هو احنا مستعدين للحرية

بقالى فترة الموضوع دة شاغلنى جدا
هو احنا مستعدين للحرية
و المقصود بالحرية الحرية فى كل شىء
مثلا حرية الراءى
مثلا حرية الشباب
مثلا حرية التعبير
مثلا حرية انتقاد الحكومة
مثلا حرية المطالبة بالحق
الخ
يعنى استفذنى جدا شخص يطلع على الفضائيات فى مشكلة علشان ابنة ماكملش السن القانونى للمدرسة و الوزير مش عايز يسمح باستثناء
وواحد قاعد خارج مصر و كل شوية يقول فية فتنة طائفية ( طيب ماتيجى مصر تشوف فية اية )
و واحد الناس تعمل مظاهرات علشان الشرطة ضربتة و مات من غير ما نعرف اية الحكاية و هل دة حصل و فعلا مات من الضرب
الاب يسأل ابنة انت هاترجع الساعة كام الابن يرد معرفش بس مش هاتأخر 2 او 3 الفجر احنا فى زمنا الرجوع كان 9 مساء و بعد كدة تبقى مصيبة هل دى حرية
واحد ماشى بسرعة و بيعمل غرز و خمسات و تقلة لية كدة انت هاتئزى نفسك و غيرك يقول انا حر
دة اكثر من مثل و غيرهم كثير جدا
لدرجة ان الواحد مبقاش عارف احنا فى عصر حرية و لا فى عصر الكل عايز يطلع فى الفضائيات و خلاص و يعمل الى هو عايزة
و نوصل لان
الكلاب تعوى و القافلة تسير (بس تسير فين ماعرفش)
انا مابقولش ان كل الناس بتسعمل الحرية غلط بالعكس
لاكن ماينفعش كل يوم مظاهرات و قعدة على الرصيف علشان سوسو مردش على توتو الصباح
المهم الموضوع هل احنا كشعب نستغل الحرية بطريقة صحيحة
يعنى انا حر ولا انا حر ( علشان التكيف عطلان)
هل احنا مستعدين للحرية و بنعرف نستعملها ولا كنا عيزين الموضوع على مراحل علشان نعرف معنى الحرية و كيفية استعمالها

من عنوان الموضوع جه فى دماغى حاجة تانية خالص
و لقيت بتنط فى دماغى اغنية لعبد الحليم
بتقول

ناصر يا حرية
ناصر يا وطنيه
يا حريه يا وطنيه
يا روح الامة العربيه
ناااااااااااااااااااااصر
الشعب يريدك بحياته
يا موصل موكبه لغاياته
نااااااااااااااااااااااصر
و حياة المصحف و اياته
اسمك فى قلوبنا اغنيه
يا حرية يا وطنيه
يا روح الامة العربيه
يا ناااااااااااااااااااااصر
--------
اعتذر للخروج عن الموضوع و لكن هذا كما ذكرت اول ما جه فى بالى من اسم الموضوع

لاطبعا مش مستعدين لا لحريه ولا لديمقراطيه
الحل الوحيد اننا نبتدى من الجيل اللى لسه طالع من اول مراحل التعليم
لازم يتعللموهوصغير معنى الحريه ومعنى الديمقراطيه .... معنى انوزى ماهومن حقه يقول رايه الغيركمان ليه نفس الحق ... معنى انو يقبل الخلاف فى وجهات النظر .... معنى احترام الغير فى حقوقه وواجباته فى كلحاجه فالحياه

مفهوم الحريه في ذهننا خاطيء تماما علشان كدة لما اي حد بياخد جزء من الحريه بيتصرف بشكل خاطيء
يعني
1- حريتك بتنتهي لما تصطدم بحريات الاخرين و المبدأ دة احنا مش بنطبقه يعني الشاب اللي بيغرز و يخمس براحته يروح في داهيه بس للاسف اللي بيعمله بيصطدم بحريتي اني اسوق بأعصاب هاديه و ان ولادي يعدوا الشارع بامان

2- حب لأخيك ما تحب لنفسك دة اعظم مبدأ لو تم تطبيقه كل المشاكل هتتحل و الاجانب بيطبقوة من منطلق انه بيلتزم علشان غيرة يلتزم يعني هو بيلتزم بالاشارة مش علشان هو كويس و طيب لأ علشان هو عارف انه لو ملتزمشي ممكن يلاقي واحد تاني في الشارع المعاكس مش ملتزم فالاتنين يموتوا سوا

