محتار يا جماعه اجيب كورولا (هاي لاين ) ولا اوكتافيا ولا جيتا عايز راي خبراء

عرض للطباعة

20-06-2010, 11:57 AM
taftaf87

محتار يا جماعه اجيب كورولا (هاي لاين ) ولا اوكتافيا ولا جيتا عايز راي خبراء

السلام عليكم

لو سمحت يا اعضاء احسن منتدى للسيارات

انا محتار بجد بين كورولا ( هاي لاين ) او اوكتافيا فانتازيا اللي ب 162 الف ولا الجيتا اللي ب 167 الف بجد محتار وبسمع مليون راي وراي اللي يقولي الجيتا الوكيل بتاعها تعبان وهيتعبك بعد كده .. واللي يقولي الكورولا راحة بال

يا ريت يا جماعه اعرف رايكم بس يكون فيه معلومات عن المميزات والعيوب لكل واحده

وشاكر ليكم مقدما

ممنوع استخدام اللون الاحمر في المداخلات او التوقيع حيث إنه مخصص فقط للمداخلات الادارية من قبل الاشراف والإدارة

21/6/2010
5:13 am
مشرف 12 ب
20-06-2010, 12:02 PM
taftaf87

ده اول مشاركه ليا في المنتدى اتمنى تفيدووني
20-06-2010, 12:04 PM
Kareem_A

هل حضرتك مقتنع بالكورولا باي شكل من الاشكال ؟؟

عشان حضرتك لو مش مقتنع بيها و حاططها في المقارنة عشان سعرها

فحضرتك هتشوف آراء في الموضوع الهي "هتسيب الالماني و تركب ياباني" , "طبعا الالماني" , و دي آراء هتحدد لحضرتك الاختيار على طول

اما عن المقارنة الموضوعية فهو باين من فرق السعر

لو حضرتك تقدر تجيب جيتا او اوكتافيا هاي لاين هاتها من غير ما تفكر , لو مينفعش يبقى الكورولا و دي وجهة نظري
20-06-2010, 12:09 PM
KHALED AYMAN

انا رأيى الشخصى ...
فانتازيا ...
هى تتفوق على الكورولا فى الثبات و الشكل و الوسع و الشنطه و الخامات و الرفاهيه ...
عفشتها ناشفه شويه بس مش وحشه يعنى
تكييفها مش سريع التبريد ...بس كويس جدا جدا جدا ...
قطع غيار """"رخيييييصصصصصصصصصصه"""
ايوه رخيصه ...
فانوس الجيتا بكام ؟؟
فانوس الكورولا بكام ؟؟
شبكه الكورولا بكام ؟؟
شبكه الجيتا بكام ؟؟
20-06-2010, 12:13 PM
taftaf87

انا مش حاطط الكورولا كاختيار عشان السعر لا ... انا عجباني جدا الكورولا ( هاي لاين ) وفي نفس الوقت مقدرش ع الهاي لاين بتوع الجيتا او الاوكتافيا عشان كده حاطط يعتر يعني البيز لاين بتاعهم ( الجيتا والاوكتافيا )

في ناس بتقول الالماني لا يعلى عليه

وناس تقولي جيب الكورولا هاي لاين احسن من البيز لاين بتوع الجيتا او الاوكتافيا ..... بيقولولي الفرق بعدين في قطع الغيار

انا بصراحه مش عارف .... لان الهاي لاين بتاع الكورولا في كماليات عااليه لو دورت عليها في الجيتا او الاوكتافيا هدفع اكتر بكتير
20-06-2010, 12:17 PM
taftaf87

اقتباس:

المشاركة الأصلية كتبت بواسطة khaled ayman

انا رأيى الشخصى ...
فانتازيا ...
هى تتفوق على الكورولا فى الثبات و الشكل و الوسع و الشنطه و الخامات و الرفاهيه ...
عفشتها ناشفه شويه بس مش وحشه يعنى
تكييفها مش سريع التبريد ...بس كويس جدا جدا جدا ...
قطع غيار """"رخيييييصصصصصصصصصصه"""
ايوه رخيصه ...
فانوس الجيتا بكام ؟؟
فانوس الكورولا بكام ؟؟
شبكه الكورولا بكام ؟؟
شبكه الجيتا بكام ؟؟

