باركولى ... وعقبالكوا.........................لال مش على الولد ولا البنت, الحمد لله عندى الاثنين من زمان ومش ناوى جديد

لكن انا بتكلم على الكاوتش, ايوة الكاوتش اصل دى اول مرة اغير فى اللانسر جبت اربع فرد كاوتش بريدجستون يابانى اصلى عشان خلى بالكو فى الماليزى وكمان التايلندى
المهم جبت الفردة على 560 من توكيل بريللى اللى فى المهندسين
الفردة 15/60/195 88 فى صناعة 2010 درجة حرارة اولى ودى بتتحمل سرعة حتى 240 كيلو وتتحمل اقصى درجات الحرارة
والفردة ما شاء الله جميلة وبالشيب الجديد وممكن تستحمل حتى 80000 كيلو
والاولى اللى انا غييرتها كانت على 52000 كيلو
وبعدين رحت توكيل الرواس غييرت تيل الفرامل الامامى عشان يبقى كلة تمام وكان ثمنة 385 من غير الضريبة والمصنعية
مبروك عليا وعقبالكو
واى سؤال انا فى الخدمة