حسبي الله ونعم الوكيل ازاز العربيه اتكسر والابتوب اتسرق منها
امبارح اخويا كان واخد العربيه ال sx4 ورايح معرض interbuild اللي في قاعة المؤتمرات
و يشاء الله انه يسيب اللاب بتاعه على الكنبه في العربيه
طبعا خرج من المعرض لقى زجاج العربيه مكسور واللاب مسروق
كانت الساعه من 7 - 9 مساء
بس الحمدلله انها ماجتش في الازاز نفسه ولكن في الشراعه اللي ورا الازاز ( حرامي محترف ) ومد ايده فتح اللوك بتاع الباب الخلفي وسرق اللاب
هي طبعا غلطه كبيره جداااا من اخويا انه يسيب اللاب عالكنبه في العربيه بس ربنا معاه بقى لانه ضيع شغله اللي كان عاللاب ( هو في هندسه عماره وفي فترة امتحانات )
قدر الله وما شاء فعل
ده تحذير يا جماعه ماحدش يسيب اي حاجه مهمه او ملفته للنظر في العربيه ولو حتى شنطه فاضيه وقبل ماتوصل مشوارك تحطها في شنطة العربيه عشان ماحدش ياخد باله
الغريب ان ازاي منطقه مهمه زي المعارض وقاعة المؤتمرات مايكونش فيها امن كافي وخصوصا في وقت معرض مهم زي الinterbuild ???
المهم انا استعوضت ربنا بس قلت نروح نعمل محضر في القسم عشان نبقى عملنا اللي علينا
اخويا راح قسم مدينة نصر 2 وعمل محضر وبالصدفه هناك لقى واحد برضو رايح يبلغ عن سرقة شنطه فيها لابتوب ومبلغ كبير وعدة شغل غاليه ويبدو انه كان متوصي عليه لان السيد رئيس المباحث شخصيا كان موجود واهتم بالموضوع والسرقه حصلت في نفس المكان والتوقيت
طلبو مننا السيريال نمبر بتاع اللاب عشان يتتبعوه واروح ابلغهم بيه النهارده بس للاسف مش لاقيه
اخيرا .. اتصلت بالتوكيل عشان اجيب الشراعه والحمدلله لقيتها ب 300 جنيه غير الضريبه والمصنعيه بفكر اعملها بره عموله بس مش عارف هينفع ولا لا
وان شاء الله هركب انذار ضروري عشان كده فعلا الوضع مش امان
وحسبي الله ونعم الوكيل
شكرا على التجربة و النصيحة
شكرا على التجربة و النصيحة.
أحسن حاجة أنك ركبت قطعة الزجاج الأصلية من التوكيل لأنك لو كنت عملتها عمولة كانت عيبت العربية.