متشكر على راي يا باشا وانا رحت المعرض وركبت الاوكتافيا بس قالولي عفشتها ناشفه وانا يعتبر بسافر شبه اسبوعيا ... فحاسس ان ده هتبقى مشكله

ولا انت ايه راي حضرتك ؟؟
20-06-2010, 12:24 PM
KHALED AYMAN

قطع غيار الفانتازيا متوفره فى التوكيل و قريبا جدا موجوده برا الوكيل ..
ده غير انها فى الوكيل نفسه مش غاليه ..
الفانوس الامامى للفانتازيا ب 1800 جنيه ..رقم كبير اه
بس المنافسين اسعارهم ايه ؟
الفيكترا مثلا ...الفانوس العادى مش زينون ب2500 تقريبا !!
الجيتا اكييييييد فانوسها اغلى من الاوكتافيا ..
شبكه الفانتازيا ب 800 جنيه !!
شبكه الجيتا هتكون بكام ؟؟
موضوع قطع الغيار انا شايفه فى صالح الفانتازيا ...زى ما هو فى صالح الكورولا ...
حضرتك هتضحى بكماليات و تجيب فانتازيا هتكسب :
1-ثبات اعلى
2-خامات افضل
3-صالون اوسع بكتيررررر
4-شنطه مهوله
5-شكل افضل و برستيج اعلى

دى الحاجات الاساسيه الى هتلاحظها بمجرد النظر ..
لسه كمان لما تمتلك العربيه هتلاقى نظام صوتى رااااائع
موتور ملوش صوت ...
انا بمشى بيها 180 مش سامع صوت الموتور !!
عفشه جامده جدا على الطريق و ثبات خرافى ...
ملخص ثباتها ان مفيش موقف هتعوم فيه او تقل باصلها ...
من الاخر بتقولك ...خش و ملكش دعوه ...
تابلوه الفانتازيا من رأيى اشيك بكتيييير من تابلوه الكورولا...
الامان معرفش اخبارهم ايه ...
بس الفانتازيا 2 ايرباج و abs و ebd
انا شخصيا شايف الفانتازيا افضل الاختيارات ...و نستنى راى باقى الاعضاء و طبعا الراى الاول و الاخير ليك ..
20-06-2010, 12:27 PM
KHALED AYMAN

اقتباس:

المشاركة الأصلية كتبت بواسطة taftaf87

متشكر على راي يا باشا وانا رحت المعرض وركبت الاوكتافيا بس قالولي عفشتها ناشفه وانا يعتبر بسافر شبه اسبوعيا ... فحاسس ان ده هتبقى مشكله

ولا انت ايه راي حضرتك ؟؟

الاوكتافيا مع والدى ...
و بيسافر بيها اكتر من مرتين كل اسبوع ...
عشان اوضح لحضرتك بردو ..
الى مزود احساس النشوفيه ..
ان صوت العفشه مسموع فى العربيه ...مش عالى لكن مسموع ..
فلو نزلت نقره بيها ...
بتسمع صوتها و هى بترزع فى العفشه ...
بتديك احساس بالنشوفيه ...
انما هى مش ناشفه زى ما انت متخيل ....
و النشوفيه كمان ورا مش ادام ...
و بصراحه هى مريحه جدا جدا فى السفر ...
وفيها ميزه مريحه جدااااااااا على الطريق ...
تموجات الاسفلت و مطبات الهوا و الاسفلت المعووج و النقر و الحاجات دى كللللللها ...
مش بتهز تاره العربيه ...يعنى تلبس المطب ...والتاره ولا فى دماغها ...
ده غير ان الطريق لا يؤثر على اتجاه العربيه ...يعنى مش بتحدف مع الطريق مثلا او كده...
برده فى الحتت المكسره و المدقات ...طبيعى تاره اى عربيه بتتهز ...دى لا ..ولا الهوا...
ده شىء مريح فى رأيى خصوصا للى بيسوق كتير ..
20-06-2010, 12:28 PM
Mohammmed

بص انا مبدأيا راى تستبعد الكرولا
وتقارن بين الجيتا والاوكتافيا
وانا راى طبعا الاكتافيا
منتشرة اكتر عالية عن الارض شكلها افخم واشيك قطع غيارها ارخص
20-06-2010, 02:13 PM
nonopopo

اقتباس:

