عضو جديد وعندي سؤال

**ahmed1981** · 20-02-2008 09:15 PM

لو بتفكر في الأفيو يبقى النيو أكسنت أفضل
لأنها موتور أحدث وتقفيل كوري نظيف وشكلها حلو والسعر متقارب

ومتخليش مشاكل التوكيل تأثر جامد على قرارك
لأن أغلبهم زي بعض وإن كان منصور شيفورليه محترم أكثر من غبور مع العملاء
لكن النيو أكسن أفضل من الأفيو

**Ahmed Anwer** · 20-02-2008 11:36 PM

المشاركة الأصلية كتبت بواسطة karim_monir

موتور كرولا بقى
وهو هو نفس متور السريون ما تقلقش

كريم باشا ،،

المعلومة دي أكيدة ؟؟؟

أصل تويوتا سياستها مختلفة بتخلي كل شركة تبعها ادارتها مستقلة تماما

كده يبقي الموتور ال 1300

ده هو اللي في الكورولا هوا اللي في السيريون هوا اللي في الياريس ؟؟؟

**wisambasha** · 21-02-2008 09:36 AM

المشاركة الأصلية كتبت بواسطة marsguy

السلام عليكم ورحمة الله وبركاته،،،

أنا هاقولك نصيحه يا أخي العزيز.

إنت هاتسمع كلام كتير أوي في موضوع الفيرنا أفضل ولا اللانوس.

وفي النهايه تقريبا هاتلاقي إن عدد الناس المؤيدين للانوس مساوي لعدد الناس المؤيدين للفيرنا يعني هاترجع لنقطة الصفر.

أنا شايف إنك تجيب العربيه اللي إنت مايلها أكتر والمناسبه لظروفك الماديه واللي قطع غيارها أوفر وأرخص.

وفي النهايه هو الفرق ما بين الإتنين مش كبير خالص.

أنا شخصيا أميل للانوس وده ميل مش مبني على حقائق ولا حاجه بس أنا باحبها أكتر وكمان عشان الأهوال اللي الإخوه هنا بيحكوا عليها في توكيل غبور.

ربنا يوفقك للي فيه الخير ليك إن شاء الله

+1000000000000

**mahamedaraby** · 21-02-2008 10:03 AM

بس اولا انا من راى فى اختيار العربيات انى اسوق العريبات اللى عينى عليها واشوف انى اللى افضل فيهم وريحتنى فى السواقه اكتر ده رايى للناس اللى بتقول فيرنا او لانوس فى الاخر مبنوصلش لحل

اما عن السيريون انا مش محبظها علشان بالتمن بتاعها فيه حاجه احلى وبشنطه
وفى الاخر القرار يرجع ليك

**Walidghali** · 21-02-2008 12:59 PM

هل حد عنده فكرة طيب عن مكان بيبيع مستعمل حالته كويسة ويكون مكان موثوق فيه ، لان العملية كدة شكلها هترسى على مستعمل ياباني أو كوري
شكرا

**Ahmad** · 21-02-2008 01:06 PM

أنا بعد المشاكل اللي سمعتها عن التقفيل المصري, أنصحك تشتري أي حاجة تقفيل ياباني أو ألماني في نفس السعر حتي لو مستعملة .

ممكن كمان تفكر في الرينو كليو. صحيح تقفيل تركي بس جيد جدا . مشكلتها بس انها تكنولوجيا معقدة شوية و مش كتير بيفهم فيها علشان كدة في الغالب صيانتها بتكون في التوكيل.
بس لو جبتها زيرو و عملت الصيانة الدورية في مواعيدها, أعتقد انها هتعيش معاك إن شاء الله.

ربنا يوفقك.
أحمد

**MMamdouh** · 21-02-2008 01:15 PM

قطع غيار الكليو غالية جدا

MMamdouh

**Ahmad** · 21-02-2008 01:30 PM

المشاركة الأصلية كتبت بواسطة MMamdouh

قطع غيار الكليو غالية جدا

MMamdouh

غالية بس مش غالية جدا :)
عموما هي مسألة نسبية لكل شخص.
و للإفادة أيضا أنا قرأت في منتدي رينو قائمة بأسعار قطع غيار الكليو, و بالتالي هتساعد في اتخاذ القرار.

بالنسبة لي أنا من مدرسة "الغالي ثمنه فيه". و شايف أن الرينو قطع غيارها غالية بس بتعيش عن الكوري.
و طبعا الأفضل في السعر و العمر هو الياباني. بس مش متأكد أنك تلاقي سيارة ياباني زيرو في السعر دة و قطع غيارها تبقي أرخص كتير عن الكليو. الياباني المستعمل ممكن , لكن المستعمل أيضا ليه مصاريفه يعني برضه في مصاريف زيادة.

شكرا.
أحمد