن لو الانجليزي بتاعك مش أد كده انك تاخد كورسات انجليزي.
بص سر نجاح اي حد انه يكون ليه روتين في حياته يبقه جزء منه يلتزم بيه يحترمه يعدل فيه حسب مقتضيات الضروره لاكن مش يلغيه او يطنشه بمعني :
لازم يكون ليكك مواعيد ثابته للاستيقاظ والنوم مينفعش تسيب نفسك منغير مواعيد محدده لممارسه النشاط ده
حدد وقت تناول الوجبات واللي علي اساسه حتقسم بقيه انشطه اليوم بتاعك عليه
اعرف ايه احتياجاتك بصراحه وواقعيه مع نفسك وممكن تسال المقربين منك ايه اللي انت محتاجه هل محتاج لغه , معلومات عامه , رياضه , ليك هوايه بتحبها وعايز تنميها اكتر عندك قصور في علاقاتك بالاقارب والمعارف وممكن يكون عندك فرصه انك تقويها او تدهمها اكتر .
كل الحاجات ديه حتي لو انت حاسس انك كويس فيها محتاج انك متنسهاش وتفضل مداوم عليها عشان تزيد متقلش .
طبعا مش حننس الدين وعلاقتك بربنا اللي اكيد كلنا محتاجين نزودها عشان اخرتنا .
التنظيم والمثابره هما السلاح الوحيد اللي حيوصلك للي انت عايزه
شكرا
التزم فى الصلاه وصلى السنه.....وممكن تدخل على اليويوب تشوف حلقات محمد حسين يعقوب او محمود المصرى او محمد حسان (بجد حجات مفيده جدا وتشد الواحد)....ممكن تدى القرءان كمان حقه شويه فى الاجازه....تحاول تختمه وتحدد لنفسك وقت تتحدى نفسك بانك تختمه فى الوقت دة....صدقنى هتبقى اجازه جميله جدا....انا بعمل كده على طول....
بالظبط يا علا
فيه قافلة لرسالة المهندسين متجهة للواحات البحرية هاتقعد حوالي 4 أيام
بس طالعة من عيني :S_thum1[1]:
مبتفكرش تطلع قوافل مساعدة زي دي
فيها ثواب وعمل خيري محترم وكمان مفيهاش تكلفة لأن الإقامة والأكل عليهم
بس خللي بالك لأن عملها مرهق جسمانياً فهاتعمل حسابك إنك رايح تشتغل
وكمان خبرات في زيارة أماكن جديدة وجميلة في بلدنا
يابختك - عندك وقت فاضي
تسلفني الوقت ده؟ لاني ساعات بستلف من الوقت اللي بنام فيه
استغل وقتك كويس
روح اتدرب في مجالك
روح خد كورسات
اعمل اي حاجة تتكتب في الـcv و تكون في مجالك
اوعى تقعد في البيت من غير لازمة..بجد هتندم بعد كدا
روح الجيم اتدرب
حكاية التطوع دى حلوة أوى والكورسات دى مش عارف آخد إيه
شكرا لرد حضرتك
منا بحاول أعمل كده بس الدروس دى صعبة أوى
أسلفك ماشى عادى والله
منا عارف إن أقعتدى فى البيت دى وحشة وهندم عليها بس مفيش جديد خالص مع العلم إنى من المنصورة على فكرة
لسا مدخلتش كليه :L_bhuhhh[1]:
جيم
إقرأ
إتفرج على أفلام ..
سافر ..
أخرج (بس مش كل يوم) ..
و الله بقى عايز تعمل فيها جامد و واد مقطع السمكة و ديلها و عارف مستقبلك ... خد كورسااات بقى و عييش هههههههههه ..
عايز تمشى فى سكة الضياع ... تعالى معايا ههههههههه
انا شايف انك طالما لسة مش في كلية و لسة مش محدد مجالك يبقى عليك و عالرياضة و ممارسة لغة تفيدك
روح new horizons اللي في صن مول .... و قضيها English .... و سلم لي على sam
:D
.... دا بجانب انك تفك عن نفسك ... دي اجازة برضه
أسوأ شعور ممكن تحسه فى الأجازه...إحساس الملل....
رغم إن فيه ناس كتييييير تموت فى الأنتخه...
انا اليوم اللي بخلص فيه إمتحانات بقول..؟؟وبعدين.؟؟؟؟
فيه ناس تانيه بترقص و تطبل ....عشان حتنااام..بس مش أكتر..
الرسول حذرنا من الفراااغ
سكة الضياع بتاعتى ...