المشاركة الأصلية كتبت بواسطة khaled ayman

قطع غيار الفانتازيا متوفره فى التوكيل و قريبا جدا موجوده برا الوكيل ..
ده غير انها فى الوكيل نفسه مش غاليه ..
الفانوس الامامى للفانتازيا ب 1800 جنيه ..رقم كبير اه
بس المنافسين اسعارهم ايه ؟
الفيكترا مثلا ...الفانوس العادى مش زينون ب2500 تقريبا !!
الجيتا اكييييييد فانوسها اغلى من الاوكتافيا ..
شبكه الفانتازيا ب 800 جنيه !!
شبكه الجيتا هتكون بكام ؟؟
موضوع قطع الغيار انا شايفه فى صالح الفانتازيا ...زى ما هو فى صالح الكورولا ...
حضرتك هتضحى بكماليات و تجيب فانتازيا هتكسب :
1-ثبات اعلى
2-خامات افضل
3-صالون اوسع بكتيررررر
4-شنطه مهوله
5-شكل افضل و برستيج اعلى

دى الحاجات الاساسيه الى هتلاحظها بمجرد النظر ..
لسه كمان لما تمتلك العربيه هتلاقى نظام صوتى رااااائع
موتور ملوش صوت ...
انا بمشى بيها 180 مش سامع صوت الموتور !!
عفشه جامده جدا على الطريق و ثبات خرافى ...
ملخص ثباتها ان مفيش موقف هتعوم فيه او تقل باصلها ...
من الاخر بتقولك ...خش و ملكش دعوه ...
تابلوه الفانتازيا من رأيى اشيك بكتيييير من تابلوه الكورولا...
الامان معرفش اخبارهم ايه ...
بس الفانتازيا 2 ايرباج و abs و ebd
انا شخصيا شايف الفانتازيا افضل الاختيارات ...و نستنى راى باقى الاعضاء و طبعا الراى الاول و الاخير ليك ..

قطع غيا الكرولا مش غاليه قوي وثباتها لحد 170 ممتاز وتقفيل حلو مش فيه غلطه الشنطه كبيره 460 لتر شكلها رائع هي والفانتزيا خصوصا الاسود بس انا راي الكرولا الهاي لاين احسن من وجه نظري فيها عوامل امانabs.abd و9 وسائد هوائيه الصاج قوي بس مش زي الفانتزيا كماليات كتيرفوج لايت
- جنوط 16 إنش
- راديو وسي دي تشانجر 6 اسطوانات مع تحكم في عجلة القيادة
- حساسات مطر
- مخرج كهربائي 12 فولت
- تكييف تتش
- عدادات اوبتيترون
- الدخول و إدارة المحرك بدون مفتاح (سمارت كى)
- ريموت كنترول للفتح و الغلق و فتح الشنطة
- حساس لإضاءة الأنوار اوتوماتيكيا
- اضاءة زينون
- بخاخات لغسل الفوانيس
- مثبت سرعة
ده غيرعجلة قيادة و الفتيس مكسوين بالجلد

- مرآة داخلية ذاتية التعتيم
العربيه كامله وحتسسك براحه
20-06-2010, 02:15 PM
nonopopo

دي صوره لشنطه العربيه كان رافعها احد الاعضاءhttp://img39.imageshack.us/img39/9425/64980494.jpg
20-06-2010, 02:21 PM
nonopopo

ودي صوره للاتنينhttp://img12.imageshack.us/img12/1471/69912443.jpg
20-06-2010, 02:23 PM
nonopopo

ودي الفانتزياhttp://images.paultan.org/images2/20...Facelift-1.jpg
20-06-2010, 03:27 PM
m073med

لو هنفكر صح خليك في الفانتازيا سعر قطع الغيار حلو وعوامل امان حلوة وشكل جميل والمقصورة خاماتها عالية وربنا يهديك للخير.
20-06-2010, 04:03 PM
Mustafa_Farouk

السلام عليكم،

أنا بحب الاوكتفيا جدا لانها عربية جامدة جداً وأنا مجربها من أيام a4 وأكيد حكون منحاز ليها، بس إنت شوف أنهي عجباك ودوس فيها لأن التلاثة كويسين وممكن تحط معاهم الرينو فلونس الجديدة.
20-06-2010, 10:46 PM
taftaf87

تسلموا يا جمااااعه كلكو ومتشكر على اهتمامكم وانا استفدت جدااااااااااااااااا من كلامكووو