علاقه الشرطه بالشعب ظابط البوليس بيطبق القانون بس هو في النهايه موظف في الدوله بيؤدي عمله مش نبي و لا مرسل لهدايه البشر يعني اللي ليه عندك لو خالفت انه يطبق القانون بكل ادب و احترام من غير تطويل ايد و لا لسان و لا عصيان و من باب اولي يطبقه علي نفسة (( حب لأخيك ما تحب لنفسك )) و في نفس الوقت لازم الشعب برضة يساعد الشرطه علي اداء واجبها بأنه يتقبل المخالفه في حاله حدوثها و ميسعاش انه يكلم معارفه علشان يفلت من العقاب

للأسف لازم نعرف معني الحريه الاول علشان نعرف نستعملها لكن الحريه بالمعني اللي في دماغنا مش حريه دي فوضي

اقتباس:

---

المشاركة الأصلية كتبت بواسطة mtak

من عنوان الموضوع جه فى دماغى حاجة تانية خالص
و لقيت بتنط فى دماغى اغنية لعبد الحليم
بتقول

ناصر يا حرية
ناصر يا وطنيه
يا حريه يا وطنيه
يا روح الامة العربيه
ناااااااااااااااااااااصر
الشعب يريدك بحياته
يا موصل موكبه لغاياته
نااااااااااااااااااااااصر
و حياة المصحف و اياته
اسمك فى قلوبنا اغنيه
يا حرية يا وطنيه
يا روح الامة العربيه
يا ناااااااااااااااااااااصر
--------
اعتذر للخروج عن الموضوع و لكن هذا كما ذكرت اول ما جه فى بالى من اسم الموضوع

---

لية الاسف و لاعتذار حلوة كلمات الاغنية

اقتباس:

---

المشاركة الأصلية كتبت بواسطة hesham_tawfiq

لاطبعا مش مستعدين لا لحريه ولا لديمقراطيه
الحل الوحيد اننا نبتدى من الجيل اللى لسه طالع من اول مراحل التعليم
لازم يتعللموهوصغير معنى الحريه ومعنى الديمقراطيه .... معنى انوزى ماهومن حقه يقول رايه الغيركمان ليه نفس الحق ... معنى انو يقبل الخلاف فى وجهات النظر .... معنى احترام الغير فى حقوقه وواجباته فى كلحاجه فالحياه

---

انا وانا بعمل الموضع دة كنت خايف ان الناس تهب فية بحرية على انى معادى للحرية و يفهمونى غلط شكرا للمشاركة

اقتباس:

---

المشاركة الأصلية كتبت بواسطة m.mosaad

مفهوم الحريه في ذهننا خاطيء تماما علشان كدة لما اي حد بياخد جزء من الحريه بيتصرف بشكل خاطيء
يعني
1- حريتك بتنتهي لما تصطدم بحريات الاخرين و المبدأ دة احنا مش بنطبقه يعني الشاب اللي بيغرز و يخمس براحته يروح في داهيه بس للاسف اللي بيعمله بيصطدم بحريتي اني اسوق بأعصاب هاديه و ان ولادي يعدوا الشارع بامان

2- حب لأخيك ما تحب لنفسك دة اعظم مبدأ لو تم تطبيقه كل المشاكل هتتحل و الاجانب بيطبقوة من منطلق انه بيلتزم علشان غيرة يلتزم يعني هو بيلتزم بالاشارة مش علشان هو كويس و طيب لأ علشان هو عارف انه لو ملتزمشي ممكن يلاقي واحد تاني في الشارع المعاكس مش ملتزم فالاتنين يموتوا سوا

علاقه الشرطه بالشعب ظابط البوليس بيطبق القانون بس هو في النهايه موظف في الدوله بيؤدي عمله مش نبي و لا مرسل لهدايه البشر يعني اللي ليه عندك لو خالفت انه يطبق القانون بكل ادب و احترام من غير تطويل ايد و لا لسان و لا عصيان و من باب اولي يطبقه علي نفسة (( حب لأخيك ما تحب لنفسك )) و في نفس الوقت لازم الشعب برضة يساعد الشرطه علي اداء واجبها بأنه يتقبل المخالفه في حاله حدوثها و ميسعاش انه يكلم معارفه علشان يفلت من العقاب

