بطوط ((ايه مينفعش ارجع عيل يعني))

**AmatoALLAH** · 20-06-2010 08:55 PM

نرجع عيال ايه :)

انا مش محتاجه ارجع عيله تاني

لاني لحد النهارده بجيب مجلة ميكي و لما انقطعت فتره كنت زعلانه جدا جدا

بس من اول ما رجعت من 2003 و انا مواظبه عليها

لازم كل يوم اربع الصبح افتح باب الشقه و الاقيها منورة مع الجرنال

و البواب كل اسبوع و هو بيحاسبني علي الجرايد و يقولي مجلة ميكي الاسبوع دا ب 4 جنيه مش ب 3 جنيه و نص علشان دي سوبر ميكي

بحس في عيونه انه عايز يقولي ما تبطلي عبط بئي مش شايفه سنك و طولك:)

بس و الله لما بقرأها بحس البراءة و بفصل من الدنيا الهم اللي احنا عايشين فيها دي :(

و لازم قبل ما انم اقراها :)

**NFS** · 20-06-2010 09:28 PM

جامده موووووت تسلم ايدك.

**horas3000** · 20-06-2010 09:34 PM

المشاركة الأصلية كتبت بواسطة أبو إياد

مواليد التمانينات ضايعين فى البلد دى
لان اجمل طفوله كانت طفوله التسعينات
شافوا الخير واتعلموا الرجوله على امل انهم يكونوا فى مستقبل جميل
لكن للاسف الدنيا اتغيرت وهما مش عارفين يتاقلموا معاها
ومش عارفين يبقوا وحشين

حضرتك لخصت معاناه الجيل كله في الكلمتين دول

المشاركة الأصلية كتبت بواسطة mohamed.raafat

يااااااااااه فكرتني بالذي مضى

بس انا كنت متابع جيد لمجلة ماجد و فضولى بالذات

و بعدها فلاش و سماش ( اخدت منهم معلومات مالهاش حل )

و بعد كده كان التطور و وصلت لرجل المستحيل و كوكتيل 2000 للدكتور/ نبيل فاروق
بجد اتعلمت منهم حاجات حلوة اوي كتييييير

هههههه
هو ده كان مقرر و لا ايه

و تسلم ايد الرجاله اللي جابو روابط الاعداد

**2faster** · 21-06-2010 12:15 AM

المجلات دي بابا كان بيجبهالي وكنت بتمسمر في البيت لغاية ما اقراها

وكانت بتنزل كل اول شهر انا كنت مقتني مجموعة جديدة من التسعينات وقولت يبقي ليها قيمة

دلوقتي

لغاية ما اخويا الصغير شرفنا في البيت وفرمهم في المفرمة بعد ما بلهم في الجردل

هههههههههه

كنت حموته اليوم ده بس رجعت وقولت (عيل صغير)