انا حاسس اني ميال للاوكتافيا بصراحه لان كل الناس بتشكرلي فيها جداااااا

بس عايز اعرف اجيبها من في ن احسن من المعرض ولا من الوكيل والوكيل الاقيه فين اصلااا ؟؟؟
21-06-2010, 12:43 AM
amrseba

طب بص التيوتا كورولا جميله جدا ومريحه وفيها اوبشن اعلى وثبات الكورولا جميل جدا لاغيت 180 وبعد كده بيقل عشان العفشه ناعمه والعربيه تركابها تبقى فى عالم تانى خالص وانت مش داخل سباق ياعنى عشان تقفل العداد

بس برده هقولك على حاجه الامانى المانى لا يعلى عليه

بس توكيل تيوتا محترم وانا بتعامل معاه زى الفل وتريح دماغك و تبقى معاك كل الاوبشن الى تحلم بيه

بس لو انت ميال لاوكتافيا جميله جدا والتلت عربيات كويسين وبصراحه ركوبه الاوكتافيا حاجه والتيوتا حاجه تانيه

تيوتا بتهتم الامان اولا الراحه ثانيا الجوده ثالثا

انا معايه كورولا ملكه 96 بسم الله مشاء الله مريحه جدا وتاكيفها حلو ركبت الاوكتافيا ال a4 بص عربيه بجد ملهاش حل وماتورها عفى انا دوست على البنزين سرحت لاقيت نفسى بجيب فى ال 190 ومش حاسس بأى حاجه

التيوتا ياعنى امان وراحه تامه وكل الى تتمانا فى اى عربيه لكن الاوكتافيا غول ذات طابع رياضى تشعرك بقوتها وصلابتها
21-06-2010, 12:56 AM
KHALED AYMAN

اقتباس:

المشاركة الأصلية كتبت بواسطة taftaf87

تسلموا يا جمااااعه كلكو ومتشكر على اهتمامكم وانا استفدت جدااااااااااااااااا من كلامكووو

انا حاسس اني ميال للاوكتافيا بصراحه لان كل الناس بتشكرلي فيها جداااااا

بس عايز اعرف اجيبها من في ن احسن من المعرض ولا من الوكيل والوكيل الاقيه فين اصلااا ؟؟؟

عندك حاجتين ..
خليجى ..دى كماليات اعلى بسعر اقل ..عيبها انها من غير ضمان و اقل فى الارتفاع عن الوكيل ب 3 سم و ممكن تحك فى المطبات العاليه ...سيبك من كلام تكييف اقوى و بويه احسن ..الكلام ده مش فيها ...و دى معانا مفيش منها مشاكل ...
وكيل ...دى عليها ضمان ....و اعلى من الخليجى من حيث الارتفاع ...
رأيى خليك فى الوكيل ليه ؟؟
عشان الموضه دلوقت ان الوكلاء يمنعو دخول الخليجى ...او يقولك تدفع 5000 جنيه ..و ممكن توصل ل 7000 جنيه زى فولكس كده ...
الوكيل هو ارتوك اوتو ...
حضرتك منين ؟؟
21-06-2010, 01:00 AM
eng.octooo

انا ارشح الفانتازيا ثم الكورولا
21-06-2010, 01:12 AM
khafify

الفانتازيا - الكرولا بها عيوب فنيه - الجيتا شكل جديد 2011
21-06-2010, 01:36 AM
محمد محمد

انصحك تجرب ال3 عربيات سواقة كل واحدة يومين تأجرهم مثلا والكماليات دي اخر حاجة تفكر فيها لازم تجرب قبل ما تشتري.
21-06-2010, 08:55 PM
taftaf87

اقتباس:

المشاركة الأصلية كتبت بواسطة khaled ayman

عندك حاجتين ..
خليجى ..دى كماليات اعلى بسعر اقل ..عيبها انها من غير ضمان و اقل فى الارتفاع عن الوكيل ب 3 سم و ممكن تحك فى المطبات العاليه ...سيبك من كلام تكييف اقوى و بويه احسن ..الكلام ده مش فيها ...و دى معانا مفيش منها مشاكل ...
وكيل ...دى عليها ضمان ....و اعلى من الخليجى من حيث الارتفاع ...
رأيى خليك فى الوكيل ليه ؟؟
عشان الموضه دلوقت ان الوكلاء يمنعو دخول الخليجى ...او يقولك تدفع 5000 جنيه ..و ممكن توصل ل 7000 جنيه زى فولكس كده ...
الوكيل هو ارتوك اوتو ...
حضرتك منين ؟؟

