سؤال لملاك الالنترا عن تكلفة صيانة ال 10000 كيلو في التوكيل؟

استفسار بسيط عن تكلفة الصيانة لل10000 كيلو للالنترا في التوكيل كام؟
و ايه الحاجات اللي بتتعمل في الصيانة بالظبط غير تغيير الزيت و الفلتر

نرجو الافادة عشان اعمل حسابي و شكرا جزيلا

اللي أعرفه والله صيانة الأربعين ألف حوالي 700 جنيه شاملة

تغيير زيت موتور وفلتر وزيت فتيس تغيير بوجيهات وتنظيف فلاتر وتربيط عفشة وضبط زوايا وتغيير مياة

أنا على فكرة سألت بس لكن ما عملتش في التوكيل لأني لاقيت المصنعية لوحدها 300 جنيه من الـ 700

وعملتها برد كلفتني 400 جنيه بالمصنعية وجايب البويجهات والفلاتر الأصلية من محلات بره برده وأرخص من التوكيل شوية

مبلغ صيانة ال 10000 حوالى 500 جنية وهى شاملة تغيير الزيت وفلتر الزيت ومراجعة كفاءة التكييف وتربيط العفشة والتأكد من ضبط الانوار ومستوى مياه الريتادير ولو عندك شكوى بيشوفوها .
مع الشكر عاطف عامر.

المصنعيه 220 غير تمن الزيت والفلتر و 10 % ضريبه

طيب معلش ممكن اعرف صيانه 5000 للالنترا 2010 تكلف كام مع العلم اني مش هاغير زيت ؟
و اية بالظبط الي بيتم عمله في الصيانة دي ؟

يالهوى هو فى حد لسة بيروح يتنصب علية فى التوكيل دة ياعم اعمل كل حاجة برة بربع التمن

انا عملت صيانة ال 5000 والتكلفة 200 جنيه فقط من التوكيل؟

انا عملت صيانة 5000 لنيو اكسينت 143جنية فقط اللاسبوع الي فات في التوكيل بابو رواش

انا عملتها من اسبوعين
الزيت جبتة من بردة ب 235 ج شيل اللترا الرمادي 10000 كيلو
و دفعت 140 في الصيانة
و اخت باقي علبة الزيت فيها ربع ليتر
انا عملت الصيانة في مركز معتمد في مصر القديمة تحت نزلة الدائري اللي جاي من المعادي مباشرة
و بصراحة نضيف جدااا و ناس محترمة

طب لو عملتها بره اعملها فين بس تكون حاجة قريبة من المريوطية او يعني مش بعيد قوي

و هل أفضل اروح التوكيل

و شكرا للجميع على ردودكم

السلام عليكم انا عندي صيانة ال40000 النترا 2009 اتوماتيك ممكن الافادة بالتكلفة اية اللي هيتم تغيرة واشتري قطع الغيار من برة واخليهم يركبوها في التوكيل وشكرا

السلام عليكم
اتا عملت صيانة ال40000الينترا في التوكيل اتكلفت 927 من غير تغير زيت المحرك تغير بوجيهات تغير فلتر هواء وبنزين وفتيس وزيت فتيس بصراحة المصنعيات وضريبة المبيعات مبالغ فيها اوي وحسيت اني اتنصب عليا عموما اول واخر مرة اروح التوكيل تاني لاني شاري العربية مستعملة وعموما مش هتتكرر