للأسف لازم نعرف معني الحريه الاول علشان نعرف نستعملها لكن الحريه بالمعني اللي في دماغنا مش حريه دي فوضي

---

اضم صوتى ليك ( نعرف معني الحريه الاول علشان نعرف نستعملها )

واضح ان سقف الحرية عالى ( مكبر دماغة):vctry:

هي الفكرة إنك متقدرش تحدد "إحنا" دول بالتحديد.

لأ للأسف
احنا عاملين زى الراجل الفقير اللى لو اخد فلوس كتير بالنسبه له -و ان كانت حقة- فهى هتخرجه عن رشده و صوابه

مافيش انسان مش مستعد انه يكون حر
لأن الحرية دي صفة اصيلة في الانسان


و مفيش انسان ما يعرفش ازاي يبقى حر لنفس السبب

بس الحرية المطلقة ممكن تطلق العنان للصفات القذرة كما هي للحسنة

لذا فوجود الحرية محتاج قيم عليها

آليه تهندم تناولها و تدافع عن معناها

و مشغل الألية يجب ان يكون حرا مدركا لحدود الحرية

علشان اللي يستعمل حريته غلط ....يصطدم بحرية الأخرين الكاملة


المفهوم ده فعلا لا يدرس في مدارسنا ولا مجتمعنا و لا بيوتنا ولا حتى الشوارع

لما البلد دي تلاقي مدرس و قيم للحرية

نبقى نتكلم

هو بعد اللى وصلنا له ده , لسه معندناش حرية !

النوع الوحيد من انواع الحرية اللى مش عارفين نستخدمه هو الحرية فى السياسة فقط , لكن فى جميع مجالات حياتنا كلنا بقينا احرار .

يعنى العادات و التقاليد و الكلام ده كله اتنسي من زمان و بقي كل واحد حر فى حياته .

اقتباس:

---

المشاركة الأصلية كتبت بواسطة ams

لأ للأسف
احنا عاملين زى الراجل الفقير اللى لو اخد فلوس كتير بالنسبه له -و ان كانت حقة- فهى هتخرجه عن رشده و صوابه

---

احنا وصلنا للمرحلة دى على فكرة , امال ايه اللى خلى الناس تخرج عن مسار حياتها و بقينا مش طايقين البلد ولا بعض !

اغلبنا فهم الحرية غلط و معنى الحرية عندنا هو انك انت تبقي حر و غيرك لا و بس .

الحرية لابد لها من قيود ، فالحرية المطلقة عبث وهى غير موجودة حتى فى أكثر المجتمعات حرية كأمريكا مثلاً ، القيود تختلف من مكان لآخر وطبيعة الحرية يحددها المجتمع وأفراده.

إنما فى ظل مجتمع متخلف نسبة الأميين فيه قاربت ال 50% وتحت خط الفقر 50% ، وتفشى الظلم والديكتاتورية والبيروقراطية فى النظام عليك أن لا تتوقع قدر كافى من الحرية يسمح لك كأنسان أن تمارس حياتك بشكل طبيعى آمن ومريح.

النرجسية الحادة فى أولى الأمر والمعلمين ولدت أجيالاً لا تقبل الرأى ولا الرأى الآخر ولا عندها العناصر التى تبنى أفراداً أحراراً.

لا معنى للحرية ف ظل الخوف ، طول ما الطالب خايف من المدرس ويصقف لدكتور الجامعة رغم انه أهمل فى حقه تعليمياً لمجرد أن يكسب وده عشان شوية درجات يبقى لا معنى للحرية ، لما دكتور الجامعة يبقى فى ايده يسقطك عشان مزاجه كدة ، يبقى لا معنى للحرية ، وبنصقف عادى جداً.

لا حرية رأى ولا حرية تعبير ولا حرية تعليم ولا حرية فكر ولا شىء.

إذن المشكلة فى الأفراد اللى مجموعهم يكون مجتمع ، وطبعاً مجتمع غير حر يولد نظام ديكتاتورى وليس العكس ، فالمشكلة ليست فى النظام وحسب.