انا من القاهره - المنيل
21-06-2010, 09:14 PM
الصيداح

كنت في حيرة من أمري مثلك تمام ومكثت أياما وليالي متنقلا بين أركان المنتدى بين هوندا وتويوتا وسكودا وفولكس وأستقريت على
الأوكتافيا بعد اقتناع تام بها
وبالرغم من أني لم أشتر بعد لكن أنصحك بالأوكتافيا
22-06-2010, 12:55 AM
x512

الفانتازيا و الجيتا انا شايف انهم فئه اعلي شويه مالكروللا ......لو عاوز حاجه شبابي هات الجيتا..لو عاوز فخامه و حاجه عائليه هات الفانتازيا ....... و اعتقد الفانتازيا احسن كتير في استهلاك البنزين علي حسب ما قريت في موضوع هنا في المنتدي+ التوكيل بتاع فولكس فعلا تعبان تحديدا فرع العبور .....انا بشجع الفانتازيا افضل بكتير
23-06-2010, 11:39 AM
ahmedbeirut123

اقتباس:

المشاركة الأصلية كتبت بواسطة khaled ayman

انا رأيى الشخصى ...
فانتازيا ...
هى تتفوق على الكورولا فى الثبات و الشكل و الوسع و الشنطه و الخامات و الرفاهيه ...
عفشتها ناشفه شويه بس مش وحشه يعنى
تكييفها مش سريع التبريد ...بس كويس جدا جدا جدا ...
قطع غيار """"رخيييييصصصصصصصصصصه"""
ايوه رخيصه ...
فانوس الجيتا بكام ؟؟
فانوس الكورولا بكام ؟؟
شبكه الكورولا بكام ؟؟
شبكه الجيتا بكام ؟؟

+111111111111111111

سكودا ثم سكودا

العربية ديه عالطرق السريعة ملكة عالطريق

هى اه طلعتها تقيلة شوية بس بعد 100 طلقة

وو اسعة وشنطتها كبيرة وصاجها قوى جدا جدا
23-06-2010, 01:34 PM
golf2010

أنا في رأيي الفانتازيا لازم تتجاب هاي لاين, والجيتا بطيئة عزمها قليل شوية على حجم العربية مع إنها أشيكهم بصراحة, عموماً انا برشحلك الكورولا الهاي لاين هتستمع بكمالياتها.
23-06-2010, 02:01 PM
OilMan

اولا ربنا يوفقك فى الاختيار ومش تنسى الاستخاره
اما بالنسبة لبعض النقاط اللى ذكرها الزملاء هنا انا مش معترض بس ليا تعليق صغير فى موضوع الوسع بين الاوكتافيا والكورولا انا ليا زميل فى الشغل معاه الفانتازيا وانا معايا الكورولا وقارنا الوسع بين العربيتين ولقينا التويوتا اوسع وخاصة انى الكورولا مش فيها االمقب الخلفى اللى بين الكرسيين وثانيا الكورولا تتفوق فى الصيانه وقطع الغيار وده يهمك نظرا لسفرك بصفة مستمرة وكمان ثبات العربيه لحد 160 هايل وبعد كده مش مقلق بس مش مريح يعنى ومع احترامى لاى حد بيتكلم على ثبات مفيش مقياس للثبات فى مصرنا الجميله نظرا لسوء شوارعنا وبالتالى بقى الموضوع نسبى يبقى مش معيار ولو عاوز تجرب العربيتين يبقى فى نفس الشارع بمطباته بنقره بقرفه
نييجى بقى للكماليات الكورولا تتفوق فى عوامل الامان وتتلخص فى 9 اير باج بالاضافه للسمارت كى هايل جدا وكمان النور الاتوماتيكى والاوتو دايمينج فى المرايا اعتقد برده موجودين فى السياراتين الاخريتين بس فى الهاى لاين
اسمحلى فرق الفلوس مش يستاهل انك ترهق نفسك ماديا وخاصة انى الكورولا فى سعر اعادة البيع اعلى من الاختين الحلوين التانيين
تقبل تحياتى وارجو انى اكون افدتك وعذرا لمن اختلفت معهم فى الراى
24-06-2010, 04:13 AM
gazzar91