أنا كنت مقرر إنى انزل شغل فى مكتب , و أخذ كورسات لغات و بتاع ... و يا سلام لو أشارك فى أنشطة ..
بعد إللى شفته السنادى فى الكلية ...
هو كورس الماكس ... و بس ..
جيم و خروج و سفر ! :whtauwant: ..
إحنا إتبهدلنا السنادى
:36_1_1[1]:
انت لسة مجربتش الاحساس دا لما تكون في كلية
انا خلصت يوم الخميس اللي فات و ان شاء الله ناوي انزل شغل و جيم هو دا اللي هيظبط معايا الوقت
ياااااااااااااااااااااااا ااااااااااااااااااااااااه
بتكلم في مشكلة كانت بتقبلني لحاد الصيف اللي فات لحاد مفعلا اكتشفت اني بفكر غلط وامكتشفت ان المشكلة في تفكيري انا .ز لدجة بقي ان انا لسه مأخدتش الاجازة السنادي وبقول ياترى هلحق اعمل ايه والا ايه ..لأني ورايه حجات كتير
مبدأ]ن تبتدي تنظم وقتك وقسم اليوم فترات
1- مواعيد النوم والصحيان
2- حدد رياضة تلعبها ان شالله لو مشيب ..(على فكرة هتفرق معاك كتير ومتستهونش بفكرة الرياضة لأن لازم يكون ليك رياضة تلعبها لأنها هتعملك راحة نفسية)
3- يكون ليك ورد يومي في القرآن (بص الجزء ممكن تقراه بطريقة الحدر هياخد 20 دقيقة بس) يعني الموضوع مش كبير زي مناس كتير متصورة
4- عندك دروس دينية كتير ممكن تنزل تحضر في مساجد او تليفزيون او تقرأ (ممكن تبتدي تحفظ قرآن تدرس عقيدة -فقه-حديث تقرأ في الربية بما تشكمل من علوم كتير)
5- ممكن تقرأ كتب علمية (نصيحة ممكن تقرأ قصص بس من رأيي ركز في العلم افضل لأنه هينميلك مداركك وهيكونلك فكر .. والقصص لو بتحبها مفيش مشكلة بس لازم تقرأ دين وعلم)
6- حاول تتعلم لغة (انجليزي . كويس فيه فرنساوي . كويس فيه خد ايطالي .. لازم تكون طموحك ملهاش حدود)
7- اشترك في انشطة خيرية او علمية .. انزل ندوات
8- حدد اياكم لخروجك مع صحابك
9- اعمل كل يوم ساعة او ساعتين بس للنت الا لو هتتعلم منه .
10- حدد شوف هتصيف فين
كمان افتكر رمضان هيدخل في الصيف والعبادة لازم تشتغل
المهم الحاحة اللي اكيد لازم تعرفها ان الصيف مش اجازة .. الصيف اجازة من المدارس والكليات بس .. لأكن العلم والتطوير ملهمش اجازة لأن 3 شهور الصيف دول محسوبين من حياتك لكن مش اجازة
انا بنصحك بحاحة انا عملتها . ونتايجها .. مش هقولهاك عايزك انت تحربها . يكفي انك لما هتيجر ترجع للدراسة وهتحس ان نظرتك اتغيرت لحجات كتير واتكلم مع صحابك وهفكرك هيحسوا بفرق ..
بجد لو بدأت تقرأ خصوصا في الدين والتاريخ والعلوم . هتكتشف انك مكونتش عايش ..
تعرف في حرب 67 على ما أظن اليهود (على ما أتذكر موشى ديان) قال مشكلة الملسمين انهم مش بيقروا ولا يعرفوا تاريخهم لأنهم لو عرفوه عمر مدا هيبقي حالهم ولا كنا قدرنا نعمل فيهم كدا
دي نصحتي ليك (واسأل مجرب ولا تسأل دكتور)
واسف على الأطالة
لأ أنا كده شكلى جاااى
نيو هيروزنس المعاملة هناك وحشة أوىجايز دى حالة فردية أو علشان سنى صغير بس أنا زهقت منهم ومش عايز أروحلهم تانى ومين سام ده؟ وإيه رأيك فى ال3dsmax
منا حاسس كده غير أنى بنام بتع من 9-16 ساعة فى اليوم :36_1_1[1]:
الخروج بقا ممل برضه بنروح كل يوم نفس الأماكن سفر ده صعب شوية
وأنا كمان كنت فاكر سكة الضياع بتاعته حاجة تانية
مسيرك تجربه