اقتباس:

المشاركة الأصلية كتبت بواسطة oilman

اولا ربنا يوفقك فى الاختيار ومش تنسى الاستخاره
اما بالنسبة لبعض النقاط اللى ذكرها الزملاء هنا انا مش معترض بس ليا تعليق صغير فى موضوع الوسع بين الاوكتافيا والكورولا انا ليا زميل فى الشغل معاه الفانتازيا وانا معايا الكورولا وقارنا الوسع بين العربيتين ولقينا التويوتا اوسع وخاصة انى الكورولا مش فيها االمقب الخلفى اللى بين الكرسيين وثانيا الكورولا تتفوق فى الصيانه وقطع الغيار وده يهمك نظرا لسفرك بصفة مستمرة وكمان ثبات العربيه لحد 160 هايل وبعد كده مش مقلق بس مش مريح يعنى ومع احترامى لاى حد بيتكلم على ثبات مفيش مقياس للثبات فى مصرنا الجميله نظرا لسوء شوارعنا وبالتالى بقى الموضوع نسبى يبقى مش معيار ولو عاوز تجرب العربيتين يبقى فى نفس الشارع بمطباته بنقره بقرفه
نييجى بقى للكماليات الكورولا تتفوق فى عوامل الامان وتتلخص فى 9 اير باج بالاضافه للسمارت كى هايل جدا وكمان النور الاتوماتيكى والاوتو دايمينج فى المرايا اعتقد برده موجودين فى السياراتين الاخريتين بس فى الهاى لاين
اسمحلى فرق الفلوس مش يستاهل انك ترهق نفسك ماديا وخاصة انى الكورولا فى سعر اعادة البيع اعلى من الاختين الحلوين التانيين
تقبل تحياتى وارجو انى اكون افدتك وعذرا لمن اختلفت معهم فى الراى

أسلوب حضرتك محترم قوي قوي قوي... يا ريت كل الناس زيك...
في رعاية الله...
24-06-2010, 04:16 AM
gazzar91

أنا من أنصاااااااااااااااااااااا ار الألماني...
الفانتازيا ليها هيبة و حضور أقوى من الكورولا..
ده رأيي كواحد شايفك راكب العربية... إنما الفنيات فأنا محصليش شرف إني ركبت حاجة غير الفانتازيا... تحفة!!!
ملاك العربيات الممتازة دي هيدلوك للأصح..
في رعاية الله..
24-06-2010, 07:57 AM
Eslam.Elrefaey

الفانتزيا أحسن من رأيى فى كل حاجة
24-06-2010, 01:16 PM
Mohammmed

اقتباس:

المشاركة الأصلية كتبت بواسطة ahmedbeirut123

+111111111111111111

سكودا ثم سكودا

العربية ديه عالطرق السريعة ملكة عالطريق

هى اه طلعتها تقيلة شوية بس بعد 100 طلقة

وو اسعة وشنطتها كبيرة وصاجها قوى جدا جدا

+11111111111111
24-06-2010, 09:20 PM
islamaboelnaga

اركب جيتا او اوكتافيا على طريق سريع وو اركب الكورولا .....فرق رهيييب بين الالمانى و اليابانى على الطريق لصالح الالمانى طبعا ...العربيات دى عربيات طريق...
25-06-2010, 08:42 PM
hazemhassan

مقارنة جميلة فعلا
وتلات عربيات مايتسبوش اصلا
اذا كان كماليات اليابان
ولا ثبات وقوة الالمان
25-06-2010, 11:22 PM
golf2010

اقتباس:

المشاركة الأصلية كتبت بواسطة islamaboelnaga

اركب جيتا او اوكتافيا على طريق سريع وو اركب الكورولا .....فرق رهيييب بين الالمانى و اليابانى على الطريق لصالح الالمانى طبعا ...العربيات دى عربيات طريق...

الألماني فعلا ثباتو اعلى كتير بس مش هتفرق لحد 140 وبيتهيقلي قليل لما يزود عن 140, عموما مالهاش لازمة يجيب جيتا او اوكتافيا عشان اسمهم بس لو هايجيبهم فاضيين, فا الحسنلو عشان يحس انو اشترى عربية جديدة يجيبها هاي لاين, مش يجيب عربية فاضية عشان ثباتها بس.